Министр иностранных дел Республики Таджикистан Сироджиддин Мухриддин

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

5545
(Таҷдидшуда 19:22 27.07.2020)
Вазири умури хориҷаи Тоҷикистон Сироҷиддин Муҳриддин мегӯяд, аз ин ба баъд ҳафтаи 14 парвоз самти Тоҷикистону Русия амалӣ мешавад

ДУШАНБЕ, 27 июл — Sputnik. Ҳавопаймоҳои Тоҷикистон минбаъд ҳамарӯза 2 парвози самти Русия анҷом медиҳанд. Дар ин бора вазири умури хориҷаи Тоҷикистон Сироҷиддин Муҳриддин дар ҳузури хабарнигорон гуфт.

Ба изҳори ӯ, ҳар ҳафта 14 парвоз самти Тоҷикистону Русия сурат мегирад.

"Сар  аз имрӯз, Тоҷикистон иҷозати амалӣ намудани 2 парвози ҳаррӯза самти Тоҷикистону Федератсияи Русияро гирифт. Минбаъд дар як ҳафта 14 парвоз амалӣ мешавад", - изҳор дошт вазири тоҷик.

Қобили зикр аст, ки қаблан Тоҷикистон барои ба даст овардани иҷозатномаи амалӣ намудани парвозҳои ҳарруза ба Русия ба  ҳукумати он кишвар муроҷиат намуда буд.

Тоҷикистон дар давраи пандемия аз 15 давлат беш аз 4 ҳазор тоҷикистониро ба ватан овард

Маълум гардидаст, ки ҷониби Русия ба муроҷиати Тоҷикистон посухи мусбат доданд.

5545
Барчаспҳо:
Русия, Тоҷикистон, парвозҳо, Сироҷиддин Аслов
Наручники висят на дверной ручки, архивное фото

Дар Русия ҷавонеро дастгир карданд, ки дар Душанбе ҷустуҷӯ мешуд

369
Мақомоти ҳифзи ҳуқуқи Русия дар ҳудуди кишвар як муҳоҷиреро боздошт карданд, ки тайи 4 сол аз додгоҳи мақомоти Тоҷикистон фирор мекард

ДУШАНБЕ, 5 авг — Sputnik. Мақомоти Русия хабар медиҳанд, ки дар Магнитогорск як шаҳрванди Тоҷикистонро дастгир карданд. Ӯ тайи чор сол ба пайгард эълон шуда буд.

Ин шаҳрванди хориҷиро пас аз бонги изтироб аз яке аз шӯъбаҳои полис дастгир кардаанд.

"Кормандони шӯъбаи полис ба Росгвардия хабар додад, ки ба шуъба марди шубҳаангезе ворид шудааст. Пас аз тафтиш кардани ҳуҷҷати вай маълум гардидааст, ки ин ҷавони соли таваллуди 1992 дар Тоҷикистон 4 сол инҷониб ба пайгард эълон шуда будааст", - тавзеҳ медиҳад манбаъ.

 

Маълум аст, ки мақомоти Русия ҷавони боздоштшударо бо дархости ҷониби Душанбе мекофтанд. Аммо маълум нест, ки ӯ дар ватан ба кадом ҷиноят гумонбар дониста мешавад.

Боздошти сокини Петербург барои қатли муҳоҷири тоҷик: ҷавони 22 - соларо буғӣ карда кушт

 

369

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

218
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

218
Барчаспҳо:
муҳоҷирон, муноқиша, Қазоқистон, Русия

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон