Сатторов: аз Маскав хотираҳои зиёд дорам

586
Сафири Тоҷикистон дар Русия Имомуддин Сатторов мегӯяд, чизи зиёде ӯро бо пойтахти Русия пайванд мекунад. Вай таъкид менамояд, ки дар зебогии ин шаҳри бузург ҳар миллате ки дар он ба сар мебаранд, саҳм гузоштаанд

ДУШАНБЕ, 6 сен — Sputnik, Лев Рыжков. Таҷлили Иди пойтахт дар Русия бо делели маҳдудиятҳои пандемӣ имсол ғайримаъмулӣ ором гузашт. Яке аз истисноҳои ками маросими "Маскав шаҳри миллатҳои гуногун" гашт, ки дар ҳавои кушод доир шуд.

Узбекский музыкант выступает на фестивале Москва многонациональная
© Sputnik / Сергей Пятаков
Узбекский музыкант выступает на празднике "Москва многонациональная"

Саҳнаи ҷашн майдончае гашт, ки мизу курсиҳо гузошта шуда, бо косаву табақҳои миллии кишварҳои Осиёи Миёна оро дода шуда буд. Камтар дар канортар дар деги калоне оши палав пухтанд, ки ба ҳамаи меҳмонон тақсим менамуданд. Сокинони Маскав бо кӯдаконашон низ ба тамошои ҷашн омаданд. 

Дар ҳошияи таҷлили Иди пойтахт фестивали "Маскав шаҳри миллатҳои гуногун: рӯзи фарҳангии миллатҳои Осиёи Марказӣ" баргузор гардид.

Ҷашнвораро Маркази фарҳангии тоҷикон, Ҷамъияти фарҳангии туркманҳо, ташкилоти ҷамъиятии қирғизҳо, Конгресси умумируссиягии ӯзбекҳо ва ӯзбекистониҳо ташкил карданд.

Дар ҷашнвора артистҳо базмро гармтар карданд ва намоиши аксӣ баргузор гардид.

Ба ҷашн намояндагони расмӣ низ ташриф оварданд. Аз ҷумла сафири Тоҷикистон дар Русия Имомуддин Сатторов суханронӣ намуд.

Ӯ гуфт, ки Маскав барояш шаҳри бегона нест. Бо шаҳр хотираҳои зиёд дорад.

"Бо ин шаҳр шахсан маро чизҳои бисёре пайванд мекунад, - гуфт дипломат. - Сӣ сол пеш ба ман муяссар шуд, ки роҳбари ҷамъияти фарҳангии тоҷикон бошам. Феълан бо хушнудӣ ба анаъанаи "Маскав шаҳри миллатҳои гуногун": ҷашнеро, ки тамоми сокинони пойтахтро муттаҳид мекунад, саҳм мегузорам. Ҳоло Маскав яке аз шаҳрҳои зеботарини ҷаҳон аст. Дар он тамоми мардуме ки дар пойтахти Русия зидангӣ мекунд, саҳм гузоштанд".

Бино бар иттилои расмӣ, дар Маскав намояндагони 163 миллат ба сар мебаранд. Ва агар имрӯз ҳамаи онҳо ба ҷашн меомаданд, ҷой намемонад.
"Ин ҷашнро бо бояд дар майдонҳои калонтарин ва зеботарин Маскав таҷлил кунем, - таъкид кард сафири Тоҷикистон. - Ман фикр мекунам, даҳҳо, садҳо ҳазор нафар, ки Маскав барояшон ватани дувум шудааст, мехостанд дар ин ид иштирок кунанд".

Пас аз суханронӣ, консерт оғоз шуд, ки дар он ҳунармандони миллатҳои гуногун баромад карданд.

Шоми фарҳангии тоҷикон дар Париж бо ташаббуси Ҷамолиддин Убайдулло

586
Абдулло Давлатов: Ҳеҷ гоҳ мухолифи сиёсӣ набудам

Ҳушдори Абдулло Давлатов аз авҷи коронавирус: ба умеди ваксина нашавед

1395
(Таҷдидшуда 17:30 23.09.2020)
Абдулло Давлатов пизишки тоҷики муқими Маскав мегӯяд, ба умеди ваксина алайҳи коронавирус набояд шуд, зеро то ҳол доруи маҳвкунандаи ин вирус мавҷуд нест

ДУШАНБЕ, 23 сен - Sputnik. Абдулло Давлатов пизишки тоҷик, ки солҳо дар Русия ба сар мебарад, дар сафҳаи Фейсбукии худ аз афзоиши мавориди гирифторшавӣ ба вируси COVID - 19  дар Русия ва алалхусус дар шаҳри Маскав изҳори нигаронӣ намудааст.

Давлатов мегӯяд, пешгӯии мутахассисон бобати он ки, бо фаро расидани фасли сармо, ин маризӣ аз сар авҷ мегирад, дуруст баромад.

Ба маълумоти ӯ, ҳоло дар аксар кишварҳои ҷаҳон шиддат гирифтани маризии коронавирус ба назар  мерасад. Пизишки тоҷик дар зиёд шудани ҳолатҳои ҷадиди гирифторшавӣ, худи шаҳрвандонро гунаҳгор  медонад.

Коршиноси рус гуфт, ки оё ба Тоҷикистон мавҷи дувуми коронавирус таҳдид мекунад

Мавсуф аз ҳамагон даъват ба амал овардааст, ки "барои ҳифзи саломатии ҷони худу наздикон ҳатман аз чораҳои пешгирикунанда бояд истифода кард".

Ба боварии Давлатов, одамон набояд ба умеди ваксина шаванд, зеро то ҳол доруи муассир ва маҳвкунандаи ин маризӣ мавҷуд нест.

"Набояд ба масунияти сарҷаъмӣ ва ё ваксину доруҳои арзи вуҷуд надошта умед бандем", - изҳор доштааст табиби тоҷик.

Давлатов ягона роҳи наҷот аз ин маризиро дар риояи чораҳои пешгирикунанда аз қабили пӯшидани ниқобу дастпӯш ва риояи фосилаи иҷтимоӣ, мебинад.

Бояд гуфт, ки чанд рӯзи ахир дар Русия шумораи ҳолатҳои нави гирифторшавӣ ба маризии коронавирус рӯ ба афзоиш ниҳодааст. Ҳамарӯза беш аз 6 ҳазор ҳолати нави гирифторшавӣ ба қайд гирифта мешавад.

Дар Русия дору алайҳи коронавирус ба дорухонаҳо роҳ ёфт: нархи он беш аз 12 ҳазор рубл

Гузашта аз ин, дар Тоҷикистон низ ҳолатҳои мубталошавии шаҳрвандон андаке зиёд гардидааст. Агар авоили моҳи ҷорӣ шумораи мавридҳои нав 30 - 35 ҳолатро дарбар мегирифт, ҳоло шабонарӯзӣ аз 40 то 45 нафар тоза ба ин дард гирифтор мешаванд.

1395
Барчаспҳо:
дору, ҳушдор, маризӣ, Абдулло Давлатов
Мавзуҳо:
Пайомадҳои COVID-19 дар Тоҷикистон ва ҷаҳон
Покупатель в аптеке

Дар Русия дору алайҳи коронавирус ба дорухонаҳо роҳ ёфт: нархи он беш аз 12 ҳазор рубл

1427
(Таҷдидшуда 17:01 21.09.2020)
"Арепливир" дору алайҳи маризии коронавирус аз рӯзи душанбе ба дорухонаҳои Русия роҳ ёфт. Арзиши ин дору 12 320 рубли русӣ ташкил медиҳад

ДУШАНБЕ, 21 сен — Sputnik. Дар Русия нахустин дору алайҳи маризии коронавирус, ки "Алепривир" ном дорад ба дорухонаҳо роҳ ёфт, хабар медиҳад РИА Новости бо истинод ба маълумоти Ташкилоти истинодии "Столичка".

Бар хабари манбаъ, доруи мазкур танҳо бо дорухати пизишкон дода мешавад. Арзиши як қутти доруи "Алепривир" 12 320 рубли русиро ташкил медиҳад.

"Арепливир" дар заминаи доруи "Фавипиравир" сохта шудааст. Мутахассисони "Промомед" дар заминаи корхонаи "Биохимик" -и Саранск технологияи истеҳсоли пурраи худро таҳия карданд.

Маҷаллаи машҳури тиббӣ The Lancet натиҷаҳои таҳқиқоти ваксинаи Sputnik V-ро нашр кард

Қобили зикр аст, ки доруи "Арепливир" ҳанӯз моҳи июн аз ҷониби Вазорати тандурустии Русия иҷозати истифода гирифта буд, аммо он то ба имрӯз танҳо барои табобати беморон дар дармонгоҳҳо истифода мешуд.

1427
Барчаспҳо:
нарх, Дорухонаи шаҳрӣ, дору, Русия
Река Кофарниган, архивное фото

Наврӯз нагуфт, ки ӯро Шаҳзода оташ зад: ҷузъиёти ишқи сӯзон дар Ваҳдат-видео

510
(Таҷдидшуда 21:13 23.09.2020)
Наврӯз Раҷабов ба Шаҳзода Шамсиева зарфи сӯзишворӣ дода, гуфтааст, ҳар коре бихоҳад бо ӯ анҷом диҳад, то дилаш ором шавад

ДУШАНБЕ, 23 сен – Sputnik. Тибқи гузориши ВУД, 26 - уми августи соли ҷорӣ, дар деҳаи Шаҳдбори шаҳри Ваҳдат, дар соҳили дарёи Кофарниҳон Шамсиева Шаҳзодаи 21-сола, дӯстдоштааш Наврӯз Раҷабови 25-соларо оташ задааст.

Наврӯз худаш ба Шаҳзода сӯзишворӣ дода гуфтаст, ҳар коре хоҳад бо ӯ бикунад

“Аз пушти мошин, бақлашкаи бензинро қатии зажигалка гирифта, дар дастам доду гуфт ин марҳамат чӣ кореям кунӣ, бикун, то дилат хунук шудана. Росто истода ин марҳамат гуфт. Ман ҳам бақлажка дар дастам, аз тори санг истода, болояш рехтам. Басай фиреб гуфтам, то кай фиреб мекунӣ, гуфтам, ин сӯ нигоҳ кун, ки зажигалкаро гирён кардаму оташ сӯяш давид”, - тавзеҳ дод Шаҳзода ҳодисаро.

ВУД мегӯяд, ҷабрдида содиркунандаи ин ҷиноятро пинҳон медошт, аммо кормандони милиса муайян кардаанд, ки ин корро Шаҳзода кардааст.

Наврӯз баъди сӯхтан ба Шаҳзода гуфтаст, ки ба касе чизе нагӯяд-видео

Шаҳзода дар гузориши ВУД изҳор дошт, ки Наврӯз дар роҳ ба ӯ гуфт, “рост ба хона рав, ба телефони ҳеч кас ҷавоб надеҳ, маро надидаӣ, намедонӣ”.

Шаҳзода изҳор доштааст, ки Наврӯз Раҷабов ба зиндагии осоиштаи ӯ дахл карда, сабабгори вайрон шудани оилааш шудааст.

Ба иттилои ВУД феълан аз рӯи ин ҳодиса алайҳи Шаҳзода парвандаи ҷиноӣ оғоз гардида, тафтишот идома дорад.

510