Стоянка в аэропорту. Архивное фото

Русия ба дунболи мавҷи нави коронавирус шояд дубора марзҳояшро бандад

1279
(Таҷдидшуда 14:59 05.10.2020)
Ҳар қадар равуойи одамон зиёдтар шавад, ҳамон қадар сатҳи паҳншавии вирус афзоиш меёбад, мегӯяд муовини роҳбари Кумитаи иҷтимоии Шӯрои Федератсия Валерий Рязанский

ДУШАНБЕ, 5 окт — Sputnik. Дар робита ба авҷ гирифтани маризии сироятии коронаиврус, Русия шояд дигарбора марзҳояшро ба рӯи кишварҳои дигар маҳкам кунад, мегӯяд муовини роҳбари Кумитаи иҷтимоии Шӯрои Федератсия Валерий Рязанский.

Ба гуфтаи ӯ, Русия ҳамчунин метавонад шумораи парвозҳоро коҳиш диҳад.

"Албата мо метавонем марзҳоро бубандем, мо аллакай ба ҳамин самт равона ҳастем", - изҳор доштааст Рязанский дар мусоҳиба бо РИА Новости.

Мавсуф таъкид намудааст, ки ҳар қадар рафтуомади одамон зиёдтар шавад, вирус ҳамон қадар бештар доман мезанад.

Рязанский ба чораҳои пешгирикунандаи дигар давлатҳо ишора карда, гуфт, ки Исроил аллакай ба хотири ҷилавгирӣ намудан аз коронавирус, қарантни давлатӣ эълон намудааст.

61 фавт ва беш аз 8 ҳазор гирифтори ҷадид: омори коронавирус дар Русия

Бояд гуфт, дар Русия авохири моҳи сентябр вазъи коронавирус рӯ ба бадшавӣ ниҳод. Шабонарӯзи гузашта, дар ин кишвар 10 888 мавриди нави сироятшавӣ сабт гардид.

Дар ҳамин ҳол, Ситоди фаврӣ оиди коронавирус дар Русия, расман аз ягон маҳдудиятҳо дар ҷадвали парвозҳо ва ё баста шудани марзҳо эълом накардааст.

1279
Барчаспҳо:
маҳкама, марз, маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон (803)
Президент РФ В. Путин

Путин дар бораи маҳдудиятҳо дар робита бо COVID - 19 гуфт

875
(Таҷдидшуда 23:51 22.10.2020)
Дар Русия беш аз 1,4 миллион ҳолати гирифторӣ ба коронавирус сабт шуда, беш аз 1 миллион бемор табобат ёфтанд ва 24 952 кас қурбони ин вабои аср шудааст

ДУШАНБЕ, 22 окт – Sputnik. Ҳукумати Русия дар робита ба ҳамагирии коронавирус маҳдудиятҳо ҷорӣ намекунад, гуфт президенти Русия Владимир Путин, хабар медиҳад РИА Новости.

"Мо дар нақша надорем ва ҳукумат чунин нақша надорад", - изҳор дошт Владимир Путин дар нишасти Шӯрои соҳибкорони Русия.

Алексей Мордашов, саҳмдори асосии "Северсталь", хоҳиш кард, ки дар сурати ҷорӣ шудани маҳдудиятҳо, аз бастани истеҳсолот ҷилавгирӣ кунанд. Ба гуфтаи ӯ, дар назди ҳама вазифаи хеле душвор меистад: аз як сӯ, наҷоти ҷони русҳо, аз сӯи дигар, имкони дарёфти пул ва нигоҳ доштани ҷои кор.

Марги табиби 28 - сола пас аз иштирок дар озмоиши ваксинаи бритонӣ алайҳи коронавирус

Путин дар навбати худ аз соҳибкорон даъват кард, ки риояи қоидаҳои беҳдоштиро дар корхонаҳо дар замони ҳамагирӣ назорат кунанд.

Зарбаи сеюм ба пандемия: Русия озмоиши ваксинаи сеюм алайҳи COVID - ро шурӯъ кард - навор

Тибқи омори тоза, дар Русия 1 447 335 ҳолати сирояти коронавирус ошкор карда шуда, 1 096 560 аз ин беморӣ шифо ёфтанд ва 24 952 нафар фавтиданд.

875
Барчаспҳо:
вируси корона, маҳдудият, Владимир Путин, Русия
Мавзуҳо:
Пайомадҳои COVID-19 дар Тоҷикистон ва ҷаҳон (803)
Замена летней резины на зимнюю

Ҳалокати муҳоҷири тоҷик замони иваз кардани чархи мошин дар Маскав: ҳамагӣ 39- сол дошт

573
(Таҷдидшуда 16:46 21.10.2020)
Шаҳрванди Тоҷикистон ҳангоми кӯшиши иваз ва бод пур кардани чархи мошин дар Маскав ҳалок шудааст

ДУШАНБЕ, 21 окт - Sputnik. Хабаргузории РИА Новости бо такя ба як манбааш дар мақомоти ҳифзи ҳуқуқ навиштааст, шаҳрванди Тоҷикистон дар пайи ҳодисаи нохуше дар яке аз устохонаҳои таъмири мошин дар Маскав ҳалок шуд.

Ба иттилои манбаъ, зодаи Тоҷикистон ҳамагӣ 39 сол доштааст.

Гуфта мешавад, муҳоҷир ҳангоми ивази чархи мошин, ки таркидааст ба ҳалокат мерасад.

Ҳалокати ду муҳоҷири тоҷик дар Русия ҳангоми чоҳканӣ

"Марде, ки дар таъмиргоҳи чархи мошинҳо (шиномонтаж) кор мекард, бинобар риоя накардани чораҳои бехатарӣ ҳангоми кор бо таҷҳизот барои шинондани чархҳо ҳалок шуд. Ӯ чархи мошинро дар роҳи мошингард иваз кард", - гуфтааст манбаъ.

Ҳалокати муҳоҷири тоҷик баъди сарозер шудан аз ошёнаи 12: ҳамагӣ ду рӯз кор кардааст

Тибқи маълумоти пешакӣ, худи мард чархи мошинро бод пур кардааст.

573
Барчаспҳо:
фавт, муҳоҷир, Русия, Тоҷикистон
Здание МВД Республики Таджикистан

Бедарак шудаанд: милиса барои пайдо кардани 3 нафар аз мардум кумак хост-видео

0
Вазорати умури дохилии Тоҷикистон дар гузориши ахири видеоияш акси се нафар бедаракшударо намоиш дода, аз мардум барои пайдо кардани онҳо кумак хост

ДУШАНБЕ, 23 окт - Sputnik. Тибқи иттилои Вазорати умури дохилии Тоҷикистон, ноболиғ Садам Қурбонов ҳанӯз моҳи март аз хона баромада бедарак шудааст.

“Садам Қурбонов, соли таваллудаш 2003, истиқоматкунандаи ноҳияи Восеъ, 26-уми марти соли равон аз хона баромада, бедарак аст”, - хабар дод ВУД.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Манбаъ афзуд, Фармонқул Абдураҳмонов, зодаи соли 1971,  бошандаи хона-интернати бемориҳои руҳии шаҳри Ҳисор 22 сентябр баромада, бедарак гаштааст.

Нафари бедаракшудаи дигар Акбарзода Ҷамолиддин, соли таваллудаш 1986, зодаи шаҳри Бохтар мебошад, ки аз 1 сентябри соли равон дар бораи ӯ иттилое нест.  

ВУД хоҳиш кардааст, афроде, ки дар бораи бедаракшудаҳо иттилое доранд, тариқи рақамҳои 2 21 21 21 ё 2 27 98 98 хабар диҳанд.  

0
Барчаспҳо:
бедарак шудан, парванда, Тоҷикистон