Нерӯҳои амниятии Афғонистон Қалъаи Золро аз Толибон озод карданд

© Sputnik / Zafarsha RouyeeКундуз, Афганистан
Кундуз, Афганистан - Sputnik Тоҷикистон
Обуна шудан
Нерӯҳои амниятии Афғонистон дар паи баргузории амалиёти густарда барои бозпасгирии вулусволии Қалъаи Зол имрӯз тавонистанд онро аз Толибон озод кунанд

ДУШАНБЕ, 16 май — Sputnik. Нерӯҳои амниятии Ҷумҳурии Исломии Афғонистон пас аз роҳандозии амалиёти густарда барои бозпас гирифтани вулусволии Қалъаи Зол дар вилояти Кундуз имрӯз бомдод тавонистанд маркази ин ноҳияро аз ҷангҷӯёни "Толибон" озод кунанд.

Саттор Андаробӣ, фармондеҳи гурдони Нерӯҳои вижаи Артиши Афғонистон дар суҳбат бо хабаргузории Тулуъ гуфта, ки амалиёти нерӯҳои давлатӣ барои озод кардани маркази шаҳристони Қалъаи Зол имрӯз соати шаши бомдод оғоз шуд.

Низомиёни афғон - Sputnik Тоҷикистон
Артиши Афғонистон ду вулусволии ҳаммарз бо Тоҷикистонро аз Толибон озод кард

Вай афзуда, ки нерӯҳои заминӣ бо пуштибонии нерӯҳои хориҷӣ аз замину ҳаво бар маркази ин ноҳия ҳамла бурда ва дар паи се соат набард ҳаросафканонро тору мор кардаанд. Ҳамакнун поксозии дигар бахшҳои ин вулусволӣ аз Толибон идома дорад.

Ёдоварӣ мекунем, ки ҷангҷӯёни гурӯҳи "Толибон" вулусволии Қалъаи Золро, ки бо ноҳияҳои Ҷайҳун, Дӯстӣ, Қубодиён ва Шаҳритус дар вилояти Хатлон ҳаммарз аст, 6 май ба даст оварда буданд.

Чаҳор рӯз пеш аз ин, 12 май Нерӯҳои амниятии Афғонистон дар паи заду хӯрдҳои сездаҳрӯза тавонистанд вулусволиҳои Зебок ва Ишкошимро аз ҷангҷӯёни созмони ҳаросафкани "Толибон" озод кунанд.

Лентаи хабарҳо
0