Дар вилояти Суғд фестивали атласу адрас баргузор мегардад

Обуна шудан
Бофандаҳои атлас аз рӯи панҷ бахш барои ҷои аввал байни ҳам рақобат хоҳанд кард. Маблағи мукофот аз панҷ ҳазор сомонӣ барои Гран-при то 2 ҳазор сомонӣ барои ҷойҳои намоён.

ДУШАНБЕ, 23 сен — Sputnik. Моҳи октябр дар вилояти Суғд беҳтарин бофандагони матоҳои миллӣ дар фестивали атласу адрас ҷамъ меоянд, иттилоъ медиҳад хадамоти матбуоти вазорати фарҳанги ҶТ.

Ҷашнвора моҳи октябр дар шаҳри Хуҷанд баргузор мешавад.

Асбоби бофандагӣ. Акс аз бойгонӣ - Sputnik Тоҷикистон
Дар Хуҷанд бофандаи беҳтарин интихоб шуд

Дар доираи фестивал баргузории озмун аз рӯи бахшҳо: "Либоси беҳтарини кӯдакона", "Либоси хонагӣ", "Либоси расмӣ", "Беҳтарин либоси миллии қадимӣ" ва "Либоси сайру гашт" байни атласбофон дар назар аст.

Ғолибони ҳар бахш бо мукофоти пулӣ ба қадри аз 2 ҳазор сомонӣ то 3 ҳазор қадрдонӣ мешаванд. Гирандаи Гран-при бошад ба гирифтани 5 ҳазор сомонӣ мушарраф хоҳад гардид.

Ҳадаф аз баргузории чорабинӣ рушди саноати сабук, истеҳсоли матоъ, тарғиби истеҳсоли либос аз матоҳои табиӣ ва аз ҷиҳати экологӣ тоза бо истифода аз рамзҳои миллӣ, эҳёи анъанаҳои халқӣ, ҳунар ва фаъолияти занон мебошад.

Соли гузашта низ дар шаҳри Хуҷанд фестивали атласу адрас баргузор шуда буд. Президенти кишвар Эмомалӣ Раҳмон низ дар ин ҷашнвора иштирок карда, ба ҳунари атласбофон баҳои баланд дод.

© SputnikЛухтак - таджикская кукла Барби
Лухтак - таджикская кукла Барби - Sputnik Тоҷикистон
Лухтак - таджикская кукла Барби
Лентаи хабарҳо
0