Фоҷеа: худрави муҳоҷири тоҷик ба канал сарозер шуд - 8 тан қурбон шуданд

310
Дар Русия, дар наздикии шаҳри Волгоград дар пайи сарозер шудани худрав ба канали обёрӣ 8 нафар, аз ҷумла 3 кӯдак ҳалок шуданд

ДУШАНБЕ, 28 июл — Sputnik. Дар наздикии шаҳри Волгоград шаҳрванди Тоҷикистон аз ӯҳдаи идораи автомобил набаромада, ба садамаи маргбор дучор шудааст, хабар медиҳад дафтари матбуоти Кумитаи тафтишотии Русия.

Фоҷиа дар наздикии ҷамоати деҳоти Верхнепогромен, деҳаи "Степное - 2" рух додааст. 

Бино бар иттилои пешакии мақомоти ҳифзи ҳуқуқ, худрави Renault Logan, зери идораи шаҳрванди 28-солаи Тоҷикистон, дар роҳи хокӣ, қади канали обёрӣ ҳаракат мекард.

"Бо нақзи қонунгузории ҷории Русия дар дохили автомобил 7 мусофир, аз ҷумла се ноболиғ 10, 11 ва 17-сола қарор доштанд".

Сокинони маҳаллӣ гуфтаанд, ки онҳо намояндагони диаспораи лӯлиҳо ва шаҳрвандони Тоҷикистон буданд, ки ба кор мерафтанд. Ду нафарашон модару фарзанд будаанд.

Тақрибан дар 600 метрии роҳи  Самара - Волгоград  ронанда аз ӯҳдаи идораи худрав набаромадааст. Дар натиҷа мошин аз роҳ баромада, ба обанбори сунъи афтидаву ғарқ шудааст.

 

Бино бар иттилои ВКД Русия, ҳамаи нафароне, ки дар мошин қарор доштанд, ҳашт нафар, шаш зан ва ду мард ҳалок гардиданд.

Сабаби марги қурбониёнро мақомот нафасгирӣ дар пайи ғарқ шудан мегӯянд.

Садамаи маргбор дар вилояти Суғд: хонум марди 61 - соларо пахш кард

Дар пайи ҳодисаи мазкур парвандаи ҷиноӣ боз шуда, тафтиштидома дорад.

 

310

61 фавт ва беш аз 8 ҳазор гирифтори ҷадид: омори коронавирус дар Русия

299
(Таҷдидшуда 16:15 28.09.2020)
Дар Федератсияи Русия мавориди ҷадиди сироятшавии сокинон ба маризии коронавирус рӯ ба афзуншавӣ ниҳодааст

ДУШАНБЕ, 28 сен — Sputnik. Шабонарӯзи гузашта дар Русия 8135 ҳолати ҷадиди мубталошавии сокинон ба маризии коронавирус сабт гардид, хабар медиҳад Ситоди фаврӣ оиди коронавирус.

Бар хабари манбаъ, ҳудуди 27 дарсад аз шумораи умумии мубталоёни нави ин маризӣ, бидуни ягон аломат дардманди вирус шуданд.

Рӯзи гузашта, дар қаламрави ин кишвар 2 702 бемор комилан шифо ёфта, аз дармонгоҳҳо мураххас шуданд, вале 61 маризи дигар имкони сиҳат шуданро пайдо накарданд ва даргузаштанд.

Зимнан, як рӯз қабл дар Русия шумораи гирифторони ҷадид ба 7 867 нафар баробар буд.

Омори коронавирус дар Тоҷикистон: 45 нафар шифо ёфтанду 41 тани дигар бемор шуданд

Ҷамъан бошад, дар Русия аллакай 1 159 573 нафар мубталои коронавирус шуданд. Аз ин миён, 20,3 ҳазор нафар ҷон бохта, беш аз 945 ҳазор шифо ёфтанд.

 

Дар ҷаҳон шумораи дардмандони коронавирус ба беш аз 33 миллион нафар расидааст. Ҳамчунин 995 ҳазор мавриди фавт ба қайд гирифта шудаааст.

Ба сафи кишварҳое, ки аз ин маризӣ талафоти ҷонии бештар доранд, Амрико, Ҳиндустон ва Бразилия шомил гардиданд.

299
Барчаспҳо:
омор, маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Посольство Таджикистана в Москве, архивное фото

Дағалӣ накард: сафорати Тоҷикистон қазияи лат шудани намояндаашро шарҳ дод

1800
(Таҷдидшуда 21:01 26.09.2020)
Рӯзи 24 - уми сентябр шаҳрванди 38 - солаи Тоҷикистон дар назди бинои сафорати ин кишвар дар Русия ду нафарро мавриди латукӯб қарор дод

ДУШАНБЕ, 26 сен - Sputnik. Зимнан аксар расонаҳои дохиливу хориҷӣ хабар доданд, ки сокини 38 - солаи ВМКБ барои дағалгуфтории намояндаи сафорат, ӯро латукӯб карда, дасту бинияшро шикаст.

Дар ҳамин ҳол, Сафорати Тоҷикистон дар Русия рӯзи 26 - уми сентябр дар сафҳаи торномаи сафорат қазияи лат шудани мутахассиси пешбарашонро шарҳ доданд.

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

Бар хабари котиботи сафорати мазкур, нофаҳмӣ сари ба рӯйихат даровардани шаҳрвандони хоҳишманди сафар ба Тоҷикистон, бархост.

"Аз ҷониби намояндаи сафорат ягон дағалгуфторӣ сурат нагирифт", - таъкид мешавад дар хабар.

Намояндагони сафорати Тоҷикистон аз пахши хабарҳои носаҳеҳи расонаҳои дохиливу хориҷӣ изҳори нигаронӣ намуда, дархост карданд, ки минбаъд дар нашри хабарҳои вобаста ба масоили баргаштани шаҳрвандони Тоҷикистон ба ватан, эҳтиёткор бошанд ва танҳо маълумотҳои саҳеҳро пахш намоянд.

Ёдовар мешавем, рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

1800
Барчаспҳо:
шарҳ, қазия, Русия, Тоҷикистон, сафорат
День 29 сентября

Ҷашнҳои рӯзи 29 сентябр дар Тоҷикистон ва ҷаҳон

0
(Таҷдидшуда 19:26 28.09.2020)
Рӯзи бисту нӯҳуми сентябр ҳамчун Рӯзи умумиҷаҳонии дил ба ҳисоб меравад. Ҳамчунин ин рӯз ҳамчун Рӯзи байналмилалии духтури касалиҳои гӯшу гулӯю бинӣ мебошад

Рӯзи 29 сентябр дар ҷаҳон чӣ рух дод

Соли 1829 дар шаҳри Лондон бо фармони Вазири вақти корҳои дохилии ин шаҳр Роберт Пиля политсияи гражданӣ таъсис дода шуд.

День 28 сентября
© Sputnik / Стас Этвеш / Вишнякова Мария

Соли 1973 дар натиҷаи заминҷунбӣ дар Мексика  зиёда аз 700  нафар ба ҳалокат расиданд.

Соли 2000 марди 93-солаи австриягӣ куҳансолтарин одами дунё маҳсуб меёфт, ки мехост ҳуҷҷати ронандагӣ ба даст орад.

Рӯзи 29 сентябр дар Тоҷикистон чӣ рух дод

Соли 1926 ноҳияҳои Айнӣ, Ашт ва  Нов (ҳозира Спитамен) ташкил ёфтанд.

Соли 2011 ширкати ҳавопаймоии "Сомон Эйр" ҳавопаймои нави худ — "Боинг 737-900"-ро муаррифӣ намуд, ки он дар фазои ИДМ нав пайдо шуда буд.

 

Самолет компании Сомон Эйр, архивное фото
Самолет компании "Сомон Эйр", архивное фото

 

Соли 2013 бо иштироки Эмомалӣ Раҳмон дар Ҷамоати деҳоти Шугноби ноҳияи Ховалинг мактаб-интернат барои 320 нафар хонанда бо хобгоҳ ва хонаи истиқоматӣ барои омӯзгорон мавриди баҳрабардорӣ қарор дода шуд.

Соли 2015 ба будубоши дивизияи 201-уми ҳарбии Федератсияи Русия дар Тоҷикистон  70 сол пур шуд.

Ҷашнҳои рӯзи 27 сентябр дар Тоҷикистон ва ҷаҳон

Соли 2015 Президенти Тоҷикистон Эмомалӣ Раҳмон дар шаҳри Ню-Йорки ИМА дар мубоҳисоти умумии Иҷлосияи 70-уми Маҷмаи Умумии Созмони Милали Муттаҳид суханронӣ ва диққати аҳли сайёраро ба ҳалли масъалаҳои ҷаҳонии умумибашарӣ ҷалб намуданд.

Соли 2016 дар Қасри Миллат Эмомалӣ Раҳмон  бо Дабири кулли Созмони Аҳдномаи амнияти дастаҷамъӣ Николай Бордюжа мулоқот карданд.

 

Встреча Эмомали Рахмона с генеральным секретарем ОДКБ Николаем Бордюжей
Встреча Эмомали Рахмона с генеральным секретарем ОДКБ Николаем Бордюжей

 

Соли 2016 бинои нави Сарраёсати консулии Вазорати корҳои хориҷии Ҷумҳурии Тоҷикистон ба истифода дода шуд.

Соли 2016 ВАО хабар доданд, ки Тоҷикистон дар раддабандии нави Форуми байналмилалии иқтисодӣ зинаи 77-умро соҳиб шуд.

Ҷашнҳои рӯзи 29 сентябр

  • Рӯзи умумиҷаҳонии дил.
  • Рӯзи байналмилалии духтури касалиҳои гӯшу гулӯю бинӣ.
  • Рӯзи Конститутсия дар Бруней.

Рӯзи 29 сентябр дар Тоҷикистон кӣ ба дунё омадааст

Солҳои (1921-1994)  Шоир Ҳамдам Ҷура.

Соли 1925 Ҳунарманди халқии Тоҷикистон  Нисон Шоулов.

Соли 1951 Қаҳрамони олимпӣ Юрий Лобанов.

Соли 1982 Варзишгар Расул Боқиев.

0
Барчаспҳо:
ҷаҳон, ҷашн, Тоҷикистон