Панҷ шаҳрванди Тоҷикистон дар Петербург барои дуздӣ дастгир шудаанд

© Sputnik / Андрей Архипов / Гузариш ба медиабонкПоимка преступников, архивное фото.
Поимка преступников, архивное фото. - Sputnik Тоҷикистон
Обуна шудан
Пулиси шаҳри Санкт-Петербург панҷ шаҳрванди Тоҷикистон ба ҷурми дуздиву ғоратгарӣ боздошт кардааст

ДУШАНБЕ, 17 ноя — Sputnik. Ин муҳоҷирон муттаҳам ба ғорати бунгоҳи ҷамъоварии оҳанпора ва 10 маврид ҳамла ба коргарони сохтмон ва ғорати корафзорҳои сохтмонсозӣ шудаанд.

"Ин гурӯҳ 13 ноябр ба бунгоҳи ҷамъоварии оҳанпора ҳамла карда ва говсандуқ ё сейфашро бо 460 ҳазор рубл дуздидааст", — гузориш медиҳад расонаи петербургии "Фонтанка".

Саркардаи ин гурӯҳи ғоратгар як чечении 30-сола будааст. Муҳоҷирони тоҷикистонӣ ҷавононе аз 19 то 26-сола ҳастанд.

Наручники, архивное фото - Sputnik Тоҷикистон
Боздошти муаллимае ба иттиҳоми ғоратгарӣ дар Сарбанд

Чанде пеш дар фурудгоҳи шаҳри Санкт-Петербург "Пулково" ҳам муҳоҷиреро ба ҷурми дуздӣ боздошт карда буданд.

Ин муҳоҷири 20-соларо азбоздоштгоҳ ба фурудгоҳ оварда буданд то ба кишвараш ихроҷ кунанд. Вале ӯ ҳангоми гузаштан аз утоқи бозрасӣ анбонеро, ки соҳибаш ҷо гузошта буд, бардоштаву бурдааст. Ӯро дар ҳамон утоқ дастгир кардаву дубора боздоштгоҳ бурдаанд.  

Лентаи хабарҳо
0