Бинои вазорати рушди иқтисод ва тиҷорати ҶТ. Акс аз бойгонӣ

ИМА ва Тоҷикистон қасд доранд равобити иқтисодиро тақвият бидиҳанд

1
(Таҷдидшуда 16:39 11.02.2016)
Иёлоти муттаҳидаи Амрико ба тавсеъаи ҳамкориҳои мутқобилан судманд бо Тоҷикистон алоқаманд мебошанд, зикр кард сафир Сюзанн Эллиотт дар дидор бо раҳбари вазорати рушди иқтисод ва тиҷорати Тоҷикистон.

ДУШАНБЕ, 20 апр — Sputnik. Тақвияти равобити иқтисодӣ меҳвари аслии музокироти миёни вазири рушди иқтисодӣ ва тиҷорати Тоҷикистон Неъматулло Ҳикматуллозода бо сафири ИМА дар Тоҷикистон Сюзан Эллиотт дар поёни ҳафтаи гузашта будааст, хабар медиҳад маркази мутбӯъотии ин вазоратхона.

"Вазъи иҷтимоиву иқтисодии кишвар дар ҷараёни дидори ҷонибҳо матраҳ шудааст. Ҳамчунин масоили таъмини субботи макроиқтисодӣ дар Тоҷикистон ва зарурати роҳандозии ислоҳоти иқтисодӣ дар кишвар баррасӣ шудаанд. Ҷонибҳо ҳамчунин фаъолияти ширкатҳои амрикоӣ дар ҶТ, ҷалби сармоягузорӣ ва мавзӯъи муҳоҷирати кориро матраҳ кардаанд", — хабар медиҳад ин ниҳод.

Гуфта мешавад, ки ин ислоҳот ва иҷрои барномаҳои дорои аҳамияти минтақавӣ имкон медиҳанд, ки зарфияти содиротии кишвар ва вазъи таъмини кор барои аҳолӣ беҳтар карда шаванд.

Тибқи натоиҷи семоҳаи аввали соли 2015 табодули коло миёни ИМА ва Тоҷикистон дар муқоъиса бо ҳамин давраи соли гузашта 80,4% коҳиш ёфта каме бештар аз $5,6 миллион шудааст. Аз ҷумла содирот $78 ҳазор ва воридот $5 миллиону 577,6 ҳазор будааст.

ИМА ҳамчун пешсафи ироъаи кӯмакҳои башардӯстона ба Тоҷикистон боқӣ мондааст. Тибқи иттилоъи Ожонси омори ҶТ дар моҳҳои январ ва марти соли 2015 ба ҷумҳурӣ 25 кишвар ба маблағи $10,3 миллион ва дар ҳаҷми 5 ҳазору 973,8 тонна кӯмакҳои башардӯстона ворид шудааст.

Дар миёни кишварҳои кӯмакрасон бештар аз ҳама саҳми ИМА — 24,9%, Словения — 11,2%, Ҳоланд — 5,8%, Дания — 4,6%, Чин — 4,3%, Ҷумҳурии Куриё — 2,9%, Австрия — 2,8% Латвия — 1,8%, Олмон — 1,2%, Афғонистон — 1% мебошад. Кишварҳои ИДМ: Русия — 34,7%, Қазоқистон- 1,4% ва ғайра ҳастанд.

1
Барчаспҳо:
дидори сафири ИМА бо вазир, Вазорати рушди иқтисод ва тиҷорати ҶТ, Неъматулло Ҳикматуллозода, Сюзанн Эллиотт, Тоҷикистон, ИМА
Мавзуъ
Сафири ИМА бар ин назар аст, ки ба Тоҷикистон чизе таҳдид намекунад
Сафир: ИМА дар Тоҷикистон бо Русия рақобат намекунад
ИМА аз истиқлолияти кишварҳои Осиёи Марказӣ пуштибонӣ мекунад
Сафорати ИМА: ду ёвари вазири хориҷа аз Душанбе дидан мекунанд
ИМА ба марзбонони тоҷик дар ҳаҷми $100 ҳазор кӯмак кард