Нефтяные насосы, архивное фото

Фурӯши рекордии нафти Русия ба Амрико

350
(Таҷдидшуда 19:05 15.08.2020)
Дар нимсолаи аввал Амрико аз Русия беш аз 9 миллион тонн маҳсулоти нафтӣ харидорӣ намудааст, ки баландтарин арқом то соли 2004 ба ҳисоб меравад

ДУШАНБЕ, 15 авг — Sputnik. Ҳамзамон Вашингтон бо ҳар роҳу восита мехоҳад пеши роҳи сохтмони лулаи гази “Маҷрои шимол-2”-ро бигирад, то вобастагии Арврупо аз маҳсулоти энержии Русияро кам кунад. Ин дар ҳолест, ки худи Амрико ба маҳсулоти нафтии Русия вобастагӣ пайдо кардааст.  

Содироти рекордӣ

Тибқи маълумоти Хадамоти федералии гумрукии Русия ин кишвар аз моҳи январ то июли соли равон аз ҳисоби фурӯши маҳсулоти нафтӣ ба Амрико 2,2 миллиард доллар фоида ба даст овардааст.

Ба Амрико дар ин давра 7,46 миллион тонн маҳсулоти нафтӣ содирот шудааст, ки ин 12 дарсади аз ҳаҷми умумии содиротро ташкил медиҳад.  Бештар аз ҳама маҳсулоти нафтии Русияро Нидерландия 12,19 миллион тонн, Амрико дар ҷои дуввум ва дар ҷои севум Малта қарор гирифтааст, ки аз Русия 4,4 миллион тонн маҳсулоти нафтӣ харидорӣ кардааст.

Нидерландия ва Малта ҳамчун макони транзитӣ дониста мешаванд, ки аз онҷо маҳсулоти нафтӣ ба дигар кишварҳои дунё содирот мешавад. Яъне фурӯши маҳсулоти нафтӣ ба Амрико метавонад ба маротиб зиёд бошад, чунки Хадамоти федералии гумрукии Русия ингуна содиротро ба назар намегирад.

“Дар ҳақиқат тибқи маълумоти Хадамоти иттилооти энергетикии Амрико (EIA) воридоти маҳсулоти нафтии Русия ба ин кишвар дар панҷ моҳи соли равон 68 миллион бушка ё 9,3 миллион тонаро ташкил додааст. Ин рақам нисбат ба арқоми пешниҳодкардаи Хадамоти федералии гумрукии Русия бештар аст. Чунки EIA Амрико истеҳсолкунанда на кишвари содиркунандаро ба ҳисоб мегирад”.

Дар ҳамин ҳол, Амрико хариди мазутро аз Русия нисбат ба моҳи июн 16 дарсад афзоиш доданд.

Оғози ивази маҳсулот

Ин дар ҳолест, ки Амрико худро аз хариди навъӣ нафти сангини Венесуэло маҳрум карданд ва фановариҳои баъзе аз корхонаҳои полоиши нафти Амрико қудрати коркарди нафити навъи сабуки Ҳавзаи халиҷи форс ва Техаси Ғарбиро надоранд.  Доналд Трамп бар зидди ширкати Венесуэла PVSDA таҳримҳо ҷорӣ кард ва пас аз ин корхонаҳои полоиши нафти Амрико ба мушкилоти ҷиддӣ  рӯ ба рӯ шуданд.

Корхнаҳои Халиҷи Мексика ва Соҳили шарқ ба вазъӣ ногувор дучор шуданд. Аз ҷумла ширкатҳои Citgo Petroleum, Valero Energy, Chevron.

Нафти Венесуэларо метавонист нафти Арабистони Сауди ҷойгузин кунад, аммо ин кишвар истеҳсоли нафтро маҳдуд кард. Ҳамин тариқ, иқтисод сиёсатро канор гузошт ва Амрико ба Русия муроҷиат кард.

“Вашингтон бо ҳар роҳу восита барои сохтмони “Маҷрои шимоли-2” ба ширкати Газпроми Русия мушкил эъҷод мекунад. Аммо ба хотири ба даст овардани ормонҳои иқтисодӣ Амрико бо Русия ҳамкорӣ мекунад”, - таъкид намудааст Александр Разуваев, мутахассиси ширкати “Алпари”.  

“Вазъӣ геополитикии ахир дар ҷаҳон бозори нафтро ба суди Русия бозгардонд ба хотири он ки Амрико ба кишварҳои содиркунандаи нафт таҳримҳо ҷорӣ кард. Ба ҳамин хотир нафти навъӣ Urals дар бозор ба унвони нафти вазнин ҷой афтод” – таъкид кард Александр Дужников, яке роҳбарони ширкати A3F Group.

Ба заъми ин қимати нафти Русия нисбатан арзонтар аст. Тибқи иттилои Вазорати дороии Русия нафти навъи Urals дар моҳи январ – июл дар бозорҳои ҷаҳонӣ ҳудудан 40,32 доллар  барои як бушка арзиш дошт. Дар ҳоле, ки дар моҳи январ – июли соли гузашта ҳудудан як бушка нафт 65,27 доллар арзиш дошт.

Бо анҷом ёфтани қарантина сарфи маҳсулоти нафти афзоиш ёфт.

Буҳрони соҳавӣ

Бино бар поин омадани қимати нафт шумори дастгоҳҳои ихроҷи нафт дар Амрико коҳиш ёфт. Лулаи нафти Dakota Access низ ба хотири нақзи қавонини экологӣ баста шуд.

Истихроҷи нафт аз 13,1 то 11,1 миллион тонн бушка дар як руз коҳиш ёфт. Ин ба ҳавзаҳои нафтии сланси Амрико аз ҷумла Перм, Игл-Форд, Баккенск, Ниобромск, Анадаркск, Аппалачинск ва Хейнсвилльск садама ворид кард.  тибқи иттилои мақомоти Амрико тавоноии миёнаи саноии нафткашӣ дар соли ҷорӣ 11,26 миллион бушкаро дар бар мегирад. Аммо дар соли 2021 11,14 миллион бушкаро ташкил хоҳад дод. То декабри соли равон маҳз Амрико дар коҳиши нафт дар бозори ҷаҳонӣ саҳми назаррас хоҳанд дошт.

Тибқи иттилои ширкати Haynes & Boone аз моҳи январи соли равон 36 ширкати амрикоӣ аз варшикастшавии худ иттилоъ доданд, ки қарзи онҳо ба 25,2 миллиард доллар расидааст.. аз ҷумлаи онҳо бузургтарин ширкати амрикоӣ Whiting Petroleum, California Resources ва Chesapeake Enеrgy. Дар моҳи июн боз ширкати амрикоӣ Extraction Oil & Gas, аз варшикастагӣ ба додгоҳ муроҷиат кардааст.

Тибқи маълумоти Rystad Energy то охири сол беш аз 150 ширкати амрикоӣ рӯ ба варшикастагӣ қарор доранд. Истихроҷи нафти сланси дар як шабона рӯз то панҷ миллион бушка коҳиш хоҳад ёфт. Дар ҳамин ҳол, ба гуфтаи ShaleProfile Analytics  соҳаи нафти Амрико се ҳисаи тавонои истихроҷи нафтро аз даст хоҳад дод.

350
Барчаспҳо:
маҳсулот, фурӯш, рекорд, нафт, Амрико, Русия
Посольство Таджикистана в Москве, архивное фото

Дағалӣ накард: сафорати Тоҷикистон қазияи лат шудани намояндаашро шарҳ дод

1599
(Таҷдидшуда 21:01 26.09.2020)
Рӯзи 24 - уми сентябр шаҳрванди 38 - солаи Тоҷикистон дар назди бинои сафорати ин кишвар дар Русия ду нафарро мавриди латукӯб қарор дод

ДУШАНБЕ, 26 сен - Sputnik. Зимнан аксар расонаҳои дохиливу хориҷӣ хабар доданд, ки сокини 38 - солаи ВМКБ барои дағалгуфтории намояндаи сафорат, ӯро латукӯб карда, дасту бинияшро шикаст.

Дар ҳамин ҳол, Сафорати Тоҷикистон дар Русия рӯзи 26 - уми сентябр дар сафҳаи торномаи сафорат қазияи лат шудани мутахассиси пешбарашонро шарҳ доданд.

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

Бар хабари котиботи сафорати мазкур, нофаҳмӣ сари ба рӯйихат даровардани шаҳрвандони хоҳишманди сафар ба Тоҷикистон, бархост.

"Аз ҷониби намояндаи сафорат ягон дағалгуфторӣ сурат нагирифт", - таъкид мешавад дар хабар.

Намояндагони сафорати Тоҷикистон аз пахши хабарҳои носаҳеҳи расонаҳои дохиливу хориҷӣ изҳори нигаронӣ намуда, дархост карданд, ки минбаъд дар нашри хабарҳои вобаста ба масоили баргаштани шаҳрвандони Тоҷикистон ба ватан, эҳтиёткор бошанд ва танҳо маълумотҳои саҳеҳро пахш намоянд.

Ёдовар мешавем, рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

1599
Барчаспҳо:
шарҳ, қазия, Русия, Тоҷикистон, сафорат
Студент ЮУрГУ из Таджикистана

Русия ба донишҷӯёни ғайр ҳам бурсияи бештар ва ҳам шароити беҳтар ваъда кард

327
(Таҷдидшуда 16:07 25.09.2020)
Раҳбари Россотрудничества Евгений Примаков ҷонибдори тағйир додани системаи ихтисоси бурсияҳо барои донишҷӯёни кишварҳои ИДМ ва Балтика мебошад

ДУШАНБЕ, 25 сен - Sputnik. Вакили Думаи давлатии Русия Евгений Примаков авохири моҳи июни соли ҷорӣ ба курсии роҳбари Россотрудничества такя зад.

Примаков аз нахустин рӯзи сари роҳбарии ин агентӣ омадан, изҳор дошт, ки дар кори агентӣ тағйироти куллӣ меорад.

Яке аз масоиле, ки боиси нигаронии Примаков гардидааст, ин шакли пешниҳоди бурсиҳо барои донишҷӯёни хориҷ аз кишварҳои ИДМ ва Балтика мебошад.

Примаков бо такя ба қарори кишвардори Русия Владимир Путин изҳор дошт, ки шумораи бурсияҳо барои шаҳрвандони хориҷӣ, ки ҳавасманди таҳсил дар муассисаҳои Русия мебошанд, афзоиш меёбанд.

Номбурда дар мусоҳиба бо Sputnik хабар дод, ки то соли 2023 шумораи бурсияҳо барои донишҷӯёни хориҷи то ду маротиба зиёд мешаванд.

“Забони стратегӣ”: ҳузури Русия дар маорифи Тоҷикистон

Ӯ мегӯяд, дар баробари зиёд шудани шумораи бурсияҳо, бояд барои донишҷӯён шароити созгор низ ташкил карда шавад.

Примаков системаи Лаҳистон дар ҳамин равияро мисол оварда гуфт, ки барои шаҳрвандони хориҷ дар баробари додани бурсияҳо, инчунин имкони гирифтани идрорпуливу дигар имкониятҳо фароҳат меоранд.

"Мо низ барои равнақ додани ин система, бояд дигаргуние ворид созем. Барои донишҷӯён дар баробари фароҳам овардани имконияти таҳсил, ҳамзамон пули чиптаи онҳо ва ё маблағи иҷораи манзилро пардохт кунем", - шарҳ додааст роҳбари Россотрудничества.

Вакили рус ҷонибдори он аст, ки донишҷӯёни хориҷ пас аз хатми муассисаҳои таълимии Русия мутахассис хуб шаванд ва дар ватани худ вобаста ба ихтисосашон кори хуб пайдо кунанд.

Аммо, ба гуфтаи ӯ  системаи мавҷуда ин нақшаҳо амалӣ карда наметавонад, зеро донишҷӯён маҷбурданд, ки дар баробари таҳсил ба ҳайси роҳрӯб ё ронандаи таксӣ кор кунанд.

Маҳз ба ҳамин хотир, Примаков зарур донист, ки дар системаи мазкур тағйироти ҷиддӣ ворид гардад.

Масъалаи афзун намудани бурсия барои донишҷӯёни хориҷӣ ҳанӯз аввоили соли ҷорӣ дар Думаи давлатӣ мавриди баҳс қарор гирифт.

Он замон, Леонид Калашников намояндаи Думаи давлатии Русия оид ба масъалаҳои кишварҳои ИДМ гуфт, ки ихтисоси 15 ҳазор бурсия ниҳоят кам аст. Пешниҳод шуд, ки шумораи квотаҳо то 30 ҳазор бештар карда шаванд.

327
Барчаспҳо:
шароит, донишҷӯён, бештар, бурсия, Русия

Лавров дар бораи “Маҷрои Шимол 2”: барои Олмон ин масъалаи номус аст-видео

0
(Таҷдидшуда 20:48 27.09.2020)
Сергей Лавров, вазири умури хориҷии Русия, мегӯяд, ИМА тариқи оммавӣ ба паст задани Иттиҳоди Аврупо ва махсусан Олмон машғул мебошад

Лавров дар пайи гуфтушунид бо ҳамтои эронияш, Муҳаммад Ҷавод Зариф, зимни нишасти матбуотӣ, аз ҷумла дар бораи лоиҳаи сохтмони лӯлаи газ “Маҷрои Шимол – 2” гуфт.

“Мо мебинем, ки чигуна ИМА ҳамарӯза тариқи оммавӣ талош мекунанд, Иттиҳоди Аврупоро паст зананд ва пеш аз ҳама Олмонро. ИМА аз забони намояндагони расмияш аз Олмон талаб мекунад, ки бахташро дарк кунаду амнияти энергетикияшро таъмин созад”, - изҳор дошт вазири умури хориҷии Русия.

Ба гуфтаи Лавров таҳримҳои амрикоӣ алайҳи лӯлаи газ ба он равона шудаанд, ки аврупоиҳоро водор созанд, гази ба маротиб қимати моеъро аз ИМА харанд.

Вазири умури хориҷии Русия илова намуд, ки раёсати ИМА талош дорад, ин иқдомашро ҳамчун “таҳкими амнияти энергетикии Аврупо” шарҳ диҳад.

Ба гуфтаи Лавров, акнун барои Олмон анҷоми сохтмони лӯлаи “Маҷрои шимол – 2” барои Олмон масъалаи нангу номус аст.

0
Барчаспҳо:
Иттиҳоди Аврупо, Олмон, Русия