Инфиҷор дар Кобул беш аз 20 кушта ва 22 захмӣ бар ҷой гузошт

© AFP 2023 / RIZWAN TABASSUMСкорая помощь в Афганистане, архивное фото
Скорая помощь в Афганистане, архивное фото - Sputnik Тоҷикистон
Обуна шудан
Ҳамлаи маргҷӯёна дар назди манзили нахуствазири Афғонистон Муҳаммад Муҳаққиқ рух додааст

ДУШАНБЕ, 24 июл — Sputnik. Шабакаи телевизюнии "Тулуъ" бо такя ба иттилоъи нахуствазирии Ҷумҳурии Исломии Афғонистон хабар медиҳад, ки дар паи ҳамлаи интиҳорӣ беш аз 20 кас ҷон бохт.

Пештар дар бораи кушта шудани даҳ кас хабар дода шуда буд.

Хабаргузории "Пажвок" дар бораи 20 тан кушта ва 22 захмӣ иттилоъ медиҳад.

Бино ба додаҳои шабакаи 1TV ва ВКД Афғонистон 12 кас дар паи таркиш ҷон бохтааст.

Ҷангҷӯи худкуше субҳи имрӯз дар яке аз ноҳияҳои шаҳри Кобул савори худраве худро тарконидааст. Инфиҷор дар назди манзили нахуствазири Афғонистон Муҳаммад Муҳаққиқ рух додааст.

Масъулияти ин инфиҷорро гурӯҳи тундрави "Толибон" бар уҳда гирифт.

Лентаи хабарҳо
0