Шиша боиси марги як сокини Душанбе гардид

© Flickr \ Josie Martin MendozaШишаи шикаста
Шишаи шикаста - Sputnik Тоҷикистон
Обуна шудан
Вазорати умури дохилии Тоҷикистон аз боздошти як сокини 27-солаи Душанбе хабар дод, ки дар куштори ҳамқадаҳи 47-солааш муттаҳам мешавад.

ДУШАНБЕ, 23 дек — Sputnik. Кормандони мақомоти умури дохила сокини 27-солаи Душанберо, ки дар пайи мастӣ ба як ҳамқадаҳи худ ҳамла кардааст, боздошт кардаанд. Дар ин бора сомонаи ВКД ҶТ рӯзи 23 декабр иттилоъ дод.

Тибқи иттилои ин ниҳод рӯзи 22-юми декабр Евгений Волков, сокини 27-солаи Душанбе дар ҳолати мастӣ бо Агаджанов Григорий, сокини 47-солаи пойтахт муноқиша карда, якчанд маротиба бо шишаи арақ ба сараш задааст.

 "Дар натиҷа шаҳрванд Агаджанов ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст",-менависад манбаъ.

Манбаъ мегӯяд, феълан аз рӯи ин ҳодиса парвандаи ҷиноӣ оғоз гардида, тафтишот идома дорад.

Лентаи хабарҳо
0