ДУШАНБЕ, 29 дек — Sputnik. Ба гузориши шаҳрдории Хуҷанд, дар соли равон дар маҳаллаҳои Мевағул, Темурмалик ва Суғдиён маҷмааи фароғативу варзишӣ барои шуғли кӯдакон, бозии футболи хурд, волейбол, баскетбол ва майдончаҳо барои бозии футбол ба баҳрабардорӣ расидаанд.
Ҳамчунин дар Донишкадаи политехникии Донишгоҳи фаннии Муҳаммад Осимӣ, Коллеҷи пизишкии Юсуф Исҳоқӣ, Донишгоҳи Бобоҷон Ғафуров ва мактаби хусусии "Гулчини маърифат" низ майдончаву толорҳои варзишӣ бунёд шудаанд.
Гуфта мешавад, ки ҳамакнун дар шаҳри Хуҷанд беш аз 260 бунгоҳу созаҳои варзишӣ дар хидмати дӯстдорони варзиш қарор доранд.
