Акнун дар Донишгоҳи миллии Тоҷикистон ҳам метавон дараҷаи дуктурӣ дарёфт кард

© SputnikТаджикский национальный университет. Архивное фото
Таджикский национальный университет. Архивное фото - Sputnik Тоҷикистон
Обуна шудан
Донишгоҳи миллии Тоҷикистон барои дифоъ аз поённомаҳои номзади улум ва пажӯҳишномаҳои дуктурӣ чаҳор шуро таъсис додаст

ДУШАНБЕ, 23 май — Sputnik. Донишгоҳи миллии Тоҷикистон шуроҳои дифоъ аз поённомаҳои номзади улум ва пажӯҳишномаҳои дуктурӣ дар риштаҳои ҳуқуқ, физик, кимиё ва иқтисод ва дарёфти дараҷаҳои илмии дуктури фалсафа ва дуктури улум таъсис додааст.

Бино ба гузориши вебгоҳи расмии ДМТ, ҷаласаи расмии роҳандозии шуроҳои диссертасионӣ дар ин донишгоҳ 16 май баргузор шуда ва дар он раҳбарони сохторҳои давлатӣ ва илмии кишвар ширкат кардаанд.

Мулоқоти Эмомалӣ Раҳмон ва Раҷаб Тайиб Эрдуғон - Sputnik Тоҷикистон
Таҳсил дар Туркия осон мешавад: мулоқоти Раҳмон ва Эрдуғон

Ёвари раисҷумҳури Тоҷикистон дар масоъили рушди иҷтимоъӣ ва робита бо ҷомеъа Абдуҷаббор Раҳмонзода дар ин ҷаласа гуфтааст, ки бо дастгирии мустақими Эмомалӣ Раҳмон дар кишвар Кумисюни олии гувоҳии мадорики таҳсилӣ бунёд шуд.

Ба гуфтаи вай, дар донишгоҳ шуроҳои диссертасионӣ барои дарёфти дараҷаи илмии дуктури фалсафа (PhD) ва дуктурӣ дар риштаҳои улуми ҳуқуқшиносӣ, физика, кимиё ва иқтисод таъсис ёфтааст.

Раиси Кумисюни олии аттестасионии вобаста ба Раёсати Ҷумҳурии Тоҷикистон Розиқзода дар ин ҷаласа гуфта, ки «коргурӯҳи Кумисюн 57 пешниҳод барои таъсиси шуроҳо дар риштаҳои гуногун дарёфт кард, ки бо талошҳои раиси ДМТ, академик Имомзода амалӣ шуданд ва дар донишгоҳ шуроҳои марбута таъсис шуданд».  

Дар ҷаласа таъкид шуд, ки таъсиси шуроҳои мазкур талаботи замон буда, дастоварди арзанда барои пажӯҳишгарони ҷавон аст.

Лентаи хабарҳо
0