Маҳви маводди мухаддир

ОНММ дар семоҳаи аввали соли ҷорӣ 1,2 тонна мухаддиротро забт кард

1
Миқдори маводди мухаддире, ки маъмурони мухаддаротии Тоҷикистон забт кардаанд, дар муқоъиса бо ҳамин давраи соли гузашта андаке бештар аст ва аз рӯйи миқдор пойтахти кишвар пешсаф мебошад.

ДУШАНБЕ, 20 апр — Sputnik. Дар се моҳи аввали соли ҷорӣ ниҳоди зиддимухаддаротии Тоҷикистон аз гардиши ғайриқонунӣ 1,2 тонна маводди мухаддиро забт кардааст, ки нисбати ҳамин давраи соли гузашта 0,2% бештар аст, хабар медиҳад ОНММ ҶТ.

Аз ҳаҷми умумии маводди мухаддири забтшуда 637 килограмро афюн ташкил медиҳад, ки 24,7% ҳероин мебошад, 626 килограмро мухаддироти бангдона ва барои бори нахуст 29 грамм кокаин будааст. Ҳамчунин дар семоҳаи аввал се маротиба бештар мухаддироти маснуъӣ — 3,317 адад дору забт шудааст, ки нисбати соли гузашта бештар мебошад.

Бештар аз ҳама дар Душанбе маводди мухаддир ошкор ва забт шудааст — 46,7% куллияи мухаддирот ва камтар аз ҳама дар ВМБК — 13% ошкор шудааст.

Ин дар ҳолест, ки миқдори ҷароими мухаддаротӣ, ба иттилоъи ОНММ ҶТ, коҳиш ёфтааст. То авохири моҳи март дар кишвар 307 ҷиноят сабт шудааст, ки 11% камтар аз омори ҳамин давраи соли 2014 мебошад.

Ба манзури ҳамоҳангсозӣ дар соли 2015 Ожонсӣ якҷо бо ниҳодҳои интизомии Афғонистон ҳашт амалиёти муштарак баргузор карданд, ки дар ҷараёни онҳо аз муъомилоти ғайриқонунӣ беш аз 374 килограмм маводди мухаддир заб шуда 1 тавлидгоҳи ҳероин дар вилояти Бадахшони Афғонистон тахриб карда шуд.

Амалиёти муштараки мушобеҳ ҳамчунин бо Идораи давлатии назорат бар маводди мухаддири Ҷумҳурии Қирғизистон дар шаҳри Бишкек анҷом дода шуд, ки дар пайи он беш аз 7 килограмм ҳероин забт шуд.

1
Барчаспҳо:
гузориш дар бораи фаъолият дар се моҳи аввали соли 2015, ОНММ, Тоҷикистон
Мавзуъ
Дар Бадахшон ва Хатлон 14 кг маводди мухаддир забт шуд
Соли гузашта 14 корманди интизоми бо маводди мухаддир боздошт шуданд
Дар АНМН “Масири ҳероин” баррасӣ шуд
Боздошти як тоҷикистонӣ дар Маскав бо 70 кг ҳероин
Афғонистон дар тавлиди ҳероин ва ҳашиш дар ҷаҳон пешсаф мебошад
Додгоҳи Дубай барои 13 килограмм ҳероин 10 соли зиндонро раво дид
Шаҳрвандони ҶТ бо 10 кг ҳероин дар вилояти Маскав боздошт шуданд