Центр тестирования трудовых мигрантов в Ростове-на-Дону

Ҷамъиятшинос: баъзан ба русҳо назар ба муҳоҷирон, кор ёфтан мушкилтар аст

80
(Таҷдидшуда 18:21 15.08.2020)
Ҷамъиятшиноси рус ба вазъи муҳоҷирон дар Русия баҳо дод ва таъкид кард, ки бояд талаботҳои кордиҳандагонро ташдидтар кард

ДУШАНБЕ, 15 авг — Sputnik. Вазъи муҳоҷирони меҳнатӣ дар давраи пандемияро роҳбари шӯъбаи равандҳои этнодемографӣ ва интегратсионии Пажӯҳишгоҳи тадқиқотҳои демографии АИР, доктори илмҳои сотмиологӣ Виктория Леденова тавзеҳ дод.

Вай таъкид кард, ки дар ин давра муносибати манфӣ нисбат ба муҳоҷирон бо далели зиёд шудани бекорӣ ва беаҳамияти ба ин табақа одамон зиёд шуд.

"Дар ин вақт шаҳрвандони зиёди Русияро низ аз кор пеш карданд, бештари тиҷоратҳо баста шуданд, шаҳрвандони мо бепул монданд, ба онҳо низ мушкил аст. Баъзан ба русҳо нисбат ба муҳоҷирон ба кор даромадан мушкилтар аст", - тавзеҳ дод коршинос ва гуфт, ки сабаби ин талаботи бештари шаҳрвандони Русия аз мансабҳо мебошад.

Дар ҳамин ҳол, коршинос пешниҳоди бештар кардани талаботро нисбати кордиҳандагони муҳоҷирон мепазирад.

"Агар муҳоҷирон мақсаднок ба назди кордиҳандагон раванд ва кордиҳандагон масъули кормандонашон бошанд, ё бо ҷои зист таъмин кунанд, ё донанд, дар куҷо зидагӣ мекунанд, хуб мешуд", -таъкид мекунад Леденева.

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

 

Коршинос афзуд, ки муҳоҷирон дар бештари ҳолат, инсонҳои одианд, ки аз бекорӣ дар ватан ба Русия меоянд, аммо дар Русия "ба шароите меафтанд, ки кордиҳандаҳо онҳоро бидуни ҳуҷҷат қабул мекунанд ва маоши кам медиҳанд".

80

61 фавт ва беш аз 8 ҳазор гирифтори ҷадид: омори коронавирус дар Русия

369
(Таҷдидшуда 16:15 28.09.2020)
Дар Федератсияи Русия мавориди ҷадиди сироятшавии сокинон ба маризии коронавирус рӯ ба афзуншавӣ ниҳодааст

ДУШАНБЕ, 28 сен — Sputnik. Шабонарӯзи гузашта дар Русия 8135 ҳолати ҷадиди мубталошавии сокинон ба маризии коронавирус сабт гардид, хабар медиҳад Ситоди фаврӣ оиди коронавирус.

Бар хабари манбаъ, ҳудуди 27 дарсад аз шумораи умумии мубталоёни нави ин маризӣ, бидуни ягон аломат дардманди вирус шуданд.

Рӯзи гузашта, дар қаламрави ин кишвар 2 702 бемор комилан шифо ёфта, аз дармонгоҳҳо мураххас шуданд, вале 61 маризи дигар имкони сиҳат шуданро пайдо накарданд ва даргузаштанд.

Зимнан, як рӯз қабл дар Русия шумораи гирифторони ҷадид ба 7 867 нафар баробар буд.

Омори коронавирус дар Тоҷикистон: 45 нафар шифо ёфтанду 41 тани дигар бемор шуданд

Ҷамъан бошад, дар Русия аллакай 1 159 573 нафар мубталои коронавирус шуданд. Аз ин миён, 20,3 ҳазор нафар ҷон бохта, беш аз 945 ҳазор шифо ёфтанд.

 

Дар ҷаҳон шумораи дардмандони коронавирус ба беш аз 33 миллион нафар расидааст. Ҳамчунин 995 ҳазор мавриди фавт ба қайд гирифта шудаааст.

Ба сафи кишварҳое, ки аз ин маризӣ талафоти ҷонии бештар доранд, Амрико, Ҳиндустон ва Бразилия шомил гардиданд.

369
Барчаспҳо:
омор, маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Посольство Таджикистана в Москве, архивное фото

Дағалӣ накард: сафорати Тоҷикистон қазияи лат шудани намояндаашро шарҳ дод

1832
(Таҷдидшуда 21:01 26.09.2020)
Рӯзи 24 - уми сентябр шаҳрванди 38 - солаи Тоҷикистон дар назди бинои сафорати ин кишвар дар Русия ду нафарро мавриди латукӯб қарор дод

ДУШАНБЕ, 26 сен - Sputnik. Зимнан аксар расонаҳои дохиливу хориҷӣ хабар доданд, ки сокини 38 - солаи ВМКБ барои дағалгуфтории намояндаи сафорат, ӯро латукӯб карда, дасту бинияшро шикаст.

Дар ҳамин ҳол, Сафорати Тоҷикистон дар Русия рӯзи 26 - уми сентябр дар сафҳаи торномаи сафорат қазияи лат шудани мутахассиси пешбарашонро шарҳ доданд.

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

Бар хабари котиботи сафорати мазкур, нофаҳмӣ сари ба рӯйихат даровардани шаҳрвандони хоҳишманди сафар ба Тоҷикистон, бархост.

"Аз ҷониби намояндаи сафорат ягон дағалгуфторӣ сурат нагирифт", - таъкид мешавад дар хабар.

Намояндагони сафорати Тоҷикистон аз пахши хабарҳои носаҳеҳи расонаҳои дохиливу хориҷӣ изҳори нигаронӣ намуда, дархост карданд, ки минбаъд дар нашри хабарҳои вобаста ба масоили баргаштани шаҳрвандони Тоҷикистон ба ватан, эҳтиёткор бошанд ва танҳо маълумотҳои саҳеҳро пахш намоянд.

Ёдовар мешавем, рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

1832
Барчаспҳо:
шарҳ, қазия, Русия, Тоҷикистон, сафорат
Министр экономического развития и торговли Таджикистана Завки Завкизода

"Соҳибкор бо соҳибкор": Форуми сармоягузории Тоҷикистону Ӯзбекистон доир гардид

21
(Таҷдидшуда 18:26 29.09.2020)
Беш аз 300 нафар дар ҳамоиши сармоягузории Тоҷикистону Ӯзбекистон ширкта карда, бо фазои сармоягузорӣ дар соҳаҳои сайёҳӣ, саноат, энергетика ошно шуданд

ДУШАНБЕ, 29 сен – Sputnik. Дар доираи сафари сарвазири Ӯзбекистон ба Тоҷикистон дар шаҳри Душанбе, Форуми сармоягузории Тоҷикистону Ӯзбекистон бо роҳбарии вазири рушди иқтисод ва савдо Завқизода Завқӣ Амин баргузор гардид.

Бино ба гузориши Вазорати рушди иқтисод, Завқизода дар ин нишаст қайд карда, ки тайи солҳои охир бо ташаббусҳои созандаи Президенти Тоҷикистон Эмомалӣ Раҳмон ва Президенти Ӯзбекистон Шавкат Мирзиёев ҳамкориҳои гуногунҷанбаи байни ду кишвар ба сатҳи сифатан нав баромад.

Манбаъ қайд карда, ки бо дастгирии ду кишвардор, баргузории чунин чорабиниҳо, ки ба рушди ҳамкориҳои иқтисодиву тиҷоратӣ, баланд бардоштани нерӯи содиротӣ, ҷалби сармояву воридоти технологияҳои муосир ва тақвияти ҳамкориҳои дуҷонибаи иқтисодию сармоягузорӣ мусоидат менамояд, ба ҳукми анъана даромадааст.

Дар Форуми мазкур беш аз 300 нафар иштирокчӣ аз ҳарду ҷониб, аз ҷумла роҳбарони мақомоти давлатӣ, корхонаву ташкилотҳои давлатӣ, сармоягузорон ва намояндагони бахши хусусии ду давлат иштирок намудаанд.

Дар доираи Форум ба иштирокчиён фазо ва имкониятҳои сармоягузорӣ дар соҳаҳои сайёҳӣ, саноат, энергетика, хизматрасонӣ ва дигар соҳаҳо муаррифӣ шуда, лоиҳаҳои муштараки ҳамкорӣ мавриди баррасӣ қарор гирифтааст.

"Пас аз анҷоми қисмати расмии Форум вохӯрии ду ҷониба - соҳибкорони ду давлат дар сиғаи "Соҳибкор бо Соҳибкор" (B2B) баргузор гардида, аз натиҷаи он санадҳои нави ҳамкорӣ мувофиқа ва ба имзо расонида шудааст", - омадааст дар хабарнома.

Иштирокчиёни Форуми сармоягузории Тоҷикистону Ӯзбекистон ба рушди муносибатҳои дуҷониба ва баимзорасонии созишномаю шартномаҳои мутақобилан судманд, ки фарогири ҳамаи соҳаҳои ҳамкориҳои иқтисодӣ мебошанд, баҳои баланд додаанд.

Манбаъ афзуда, ки тарафҳо ба мувофиқа расидаанд, ки чунин ҳамоишҳои соҳибкоронро мунтазам баргузор менамоянд.

21
Барчаспҳо:
пешниҳодот ба ҷониби Ӯзбекистон, Тоҷикистон, Форум, иқтисод, Душанбе