61 фавт ва беш аз 8 ҳазор гирифтори ҷадид: омори коронавирус дар Русия

411
(Таҷдидшуда 16:15 28.09.2020)
Дар Федератсияи Русия мавориди ҷадиди сироятшавии сокинон ба маризии коронавирус рӯ ба афзуншавӣ ниҳодааст

ДУШАНБЕ, 28 сен — Sputnik. Шабонарӯзи гузашта дар Русия 8135 ҳолати ҷадиди мубталошавии сокинон ба маризии коронавирус сабт гардид, хабар медиҳад Ситоди фаврӣ оиди коронавирус.

Бар хабари манбаъ, ҳудуди 27 дарсад аз шумораи умумии мубталоёни нави ин маризӣ, бидуни ягон аломат дардманди вирус шуданд.

Рӯзи гузашта, дар қаламрави ин кишвар 2 702 бемор комилан шифо ёфта, аз дармонгоҳҳо мураххас шуданд, вале 61 маризи дигар имкони сиҳат шуданро пайдо накарданд ва даргузаштанд.

Зимнан, як рӯз қабл дар Русия шумораи гирифторони ҷадид ба 7 867 нафар баробар буд.

Омори коронавирус дар Тоҷикистон: 45 нафар шифо ёфтанду 41 тани дигар бемор шуданд

Ҷамъан бошад, дар Русия аллакай 1 159 573 нафар мубталои коронавирус шуданд. Аз ин миён, 20,3 ҳазор нафар ҷон бохта, беш аз 945 ҳазор шифо ёфтанд.

 

Дар ҷаҳон шумораи дардмандони коронавирус ба беш аз 33 миллион нафар расидааст. Ҳамчунин 995 ҳазор мавриди фавт ба қайд гирифта шудаааст.

Ба сафи кишварҳое, ки аз ин маризӣ талафоти ҷонии бештар доранд, Амрико, Ҳиндустон ва Бразилия шомил гардиданд.

411
Барчаспҳо:
омор, маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон (810)
Обозреватель бокса  Стангрит Григорий

Коршинос дар бораи қарори Ҳабиб: бе падараш ӯ наметавонист ба қуллаҳои баланд расад

373
(Таҷдидшуда 17:36 26.10.2020)
Гузоришгари соҳаи варзиш Григорий Стангрит хотимаи фаъолияти қаҳрамони UFC Ҳабиб Нурмуҳаммадовро шарҳ дод

ДУШАНБЕ, 26 окт — Sputnik. Шаби 25 октябр рақобати варзишкори русиягӣ Ҳабиб Нурмуҳаммадов ва ҳамтои амрикоияш Ҷастин Гетҷи баргузор шуд. Рақобат дар даври дуюми сабқат поён ёфт. Ҳабиб бо усули буғӣ кардан Ҷастинро мағлуб кард.

Пас аз хотимаи муҳориба Ҳабиб дар бораи тарки майдон карданаш эълом кард. Феълан Ҳабиб шикастнодида буда, дар 29 сабқаташ 29 пирӯзӣ дорад.

Ба гуфти гузоришгари соҳаи варзиш Григорий Стангрит суханони Нурмуҳаммадов пиар нест.

"Агар мо дар бораи дигар варзишкорон ҳарф мезадем, ки хуб машҳуранд ва барои гирифтани номашон аз ҳар усуле истифода мекунанд. Ҳабиб дар бораи хонаводааш ба хотири пиар намегӯяд, - гуфт коршинос дар суҳбат бо Sputnik Тоҷикистон.

Ӯ гуфт, эҳтимоли зиёд аст, ки Ҳабиб барои ширкат дар ин рақобат бо модараш суҳбати дарозе дошт, чун бидуни падараш баромад кард.

Гейҷӣ ҳангоми гиряи Ҳабиб дар майдон ба ӯ чӣ гуфт?

"Барои ӯ ширкат дар ин муҳориба бисёр муҳим буд. Ӯро падараш чунин сохт, ки ӯ имрӯз аст. Агар падараш намебуд, ӯ наметавонист ба қуллаҳои баланд ноил гардад. Вақте он инсон дар бараш нест, мумкин тарки ин навъи варзиш ҳам осон аст", - қайд кард Стангрит.

Коршинос пешбинӣ кард, ки шояд пас аз гузашти чанд вақт варзишкор хостори бозгашт ба октагон шавад.

"Эҳсосоти дохилии Ҳабиб чӣ гуна мешавад, инро фақат вақт нишон медиҳад. Вале ҳастанд мисолҳое, ки аввал аз тарки майдон эълон мекунанд, вале баъдтар бозмегарданд. Ҳатто ҳамтои Ҳабиб, Даниэл Корме ваъда дод, ки дар 40-солагӣ фаъолияташро қатъ мекунад. Вале боз баъди 40-солагӣ ба майдон баромад, чун хоҳиш буд. Ва ин ба фоидаи ӯ кор кард, чун агар пас аз чилсолагӣ ба майдон бар намегашт, қаҳрамони ҷаҳон дар вазни вазнин намешуд", - хулоса кард коршинос.

373
Барчаспҳо:
Русия, тарк, варзиш, Ҳабиб Нурмуҳаммадов
Строительство нового дома в Душанбе

Фоҷеа: дар Петербург муҳоҷири тоҷик зери оҳану бетон ҳалок шуд

186
(Таҷдидшуда 17:46 24.10.2020)
Ҳодисаи фоҷеабор бо муҳоҷири тоҷикистонӣ дар майдони сохтмоние дар ноҳияи Муринои Санкт-Петербург рух додааст

ДУШАНБЕ, 24 окт — Sputnik. Дар сохтмоне дар Мурино як коргар дар натиҷаи сарозер шудани маснуоти оҳуну бетонӣ ҳалок шуд, хабар медиҳад вебгоҳи 78.ru дар истинод ба манбаъ дар мақомоти ҳифзи ҳуқуқ.

Ҳалокати муҳоҷири тоҷик замони иваз кардани чархи мошин дар Маскав: ҳамагӣ 39- сол дошт

Ҳодиса дар шаҳраки Металлострой тақрибан соатҳои 12-и рӯзи 23 октябр рух додааст.

Тавре расонаҳои Петербург гузориш медиҳанд, ба болои коргаре, ки ба ҷамъоварии партов машғул будааст, маснуоти оҳуниву бетонӣ сарозер шудааст.

Ҳарчанд расонаҳо аз ҳувияти марди тоҷикистонӣ чизе наменависанд, гуфта мешавад, ӯ 40 сол доштааст.

Ҳалокати муҳоҷири 23 солаи тоҷик бар асари зарбаи шадиди барқ дар Петербург

Танҳо маълум аст, ки ин шаҳрванди Тоҷикистон соли гузашта барои кор вуруди Русия шуда буд.

186
День 27 октября

Ҷашнҳои рӯзи 27 октябр дар Тоҷикистон ва ҷаҳон

0
(Таҷдидшуда 20:06 26.10.2020)
Рӯзи 27 октябр рӯзи ҷаҳонии мероси аудиовизуалӣ буда дар Алҷазоир  — Рӯзи ниҳолшинонӣ ва дар Туркманистон — Рӯзи истиқлол мебошад

Рӯзи 27 октябр дар ҷаҳон чӣ рух дод

Соли 1492 Христофор Колумб Кубаро кашф намуд.

Мореплаватель Христофор Колумб (1446-1506) - испанский мореплаватель
© Sputnik / Лев Иванов
Мореплаватель Христофор Колумб (1446-1506) - испанский мореплаватель

Соли 1858 дар Ню-Йорк калонтарин маркази савдо дар дунё -"Мэйси" дар  масоҳати 20,3 гектар мавриди истифода қарор гирифт.

Соли 1867 нависанда Лев Толстой романи "Ҷанг ва сулҳ"-ро ба итмом расонд.

Русский писатель Лев Николаевич Толстой (1828-1910)
Фото из архива Государственного литературного музея Л.Н.Толстого
Русский писатель Лев Николаевич Толстой (1828-1910)

Соли 1951 нахустин маротиба дар ҷаҳон зимни табобати бемории саратон аз радиатсия истифода карда шуд.

Соли 1982 Ҷумҳурии Мардумии Чин эълон кард, ки шумораи аҳолияш  ба 1 млрд нафар расид.

© REUTERS / Thomas Peter
Люди проходят мимо китайских флагов в Кашгаре, Синьцзян-Уйгурский автономный район, Китай

Соли 2014 Президенти Федератсияи байналмилалии футбол (ФИФА) Йозеф Блаттер дар робита ба ғалабаи дастаи "Истиқлол" — и Душанбе дар Чемпионати Тоҷикистон – 2014  ба унвони Федератсияи футболи Тоҷикистон мактуби табрикотӣ ирсол намуд.

© Sputnik / Стас Этвеш / Вишнякова Мария

Рӯзи 27 октябр дар Тоҷикистон чӣ рух дод

Соли 2014 дар пойтахти Тоҷикистон намоиши аксҳои "Дастовардҳои Душанбе" баргузор гардид.

Соли 2013 дар маркази ноҳияи Фархор бо ширкати Эмомалӣ Раҳмон варзишгоҳи нави марказӣ мавриди баҳрабардорӣ қарор гирифт.

Соли 2012 ифтитоҳи нақби мошингарди "Шаҳристон".

Тоннель Шахристан в Таджикистане, архивное фото
Тоннель Шахристан в Таджикистане, архивное фото

Соли 2014 дар бӯстонсарои шаҳрии Ҳукумати Ҷумҳурии Тоҷикистон  — "Кохи Сомон" бо иштироки Эмомалӣ Раҳмон нахустин Форуми сармоягузории Созмони ҳамкории исломӣ (СҲИ) барои кишварҳои Осиёи Марказӣ баргузор гардид.

Соли 2015 Эмомалӣ Раҳмон барои иштирок дар тантанаҳои идона бахшида ба 3000-солагии Ҳисор ва ифтитоҳи иншооти зиёди ҷашнӣ, ташриф оварда, чойхонаи ғайриодӣ ва боҳашамати миллиро ифтитоҳ намуд, ки аз ҷиҳати услубу шакл дар миқёси олам ҳамто надорад.

Соли 2019 Sputnik Тоҷикистон хабар дод, ки Маҷлиси намояндагони Тоҷикистон  бо қабули тағйирот дар қонунгузории кишвар ба яккасардорӣ дар корхонаҳои давлатӣ хотима дод.

Соли 2019 Sputnik Тоҷикистон хабар дод, ки Доналд Трамп, раисиҷумҳури ИМА, зимни як паём ба мардумаш кушта шудани Абубакр Бағдодӣ, роҳбари созмони террористи "ДОИШ"-ро тасдиқ карда, ҷузъиёти амалиётро нақл кард.

Трамп гуфт, Бағдодӣ чун як саг, гирёну нолон мурд, чун тарсу, на чун қаҳрамон. 

Ҷашнҳои рӯзи 27 октябр

  • Рӯзи ҷаҳонии мероси аудиовизуалӣ.
  • Дар Алҷазоир  — Рӯзи ниҳолшинонӣ.
  • Дар Туркманистон — Рӯзи Истиқлолият.

Рӯзи 27 октябр дар Тоҷикистон кӣ ба дунё омадааст

Соли 1939  – доктори илмҳои физика ва математика, профессор Исмоилҷон Исмоилов.

Соли 1964  – раққоса Хайриниссо Файзуллоева.

Соли 1965  – олими тибб Акбар Зарифов.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 22 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон
Ҷашнҳои рӯзи 23 октябр дар Тоҷикистон ва ҷаҳон
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон