Александр Сабаев: ташхиси Навалний дар бораи "заҳролудшавӣ" тасдиқ нашуд

161
(Таҷдидшуда 17:30 08.10.2020)
Сартоксикологи Сибир ва вилояти Омск, доктори илмҳои тибб, раҳбари шуъбаи ёрии таъҷилии табобатхонаи шаҳрии рақами 1 дар Омск - Александр Сабаев дар бораи табобати Алексей Навалний нақл кард

ДУШАНБЕ, 8 окт — Sputnik. Александр Сабаев доктори илмҳои тибб, раҳбари шуъбаи ёрии таъҷилии табобатхонаи шаҳрии рақами 1 дар Омск дар суҳбат бо РИА Новости гуфт заҳролудшавии Навалний аз эҳтимол дур аст.

Ба гуфти пизишк, дар бадани Навалний вайроншавии мубодилаи карбогидратҳо ташхис карда шуд, ки аз он бемор бомуваффақият табобат карда шуд ва дар тӯли чанд соат онҳо тавонистанд вазъи ӯро ба таври назаррас беҳтар гардонанд.

Ӯ ҳамчунин дар бораи вазъи одам пас аз заҳролудшавӣ нақл кард.

- Александр Владимирович, Алексей Навалний ба назди шумо афтод, ки баъд бемори табобатхонаи Берлин шуд. Ман суоли оддие дорам, оё заҳролудшавӣ буд?

- Заҳролудшавӣ набуд. Заҳролудшавӣ чун яке аз сабабҳои бад шудани вазъи саломатӣ ҳисобида мешуд. Аммо дар тӯли шаш соати будубоши ӯ дар клиникаи мо ташхиси заҳролудшавии шадид бекор карда шуд. Гузашта аз ин, он на аз ҷиҳати клиникӣ, на аз ҷиҳати анамнестӣ ва на аз ҷониби таҳқиқоти кимиёви-токсикологӣ тасдиқ карда нашудааст. Яъне, мо ҳеҷ далеле дар бораи заҳролудшавии шадид пайдо накардем.

- Набошад чӣ буд? Ҳоло, ба назари ман, мафҳуми "махфияти тиббӣ" бемаънист, чун Путинро аллакай ба заҳролуд кардани Навалний айбдор мекунанд. Изҳорот буд, ки Навалний заҳролуд шудааст ва дар он ҷо чизе пайдо карданд. Ин аллакай дар саросари ҷаҳон паҳн шудааст, як масъалаи азими сиёсӣ. Хуб, чӣ шуд? Шумо дар таърихи беморӣ воқеан чӣ навиштед? 

- Комилан дуруст, ташхис ҳамон аст, ки дар тӯли ин моҳҳо буд: вайрон шудани мубодилаи карбогидратҳо. Ин ҷои пинҳон кардан нест. Ин як ҳолати мубодилаи воқеан вазнин аст. Ин бемории шадиди кимиёвӣ нест, тавре ки баъзе ҷонибдорони бемор тасаввур мекунанд. Ин ҳолати мубодилаи моддаҳо, ихтилоли шадиди мубодилаи моддаҳо мебошад, ки ба эҳтимоли зиёд якчанд соат, шояд ҳатто як рӯз пеш аз лаҳзаи бад шудани вазъаш дар ҳавопаймо буданаш ба вуҷуд омадааст.

Мо ҳам бо ихтилоли шадиди мубодилаи моддаҳо мубориза бурдем, ки дар маҷмӯъ, тавонистем ҳадди аққал вазъиятро ба эътидол орем. 

Бояд бигӯям, ки бемории шадиди кимиёвӣ ва бемориҳои метаболикӣ равандҳои гуногуни патологӣ мебошанд, ки умумияте надоранд. Аз ин рӯ, бемории кимиёвӣ вуҷуд надошт, ҳамон тавре ки оқибатҳои омили кимиёвӣ нахоҳанд буд. Тағироти метаболикӣ - бале, онҳо ба амал омаданд. Мо бар зидди онҳо мубориза бурдем ва дар маҷмӯъ, дар тӯли 40-42 соати будубош дар клиника  ба натиҷаҳои мусбӣ ноил шудем.

- Сабаби аслии ин бемории шадид чӣ буд?

- Он метавонад чанд сабаб дошта бошад. Ин метавонад натиҷаи истифодаи машруботи спиртӣ бошад. Ё парҳез кардан ва ё иҷро накардани парҳез. Сабабҳои аслӣ ҳаминҳоянд. Вале он, ки тағйироти метаболикӣ будаанд, ин натиҷаи озмоиш аст. Ин натиҷаи тестҳое ҳаст, ки мо ҳашт маротиба гузаронидем. Мо ҳама гуна ташхисҳоро ҳамроҳи сармутахассисон, кормандони Донишгоҳи тиббии Омск гузаронидем ва ҳамааш аз ҷониби коллегия баррасӣ шудааст ва ҳуҷҷат карда шудааст. Барои ҳамин ташхиси заҳролудшавӣ тамоман беҷо аст. 

- Вале ин ҳама дар пасманзари панкреатити музмим?

- Албатта, бешубҳа. Ғадуди зери меъда, осеб дид, инро мо бо санҷишҳои гузаронидаамон дидем.

- Мумкин аст, аз ин одам бимирад?

- Албатта. Фарзияи асосӣ - халалдор шудани ғадуди зери меъдаи ин  бемор буд. Ба  эҳтимоли зиёд, халалдоршавӣ боиси тағйирёбии шадиди қанди хун, шадид, таъкид менамоям, тағйиротро аз нишондоди хеле паст ба дараҷаи баланд, яъне аз се то 20 ммол баландтар бардошт. Ин хеле хатарнок аст. Вазифа ин буд, ки онро ба доираи муқаррарӣ расонем. Мо дар 12-14 соат аз лаҳзаи ба табобатхона овардан, ба ҳамин ҳадафамон расидем.

- Мешавад гуфт, ки шумо Алексейро аз марг наҷот додед?

- Албутта. Гуфта метавонам, ки бадтарин вазъият яъне бӯҳрони бемор соати 1-и шаб аз 20 август ба  21 буд, ки он замон сатҳи лактат дар хун ба сатҳи ҳалкунанда расид. Он 12 буд дар сурате, ки маълуман бояд ду бошад. Дар ин давра, эҳтимолан, бадани инсон зарбаҳои шадидтаринро аз сар гузаронид. 

Яъне, бӯҳрон на дар ҳавопаймо ва на ҳангоми қабул, бӯҳрон баъдтар рух дод, пас аз тақрибан 14 соати будубош дар клиникаи мо, аз соати 1 то 9-и субҳ, яъне дар тӯли ҳафт то ҳашт соат вазъи бӯҳронӣ ба вуҷуд омад. Дар чунин ҳолат, мо метавонистем, пайдоиши синдроми нокомии узвҳоро интизор шавем, ки боиси марги бемор мешуд.

- Чӣ гуна шумо инро пешгирӣ кардед, амалан шумо чӣ корҳоро анҷом додед?

- Терапияи интенсивӣ гузаронида шуд, инсулини таъсирбахш сӯзандорӣ карда шуд, хоби мӯътадил. Албатта, бояд қайд кард, ки мард ҷавон аст, захираҳо буданд, вале бемориҳои ошкорои музмини фаромӯшшуда низ вуҷуд доштанд. Аммо кор босуръат бурда шуд - ин мониторинги соатбайи кори ҳамаи функсияҳо ва системаҳо мебошад.

- Заҳр дар бадани инсон чӣ гуна рафтор мекунад, он гоҳ чӣ тасвири клиникӣ медиҳад, аз он чӣ ки мо мушоҳида кардем, чӣ тафовуте дорад?

Вақте ки мо дар бораи бемории кимиёвӣ сухан меронем, мо бояд аз ду раванд бохабар бошем. Инҳо токсикокинетика ва токсикодинамика мебошанд, ба ибораи дигар, токсикокинетика сарнавишти заҳр дар бадан аст, ҳар гуна заҳр, ҳатман изи худро боқӣ мегузорад, гузариши он бетаъхир монда наметавонад. Пеш аз ҳама, он нишонаҳои худро дар узвҳои заҳролудшавӣ - ҷигар, гурда, шуш дар ҷои аввал, дар нимсоати аввал, як  ё ду соат боқӣ мегузорад.

161
Барчаспҳо:
тасдиқ, заҳролудшавӣ, Русия
Президент РФ В. Путин

Путин дар бораи маҳдудиятҳо дар робита бо COVID - 19 гуфт

925
(Таҷдидшуда 23:51 22.10.2020)
Дар Русия беш аз 1,4 миллион ҳолати гирифторӣ ба коронавирус сабт шуда, беш аз 1 миллион бемор табобат ёфтанд ва 24 952 кас қурбони ин вабои аср шудааст

ДУШАНБЕ, 22 окт – Sputnik. Ҳукумати Русия дар робита ба ҳамагирии коронавирус маҳдудиятҳо ҷорӣ намекунад, гуфт президенти Русия Владимир Путин, хабар медиҳад РИА Новости.

"Мо дар нақша надорем ва ҳукумат чунин нақша надорад", - изҳор дошт Владимир Путин дар нишасти Шӯрои соҳибкорони Русия.

Алексей Мордашов, саҳмдори асосии "Северсталь", хоҳиш кард, ки дар сурати ҷорӣ шудани маҳдудиятҳо, аз бастани истеҳсолот ҷилавгирӣ кунанд. Ба гуфтаи ӯ, дар назди ҳама вазифаи хеле душвор меистад: аз як сӯ, наҷоти ҷони русҳо, аз сӯи дигар, имкони дарёфти пул ва нигоҳ доштани ҷои кор.

Марги табиби 28 - сола пас аз иштирок дар озмоиши ваксинаи бритонӣ алайҳи коронавирус

Путин дар навбати худ аз соҳибкорон даъват кард, ки риояи қоидаҳои беҳдоштиро дар корхонаҳо дар замони ҳамагирӣ назорат кунанд.

Зарбаи сеюм ба пандемия: Русия озмоиши ваксинаи сеюм алайҳи COVID - ро шурӯъ кард - навор

Тибқи омори тоза, дар Русия 1 447 335 ҳолати сирояти коронавирус ошкор карда шуда, 1 096 560 аз ин беморӣ шифо ёфтанд ва 24 952 нафар фавтиданд.

925
Барчаспҳо:
вируси корона, маҳдудият, Владимир Путин, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Замена летней резины на зимнюю

Ҳалокати муҳоҷири тоҷик замони иваз кардани чархи мошин дар Маскав: ҳамагӣ 39- сол дошт

584
(Таҷдидшуда 16:46 21.10.2020)
Шаҳрванди Тоҷикистон ҳангоми кӯшиши иваз ва бод пур кардани чархи мошин дар Маскав ҳалок шудааст

ДУШАНБЕ, 21 окт - Sputnik. Хабаргузории РИА Новости бо такя ба як манбааш дар мақомоти ҳифзи ҳуқуқ навиштааст, шаҳрванди Тоҷикистон дар пайи ҳодисаи нохуше дар яке аз устохонаҳои таъмири мошин дар Маскав ҳалок шуд.

Ба иттилои манбаъ, зодаи Тоҷикистон ҳамагӣ 39 сол доштааст.

Гуфта мешавад, муҳоҷир ҳангоми ивази чархи мошин, ки таркидааст ба ҳалокат мерасад.

Ҳалокати ду муҳоҷири тоҷик дар Русия ҳангоми чоҳканӣ

"Марде, ки дар таъмиргоҳи чархи мошинҳо (шиномонтаж) кор мекард, бинобар риоя накардани чораҳои бехатарӣ ҳангоми кор бо таҷҳизот барои шинондани чархҳо ҳалок шуд. Ӯ чархи мошинро дар роҳи мошингард иваз кард", - гуфтааст манбаъ.

Ҳалокати муҳоҷири тоҷик баъди сарозер шудан аз ошёнаи 12: ҳамагӣ ду рӯз кор кардааст

Тибқи маълумоти пешакӣ, худи мард чархи мошинро бод пур кардааст.

584
Барчаспҳо:
фавт, муҳоҷир, Русия, Тоҷикистон
Национальный банк Таджикистана

Бонки миллӣ иҷоза дод: дар Тоҷикистон боз як бонк ба кор шурӯъ мекунад

0
аблан Эмомалӣ Раҳмон, раисиҷумҳури Тоҷикистон дастури таъмини манобеи молӣ аз ҳисоби буҷети ҳукумат барои фаъолияти “Саноатсодиротбонк”-ро дода буд

ДУШАНБЕ, 24 октябр - Sputnik. Бонки миллии Тоҷикистон муҷаввизи таъсиси бонки ҷадидеро ба номи"Саноатсодиротбонк" содир кард.

Тавре вебгоҳи Бонки миллӣ менависад, ҳадаф аз таъсиси ин бонк, ҳимоят аз фаъолияти бахши хусӯсӣ, тиҷорати хурд, тавлидкунандагон ва содиркунандагони маҳсӯлот эълом шудааст.

Қаблан Эмомалӣ Раҳмон, раисиҷумҳури Тоҷикистон дастури таъмини манобеи молӣ аз ҳисоби буҷети ҳукумат барои фаъолияти “Саноатсодиротбонк”-ро дода буд.

Бонки ҷадид бояд барои фаъолиятҳои иқтисодӣ ва тиҷорӣ дар дохили Тоҷикистон ва кумак ба содироти маҳсӯлот ба хориҷ аз ин кишвар, эътибороти молии мавриди ниёзро дар ихтиёри фаъолони бахши хусусӣ қарор диҳад.

Дар Тоҷикистон 18 бонки тиҷорӣ ва танҳо як бонки давлатии мавсӯм ба “Амонатбонк” фаъолият мекунад.

Аммо теъдоде аз ин бонкҳо аз ҷумла “Содирот” ва “Сармоягузории кишоварзӣ” дар остонаи варшикастагӣ қарор гирифтаанд.

0