Роҳи оҳани Маскав. Акс аз бойгонӣ

Зани тоҷик дар Маскав зери қатора монда ҳалок шуд

77
(Таҷдидшуда 12:32 23.01.2017)
Фоҷиа дар назди истгоҳи “Нижние Котли”-и самти Повелетская, замоне ба вуқӯъ пайваст, ки зани тоҷик ҳамроҳи духтараш аз роҳи оҳан мегузашт

ДУШАНБЕ, 23 янв — Sputnik.  Зани тоҷик дар Маскав зери чархи қатораи мусофиркаши самти "Саратов-Москва" монда, ба ҳалокат расид, хабар медиҳад оҷонсии "Москва".

Тибқи иттилои ВАО-и маҳаллӣ зани 46-сола шаҳрванди Тоҷикистон мебошад. Фоҷиа замоне ба амал омад, ки зан ҳамроҳи духтараш аз роҳи оҳан, дар ҷои номуносиб мегузашт.

Гуфта мешавад, ки ронандаи қатора сигналҳои огоҳӣ дод, вале қатораро боздошта натавонист. Дар пайи бардоштани ҷароҳати вазнин шаҳрванди Тоҷикистон, зани 46 сола дар ҷои ҳодиса ба ҳалокат расид.

Манбаъ мегӯяд, ки духтараш осеб надидааст. Кормандони Кумитаи тафтишоти Маскав аз рӯи далели ҳодиса тафтишот бурда истодаанд.

Намояндагони Роҳи оҳани шаҳри Маскав шаҳрвандон ва меҳмононро ба риояи қоидаҳои ҳаракат дар роҳ даъват мекунанд. Роҳи оҳан яке аз хаторнатарин мавзеъҳо дониста мешавад.

77
Барчаспҳо:
зери чархҳои қатора, марги зани тоҷик, Роҳи оҳани Русия, Маскав
Мавзуъ
Марги генерал – майор Зариф Бобокалонов тафтиш мешавад
Дар пайи садамаи нақлиётӣ генерал-майор Зариф Бобокалонов даргузашт