Гамбургер, архивное фото

Дар замони пандемия аз кадом ғизоҳо бояд парҳез кард - тавсияи пизишк

1083
(Таҷдидшуда 18:26 09.10.2020)
Масунияти инсон дар замони пандемия ниҳоят оҷиз аст. Аз ин рӯ бояд ғизоҳоеро истеъмол намуд, ки масуниятро то ҳадде боло мебаранд

ДУШАНБЕ, 9 окт – Sputnik. Дар замони пандемия аз консерву, хӯрокҳои тезтайёр ва бирён бояд парҳез кард, мегӯяд эпидемиологи рус Олга Ненастина.

Ба изҳори ӯ, ин намуд ғизоҳо масунияти бе ҳамин оҷизгардидаи инсон дар замони пандемияро боз харобтар мекунанд.

"Асосан аз консервҳо бояд даст кашид. Зеро чунин  хӯрокҳои коркардшуда дар соҳаи саноат аз арзиши ғизоӣ маҳрум карда мешаванд. Аз истеъмоли шакар ҳам бояд пешгирӣ кард. Ғайр аз ин, беҳтар аст, ки истеъмоли хӯрокҳои бирён ва тезтайёрро кам кард", - тавсия додаасат Ненастина.

Пизишки рус бар ин бовар аст, ки дар замони пандемия бештар хӯриш аз сабзавот ва кабудӣ истеъмол кард, зеро дар таркиби онҳо миқдори лозимаи витамин ва минералҳо мавҷуд аст, ки ҳоло барои организми одам хеле муҳиманд.

Гузашта аз ин, истеъмоли моҳӣ, гӯшти парранда, маҳсулоти аз шир тайёркардашуда ниҳоят зарур аст.

Вазорат: рӯзҳои охир дар Тоҷикистон касе аз коронавирус нафавтидааст

Коронавирус асосан барои пиронсолон хатарнок аст, аз ин рӯ муҳим аст, ки дар таркиби ғизои онҳо миқдори кофии сафеда ва витаминҳо мавҷуд бошад. Хӯрдани гӯшт тавсия дода намешавад, аммо ҳафтае як маротиба истеъмол кардани он зарур аст.

Олга Ненастина нӯшидани оби барзиёдро тавсия медиҳад. Ва маслиҳати асоси ин пизишк, канорагирӣ кардан аз асабоният ва сайру гашти зиёд дар ҳавои кушоду тоза мебошад.

1083
Барчаспҳо:
пизишк, ғизо, тавсия
Мавзуҳо:
Пайомадҳои COVID-19 дар Тоҷикистон ва ҷаҳон (789)
Мигрант у здания УФМС в Калининграде

Дар Русия барои муҳоҷирони ғайриқонунӣ низ Маркази имдод ифтитоҳ мешавад

156
Шӯрои уламои мусалмонони Русия дар 18 минтақаи кишвар барои муҳоҷирон Маркази имдодрасонӣ ифтитоҳ мекунад. Ба ин марказ тамоми муҳоҷирон новобаста аз дину миллаташон метавонанд муроҷиат кунанд

ДУШАНБЕ, 19 окт — Sputnik. Дар Русия Маркази ҳифзи ҳуқуқии муҳоҷирон ифтитоҳ мешавад, гузориш медиҳад РИА Новости.

Афзун бар марказ, барои муҳоҷирон телефони боварӣ фаъол шуд, ки онҳо новобаста аз миллат ва мазҳабашон метавонанд ба он занг зада, кӯмак дарёфт кунанд.

Ҳамчунин таъкид мешавад, ки барои муроҷиат будубоши қонунӣ ё ғайриқонунии муҳоҷирон муҳим нест.

Ба гуфтаи раиси Шӯрои уламои мусалмонони Русия Албир Крганов ин лоиҳа дар 18 минтақаи Русия ба роҳ монда шудааст.

"Дар давоми чанд ҳафта мо сомонаи "Росмигрант.рф"-ро бо чанд забон роҳандозӣ мекунем. Дар он ба масоили муҳоҷиратӣ маълумот дода, хоҳишмандон метавонанд ба саволҳояшон тариқи WhatsApp, Viber ё тариқи паёмак посух гиранд", - қайд мекунад Крганов.

Ҳамчунин вай таъкид кард, ки ба муҳоҷироне, ки дар Русия ғайриқонунӣ ба сар мебаранд бояд кӯмак кард, то тибқи қонунгузории кишвар будубошашонро қонунӣ кунанд. 

 

Крганов гуфт, ки дар бештари ҳолатҳо ин муҳоҷиронро корфармоён истифода мебаранд ва шаҳрвандони хориҷӣ наметавонанд аз ҳуқуқҳояшон ҳимоя кунанд.

"Мо ҳама якҷо барои ҳалли мушкилии эшон кӯшиш хоҳем кард, зеро мақсади мо кӯмак аст, на ҷарима ва ё ихроҷ", - мегӯяд муфтӣ.

Дар навбати худ Шӯрои уламои мусалмонони Русия бо ташкилотҳои ғайритиҷоратӣ, сафоратхонаҳо, ВКД, ки ин лоиҳаро пешниҳод кардаанд, ҳамкорӣ мекунад.

Кӯмак: Коженов байни муҳоҷирон хӯрока тақсим кард - Навор

Ин амал ифротгароиро ва ҷиноятро пешгирӣ мекунад ва муносибатҳои байниқавмӣ ва байни мазҳабиро қавӣ мегардонад ва боиси зудтар одат кардани муҷоҳирон ба муҳити Русия мегардад.

Крганов дар анҷом қайд кард, ки дар давоми пандемияи коронавирус шӯро ба муҳоҷирон кӯмаки моддӣ низ расонмида буд.

156

Жириновский дар бораи вориси Путин гуфт

889
(Таҷдидшуда 17:44 18.10.2020)
Роҳбари Ҳизби либераливу демократии Русия Владимир Жириновский гуфт, ки кӣ метавонад вориси раисҷумҳури амалкунандаи Русия Владимир Путин бошад

ДУШАНБЕ, 18 окт — Sputnik. Диқиқан наметавон гуфт, ки вориси раисҷумҳури Русия Владимир Путин кӣ мешавад, мегӯяд сиёсатмадори рус Владимир Жириновский.

Ба гуфтаи вай, вориси Путин метавонад номзад аз Кремл , аз ҷумла сарвазири феълӣ Михаил Мишустин шавад.

 

"Чаро ман фикр мекунам, Михаил Мишустин мешавад: ӯро беҳуда таъин накардааст. То ӯ як сол, ду сол, се сол худро нишон диҳад, то ӯро шиносанд. Нигоҳ кунед, ӯ зуд ба сафар ба минтақаҳо шурӯъ кард ва бо раисони вилоятҳо мулоқот мекунад",-  мегӯяд Жириновский.

Роҳбари ЛДПР истисно намекунад, ки дар оянда Мишустин аз президенти феълӣ бештар кор хоҳад кард.

"Шояд баръакс бошад, шояд ин махсус бошад ва намзади дигаре пайдо шавад, масъалан аз дохили раисони вилоятҳо, ки дар рӯйхати махсуси роҳбари давлат қарор дорад", - афзуд вай.

Жириновский таъкид кард, ки ҳангоми интиқоли қудрат дар Русия ҳаяҷоне нахоҳад буд.

"Ягон майдон мисли Бишкек ва Белорус нахоҳад шуд. 20 сол сарф шуд, то ба консерватизм асос гузошта шавад, то дигар ҳеҷ вақт Явлинский, Горбачев ё Елсини дигаре пайдо нашавад", - таъкид кард ӯ.

Роҳбари ҳизб афзуд, ки феълан дар Русия низоме роҳандозӣ мешавад, то ҳеҷ вақт касе аз тақсимоти кишвар нагӯяд.

Мишустин дар бораи мансаб, сирояту шифоёбияш аз COVID -19 ва мавҷи дуюми ин беморӣ гуфт

"Яъне мо президентеро хоҳем дошт, ки онро пеш аз ҳама Шӯрои давлатӣ, сипас Шӯрои амният, Додгоҳи конститутсинӣ, Шӯрои Федератсия ва Думаи давлатӣ ҳамоҳанг хоҳанд кард", - хулоса кард роҳбари ЛДПР.

889
футзал, акс аз бойгонӣ

Барои "Сипар" як ғалабаи дигар даркор то чемпиони Тоҷикистон шавад

0
(Таҷдидшуда 22:27 19.10.2020)
Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад

ДУШАНБЕ, 19 окт – Sputnik. Тибқи иттилои Кумитаи миллии олимпӣ, дастаи “Сипар”-и шаҳри Хуҷанд бар тими “Соро компания”-и пойтахт дар ду силсилабозиҳои финали лигаи касбии футзали Тоҷикистон -2020 ғалаба карда, ба дарёфти унвони чемпионӣ наздик шуд.

"Бозии аввали дастаҳои мусовӣ (1:1) анҷом ёфт, вале дар задани силсилаи пеналтӣ бахти хуҷандиҳо омад кард – 4:3. Дар бозии дуюм бошад, “Сипар” бо ҳисоби 6:2 бар “Соро компания” ғолиб омад. Ҳар ду бозии аввал дар шаҳри Хуҷанд баргузор шуданд", - омадааст дар иттилоия.

Кумитаи миллии олимпӣ афзуд, ки ҳамин тариқ, клуби Хуҷанд дар силсилаи бозиҳо бо ҳисоби 2:0 пешсаф аст ва пас аз як ғалабаи дигар аввалин бор чемпион хоҳад шуд.

Зикр гардид, ки бозии навбатии дастаҳо 24 октябр сурат мегирад. “Соро компания” дар Душанбе “Сипар”-ро қабул мекунад.

Инчунин дар ду бозӣ барои ҷои сеюм бошад, дастаи “Муҳоҷир”-и шаҳри Душанбе бар тими “Истаравшан” ғалаба кард. Дар бозии аввал бо ҳисоби 8:5, дар бозии дуюм бо ҳисоби 6:5, тавзеҳ дод Кумитаи миллии олимпӣ. 

Футболбозони “Муҳоҷир” дар силсилаи бозиҳо барои ҷои сеюм бо ҳисоби 2:0 пешсафанд ва мумкин аст дар бозии навбатӣ медалҳои биринҷии лигаи касбии футзали Тоҷикистонро ба даст биёранд.

0
Барчаспҳо:
футзал, Кумитаи миллии олимпӣ, Тоҷикистон