Дар Маскав зиёда аз 200 муҳоҷир боздошт гардид

© Sputnik / Валерий Мельников / Гузариш ба медиабонкШаҳрвандони хориҷӣ ҳангоми тафтишоти МХФ. Акс аз бойгонӣ
Шаҳрвандони хориҷӣ ҳангоми тафтишоти МХФ. Акс аз бойгонӣ - Sputnik Тоҷикистон
Обуна шудан
Дар фабрикаи дузандагӣ маҳсулоти ғайриқонунӣ: либосҳои варзишӣ бо логотип ва брендҳои машҳури ҷаҳонӣ истеҳсол мегардиданд. Чуноне аз пулиси Маскав хабар доданд, баъди истеҳсол либосҳои варзишӣ ба бозори фурӯши яклухт бароварда мешудааст.

ДУШАНБЕ, 23 май — Sputnik.  Кормандони пулиси шаҳри Маскав дар якҷоягӣ бо намояндагони идораи минтақавии ХФА дар қисми ҷанубу шарқии пойтахт фабрикаи фаъолияташ ғайриқонуниро дарёфт карданд, ки дар ин корхона 206 шаҳрванди хориҷӣ, ки дар қаламрави Русия ғайриқонунӣ қарор доранд, кор мекарданд, иттилоъ дод рӯзи душанбе намояндаи расмии ВКД-и Русия Ирина Волк.

Коргарони ғайриқонунӣ ба истеҳсоли либосҳои варзишӣ бо логотип ва бренди машҳури ҷаҳонӣ машғул буданд.

"Дар кӯчаи Угрешск чор фабрикаи фаъолияташон ғайриқонунӣ дарёфт гардиданд. Барои муайян намудани шахсият ва санҷиши даст надоштан ба ҷиноятҳои содиршуда 206 шаҳрванди хориҷӣ ба идораи пулис оварда шуданд. Нисбати 108 нафари онҳо парвандаи маъмурӣ барои вайрон кардани қонуни вуруд дар Русия боз гардида, нисбати 98 нафари дигар барои фаъолияти ғайриқонуниашон дар қаламрави ин кишвар парванда ифтитоҳ гардид"-гуфт Волк.

Терминали номгӯи хатсайрҳо дар фурӯдгоҳи Домодедово. Акс аз бойгонӣ - Sputnik Тоҷикистон
ВКД ФР дастгир шудани фирориро тасдиқ кард

Дар рафти тафтишоти корхона зиёда аз 500 адад асбобҳои дузандагӣ, маҳсулоти хом барои истеҳсоли либос, нишона-брендҳои машҳури ҷаҳонӣ ва ҳамчунин 216 маҷмӯъи маҳсулоти тайёр дарёфт гардиданд. Мувофиқи маълумоти пулис ин маҳсулот бояд ба бозор бароварда мешуд.

Дар ҳоли ҳозир ташкилкунандаи ин бозори маҳсулот муайян карда мешавад. Мақомоти амнияти иқтисодӣ ва мубориза бар зидди фасоди  ИМВКД қонунӣ ё ғайриқонунӣ фаъолият доштани ин корхонаро муайян менамояд.

Лентаи хабарҳо
0