ДУШАНБЕ, 18 ноя — Sputnik. Вазорати умури дохилаи Тоҷикистон гузориш медиҳад, ки дар шаҳри Хуҷанд зани 49-солае мардеро бо "печка"-и барқӣ ба ҳалокат куштааст.
Бино бар иттилои манбаъ, кормандони пулис дар шаҳри Хуҷанд ин занро бо гумони қасдан расонидани зарари вазнини ҷисмонӣ боздошт кардаанд.
Гуфта мешавад, ҳодиса шаби 15-ум ба 16-уми ноябри соли ҷорӣ рух додааст.
"Номбурда бо марди 58-солаи сокини шаҳри Бӯстон муноқиша мекунад. Дар ҳамин ҳолат зан таҷҳизоти барқиро гирифта ду маротиба ба сари мард мезанад",- гуфта мешавад дар иттилои манбаъ.
ВУД меафзояд, пас аз ин ҳодиса зан аз ҷойи ҳодиса фирор мекунад ва мард аз ҷароҳати бардоштааш вафот мекунад.
Бо ин далел тафтишот идома дорад.
