Новейший ударный беспилотник Охотник

Чаро "Шикорчӣ" - и бесарнишини Русия ИМА ва НАТО - ро ба ташвиш меорад

376
(Таҷдидшуда 16:39 16.08.2020)
Қиркунандаҳои Қувваҳои ҳавоии ИМА барои мубориза бо шӯришгарони кишварҳои ҷаҳони сеюм пешбинӣ шудаанд, Русия бошад қиркунандаҳои насли панҷумро бо зеҳни сунъӣ ва қобилияти ҳамкорӣ бо Су-57 омода мекунад

ДУШАНБЕ, 16 авг — Sputnik, Александр Хроленко. Комёбиҳои Русия дар самти силоҳи замонавӣ "шарикон" - и Ғарбро чунон ба ташвиш овардааст, ки ҳатто маҷаллаи бонуфузи иқтисодии Forbes аз мавзӯъи асосии худ дур рафта, рӯзи 7 август ба муқоисаи хусусиятҳои қиркунандаи    S-70 Okhotnik (Hunter) ва ИМА машғул шуд.

Нашриёти амрикоӣ қайд мекунад: дар қиёс бо "аспаки кори" - и MQ-9 Reaper Қувваҳои ҳавоии ИМА, қиркунандаи Русия на барои мубориза бо шӯришгарон, балки барои ҷангҳои бузурги ҳурбӣ нигаронида шудааст. Ин қуркунанда қодир аст беш аз 6 тонна бомб ва ракетаи  "замин-ҳаво" ва "ҳаво-ҳаво" - ро дар масофаи  5000 километр интиқол диҳад.

"Шикорчӣ" аз нуқтаи назари диапазон дорои "имконоти бесобиқа" мебошад. Зоҳиран ин қиркунанда ба тарҳи X-47B Northrop Grumman, монанд аст, вале роҳаш дигар. Тарҳҳои истеҳсоли ин қиркунанда маълум шудаанд ва таҳвили силсилавии ин "Шикорчӣ" аз соли 2024 оғоз мешавад.

Тарҳи ИМА бошад ақиб мемонад. Парвози нахустини қиркунандаи  X-47B ИМА соли 2011 баргузор шуд (он замон корпоратсияи  "Сухой" нав  ба сохтусози  "Шикорчӣ" оғоз кард). Пентагон барномаи мутобиқгаронии қиркунандаро барои қувваҳои баҳрии – UCLASS – соли  2013 бо мақсади дар соли 2020 ба итмом расонидани тарҳ роҳандозӣ карда буд (чор ширкати иштирокчӣ 15 млн долларӣ гирифтанд).

Боз соли 2015 коршиносони Қувваҳои баҳрӣ ба самарабахшии дрон шубҳа доштанд. Он сӯ дигар корҳо "чаппа" рафтанд. Дар доираи барномаи UCLASS мақоми қиркунанда пай дар пай паст шудан мегирифт, аз зарбаӣ то ба ҷосусӣ ва то парвозкунандаи оддии пуркунандаи сӯзишворӣ.

Қувваҳои ҳавоии ИМА имрӯз бо эҳтиёт дастгоҳи на онқадар калони XQ-28 Valkyrie - ро ба сифати "қиркунандаи боэътимод", ки қодир аст ҳамагӣ 450 кило вазни лозимӣ (як ё ду бомб ё ракета) - ро бардорад, озмоиш мекунанд. Forbes маҷбур аст, эълон кунад: дар сурати оғози саривақтӣ дар самти қиркунандаҳои бесарнишин "ИМА баъди Русия ба марра хоҳад расид".

Зеҳни ҷангӣ

Пештар нашриёти амрикоии The Drive дар бораи қиркунандаи бесарнишини Русия чанд мақола навишт: "Шикорчӣ" ба қиркунанда монанд аст ва хеле боҳайбат менамояд.

Манфиат табиӣ аст. Доираи кишварҳое, ки метавонанд қиркунандаҳои бесарнишинро созанд бисёр танг аст. Ва технологияи омодасозии қиркунандаҳои насли панҷумро то ҳол касе аз худ накардааст. Эҳтимол, Русия аввалин мешавад.

Хусусиятҳои дақиқи "Шикорчӣ" то дергоҳ чун сирри махфӣ нигоҳ дошта хоҳад шуд.

Ин қиркунанда бо муҳаррики замонавӣ таҷҳизонида шудааст ва метавонад дар як соат то 1000 километрро тай кунад. Қодир аст то 5-6 тонна таҷҳизоти ҷангиро бардорад. Парвозҳои озмоишӣ ду сол боз идома дорад.

Дар баробари ин мегӯянд, "Шикорчӣ" ва "бародарони хурдиаш" дорои зеҳни сунъӣ ҳастанд. Мешавад пешбинӣ кард, ки дар қатори қиркунандаи вазнини Су-57 (дар навбати аввал аз ҷониби Вазорати дифоъ 76 мошин фармоиш дода шудааст). Чун Су-57 қодир аст ҳадафҳои ҳавоӣ ва заминиро дар масофаи 400 километр пайдо кунад ва то 62 обектро ҳамроҳӣ карда ба зарбазанандаҳои бесарнишин дастур диҳанд.

Бартарияти дидашавандаи Су-57 бар қиркунандаҳои насли панҷуми Амрико имконияти бузурги ҳамкории самарабахши халабон ва роботҳои ҷангии мисли "Шикорчӣ" мавҷуд аст.

Зарбазанандаи бесарнишин метавонад ҳам ба Қувваҳои ҳавоӣ ва ҳам обии Русия хизмат кунад. 

Пеш аз тирзанӣ мепаранд

Қувваҳои ҳарбӣ-ҳавоии ИМА 7 август аз анҷоми омӯзиши се рӯзаи низомӣ бо ширкати қиркунандаҳои  F-22 Raptors ва F-35A Joint Strike Fighter, бомбпартои B-2A Spirit, дрони RQ-170 Sentinel ва ҳамчунин қиркунандаҳои дидашавандаи F-15E Strike Eagle ва ҳавопаймои EA-18G Growler баргузор шуд.

Ва ин чорабинии 1,4 млн доллара чун омодагии ҷиддӣ бар зидди таҷовузи душмане менамояд, ки на дар Амрикои Шимолӣ ва на дар Ҷанубӣ нест. Дар паи ин омӯзишҳо ҳавопаймоҳо ҳуҷум ба душманони шартиро машқ карданд. Ҳадс задан душвор нест, ки ба чӣ омодагӣ медиданд. 

Моҳи сентябри соли гузашта фармондеҳи Қувваҳои ҳарбии ИМА дар Урупо - Ҷефрӣ Харриган изҳор дошт, ки Пентагон барои вилояти Калининград нақшае дорад ва моҳи октябр барои забти ин вилоят аз ҷониби Полша ва ИМА эълон кард.

Пентагон рӯз то рӯз фаъолона ва бепарвоёна Русияро дар марзҳояш бозмедорад. Дар масири баҳрҳои Сиёҳ ва Балтик ҷосусони амрикоиро зери тир нигоҳ медоранд. Ин иғвогарии кушод то муқобилияти ҳарбӣ метавонад расонад.

Дар ин миён, афзоиши забти парвозҳои ҷосусӣ - ҳавоии Иёлоти Муттаҳидаи Амрико дар соли 2020 дар наздикии марзи Русия оқибати фоҷиабор хоҳад дошт. Коршиносони маҷаллаи амрикоии The National Interest изҳор медоранд, ки гунаҳкор дар ин росто Вашингтон хоҳад буд, чун ин қувваҳои НАТО Русияро иҳота хоҳанд кард ва на баръакс.

Русия маҷбур аст қудрати низомии худро чӣ дар замин чӣ дар ҳаво ва чӣ дар об бештар кунад. Пайдошавии "Шикорчӣ" дар ин миён саривақтӣ ва лозимӣ менамояд. 

Бар пояи гузориши Global Firepower, Иёлоти Муттаҳидаи Амрико наздики 2000 ҳавопаймоҳои ҷангӣ дорад. Дар умум Пентагон дорои беш аз 5000 дастгоҳҳои парвозкунанда аст. Ин бидуни қувваҳои ҳавоии ҷангии НАТО. Барои муқоиса: Вазорати дифоъи Русия наздики 870 қиркунанда, бомбандозон ва зарбазанандаҳо дорад ва наздики 4000 дастгоҳҳои парвозкунанда.

Эҳтимолан барои боздории Вашингтон аз минтақаҳои Мексика ва Куба ҳавопаймоҳои Русия каманд ва Маскав чунин ҳадаф ҳам намегузорад.

Дар қитъаи Урупо Қувваҳои ҳавоии Русия танҳо вазифаҳои ҳифозатро иҷро мекунанд ва имконоти қувваҳои қиркунанда низоми Қувваҳои ҳавоӣ ва обиро дар марзҳои Русия пурратар мекунанд. 

"Шикорчӣ" - и бесарнишин пешрафт барои оянда ва яке аз садҳо дастгоҳҳои самарабахши Русия барои ҳукмронӣ дар ҳаво хоҳад буд. Қувваҳои Русия ба ҳамагуна таҳдидҳои афзоянда ва интизориҳои бадтарини "шарикон" - и ғарб ҷавобгӯй ҳастанд.

376
Барчаспҳо:
Русия, ташвиш, ИМА, НАТО
Логотип youtube

Гаронарзиштарин блогерони Русия муайян шуданд

369
(Таҷдидшуда 14:05 30.10.2020)
Forbes гаронарзиштарин блогерони Русияро эълом кард. Ровиёни барномаи "Что было дальше" тибқи ҳисоботи маҷалла гаронарзиштаринанд

ДУШАНБЕ, 30 окт — Sputnik. Маҷаллаи Forbes нахустин бор феҳристи блогерони YouTube - ро, ки бештарин даромад аз реклама доранд, тартиб дод.

Дар сархати ин рейтинг стендапер аз Қазоқистон Нурлан Сабуров ва шариконаш дар шабакаи LABELCOM қарор гирифтанд. Онҳо дар давоми як сол аз ҳисоби тарғибот 3,55 миллион доллар кор кардаанд. 

Дар мақоми дуюм техноблогер Wylsacom  ҷой гирифт. Ӯ дар як сол аз ҳисоби реклама 3,41 миллион доллар фоида гирифтааст.

Ҷои сеюмро бо 1,13 миллион доллар ҳаҷвнигор Александр Гудков бо шабакаи "Чикен Карри" аз худ кардааст.

Эълони сарватмандтарин оилаи Русия

Дар ҷойи чорум ва панҷум журналист Юрий Дуд ва ҳунарманд Антон Лапенко истодаанд. Дар умум исми 15 блогери гаронарзиш дар Русия эълон шудааст.

Шабакаи LABELCOM дар YouTube 4,5 миллион ҳамванд дорад. Ин шабакаи ҳавҷнигорони телевизиони ТНТ мебошад. Барои ин шабакаи ширкати Medium Quality бо продюсерии Вячеслав Дустмуҳаммадов омода мекунад.

Forbes исми сарватмандтарин фарди ҷаҳонро эълон кард: дороии ӯ 117 миллиард доллар аст

Машҳуртарин барномаи ин шабака "Что было дальше?" (ЧБД), мебошад. Дар ин барнома 5 ҳаҷвнигор меҳмонеро даъват мекунанд ва ба нақли ӯ гӯш карда бо фарзияи худ онро анҷом мебахшанд.

Реклама дар ин шабака чанд моҳ пеш пардохт мешавад. Миёни ширкатҳои тарғиботӣ чунин корхонаҳои бузурге аз қабили "Газпром нефть" ва Samsung ҳузур доранд.

369
Барчаспҳо:
муайянсозӣ, Русия, гаронарзиш
Заместитель министра обороны РФ Анатолий Антонов. Архивное фото

Посухи сафири Русия ба изҳороти ИМА бобати мушаки фаросавтӣ дар Аврупо

114
(Таҷдидшуда 15:15 29.10.2020)
Сафири Федератсияи Русия дар Вашингтон Анатолий Антонов аз сабқати силоҳи мушакӣ дар Аврупо ҳушдор дод

ДУШАНБЕ, 29 окт — Sputnik. Дипломат ба изҳороти мушовири амнияти миллии ИМА Роберт О'Брайен, ки рӯзи чаҳоршанбе омодагии Вашингтон барои дар қаламрави Аврупо ҷойгир кардани силоҳи фаросавтӣ ва мушакҳои баллистикиро эълон кард, чунин посух дод.

"Чунин ниятҳо хатари барҳам задани амнияти минтақавию ҷаҳониро дар бар дошта, боиси шиддати мухолифатҳо мегарданд. Агар Вашингтон воқеан ҳавасманди "назорати амалии аслиҳа" мебошад, барои ин зарур нест, сабқати мусаллаҳсозӣ бо мушакҳо дар қитъаи Аврупо шиддат бахшида шавад", - изҳор дошт Антонов зимни шарҳаш, ки сафорат дар саҳифааш дар фейсбук нашр кардааст.

Антонов пешниҳоди кишвардори Русия Владимир Путинро бобати кам кардани шиддат дар шароити қатъи Шартнома дар бораи рафъи мушакҳои миёнапарвоз ва кӯтоҳпарвозро "алтернативаи созанда" хонд. 

"Русия омода аст дар ҳамдастӣ бо шарикони хориҷӣ, ба сабқати силоҳи мушакӣ дар Аврупо ва дигар кишварҳои ҷаҳон, хотима гузорад", - изҳор дошт Антонов.

Шартнома дар бораи рафъи мушакҳои миёнапарвоз ва кӯтоҳпарвоз ба таъмини суботи стратегии ҷаҳон равона гардида буд. Моҳи августи соли 2019 Амрико аз ин созишнома берун омад. ИМА Русияро дар нақзи созишнома, аз ҷумла озмоиши мушаки манъшудаи 9М729 муттаҳам намуд. Аммо Маскав исрор варзид, ки мушаки онҳо на дуртар аз 500 киломметр озмоиш шуд.

Ба қаламрави мо мушак напартоед: Ҳушдори дигарбораи Эрон ба Озарбойҷону Арманистон

Зимнан, ҳафтаи равон Владимир Путин пешниҳод намуд, ки механизми ҷилавгирӣ аз сабқати мушакӣ таҳия шавад.

Раҳбари Русия гуфт, ки Маскав омода аст мушакҳои 9М729-ро дар қисмати аврупоии кишвар ҷойгир накунад, аммо ба шарте, ки НАТО низ аз чунин иқдом кор бигирад. Вай инчунин пешниҳод кард, ки НАТО маҷмӯаҳои Aegis Ashore бо партобгоҳҳои Mk-41 дар  Аврупо ва 9M729 дар иншооти Калининградро мавриди санҷиш қарор диҳад. Сухангӯи Вазорати корҳои хориҷии Олмон Андреа Сассе посух дод, ки ин ташаббус "сазовори эътимод нест".

114
Барчаспҳо:
Аврупо, Амрико, мушак, Анатолий Антонов, Русия
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

0
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

0
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон