Кошка. Архивное фото

Гурба дар фурудгоҳи Владивосток 63 ҳазор рублро “нӯши ҷон” кард

2
(Таҷдидшуда 16:24 11.12.2014)
Гурбаи маҳаллӣ дар як шаб ба фурӯшгоҳ беш аз ҳазор доллар хисорот ворид кард. Ӯ қуттиҳои маҳсулоти баҳриро тагу рӯ намуда, қисме аз маводро хӯрдааст.

ДУШАНБЕ, 11 дек — Sputnik. Гурба ба пештахтаи мағозаи фурудгоҳи байналмилалии Владивосток даромада, маҳсулоти баҳрии фурӯшгоҳро ба маблағи қариб 63 ҳазор рубл корношоям сохт, иттилоъ медиҳад РИА Новости дар такя ба суханони фурӯшандаи дӯкон.

"Шабона пишак ба мағоза ворид шуда, қуттиҳои маҳсулотро тагу рӯ кардааст. Умуман, маҳсулоти ғизоиро чош дода, бархеи онҳоро "чашидааст". Моҳиҳои қоқ, қалмарҳо ва дигар намуди мавод дигар барои истифода нестанд. Аз ин рӯ маҷбур шудем, санад тартиб дода онҳоро партоем. Хисорот қариб 63 ҳазор рублро ташкил медиҳад",- гуфтааст ҳамсӯҳбати оҷонсӣ.

Ба қавли ӯ, гурба дар атрофи фурудгоҳ зиндагӣ мекунад ва гоҳо вориди терминал мешавад.

"Ман гурбаро қариб ҳар рӯз мебинам, дафъаи охир шоми гузашта онро дида будам. Шояд дар ин ҷо касе ба гурба ғизо медод",- қайд кардааст фурӯшанда.

2
Барчаспҳо:
хӯрдаст, нӯши ҷон, фурудгоҳи байналмилалӣ, терминал, фурӯшанда, Владивосток