ДУШАНБЕ, 25 апр — Sputnik. Тайи як соли ахир воридшавии орд ба Тоҷикистон тадриҷан коҳиш ёфта, ин раванд ҳоло низ идома дорад, омадааст дар ҳисоботи Агентии омори назди президенти ҶТ.
"Давоми се моҳи соли равон ба ҷумҳурӣ 24,8 ҳазор тонна (январ марти соли 2015 — 33,4 ҳазор тонна) орд ворид шудааст, ки дар қиёс ба ҳамин давраи соли гузашта ба андозаи 25,7% камтар аст.
Дар ҳамин ҳол, тӯли се моҳи соли ҷорӣ ба Тоҷикистон 204,8 ҳазор тонна (3 моҳи соли 2015 — 173,4 ҳазор тонна) гандум ворид гардидааст, ки дар муқоиса бо ҳамин давраи соли гузашта 18,1% бештар мебошад.
Дар сохторҳои бахши иқтисоди ҷумҳурӣ ин тамоюлро ба афзоиши шумори корхонаву муассисаҳои ватании истеҳсоли орд марбут медонанд. Кишвари асосии воридкунандаи орду гандум ба ҷумҳурӣ Қазоқистон боқӣ мемонад.
