Министр иностранных дел РФ Сергей Лавров

Лавров пас аз тамос бо як маризи COVID - 19 хонашин шуд

310
(Таҷдидшуда 16:01 29.10.2020)
Ҳамаи вохӯриҳо ва сафарҳои вазири умури хориҷаи Русия, Сергей Лавров ба таъхир гузошта шуд. Феълан аҳволаш хуб аст

ДУШАНБЕ, 28 окт – Sputnik. Вазири умури хориҷаи Русия, Сергей Лавров пас аз суҳбат бо нафари сироятшуда аз коронавирус, хонашин шуд, хабар медиҳад ВКХ ФР.

Вазорати умури хориҷаи Русия, қайд карда, ки айни замон аҳволи вазир хуб аст.

Қайд мешавад, ки ба далели хонашинӣ, ҳамаи вохӯриҳо ва сафарҳои вазири умури хориҷаи Русия, Сергей Равров ба таъхир гузошта шуданд.

Дар баробари ин гуфта нашудааст, ки вазир кай ва бо кӣ суҳбат кардааст.

Сергей Лавров рӯзи 21 март 70-сола шуд. Ӯ аз рӯи синну сол  ба гурӯҳи хавфи баланд, дохил мешавад.

Тибқи фармони амалкунанда, ашхоси синнашон аз 65 боло бояд ба кори фосилавӣ гузаронида шаванд.

Бо вуҷуди ин, вазири корҳои хориҷии Русия фаъолона кор мекарду мулоқот бо ҳамкорон ва боздид аз дигар кишварҳоро идома медод.

Аз ҷумла, 26 октябр Лавров бо сафари расмӣ ба Юнон рафт ва аллакай рӯзҳои 28-29 октябр ӯ бояд ба Сербия сафар мекард.

310
Барчаспҳо:
алоқа, вируси корона, Сергей Лавров
Мавзуҳо:
Пайомадҳои COVID-19 дар Тоҷикистон ва ҷаҳон (926)
Вакцина против COVID-19 Pfizer-Biontech

Оғози сабти ваксинаи сеюм алайҳи COVID - 19 дар Русия

64
(Таҷдидшуда 14:58 20.01.2021)
Маркази ба номи Чумаков барои тасдиқи ваксина аҳайли COVID - 19 дар Русия ҳуҷҷатҳояшро ба Вазорати тандурустии кишвар пешниҳод кардааст

ДУШАНБЕ, 20 янв – Sputnik. Дар Русия сабти номи ваксинаи сеюми зидди коронавирус, ки онро Маркази Чумаков таҳия кардааст, оғоз ёфт, хабар медиҳад РИА Новости.

Ҳуҷҷатҳои дахлдор ба Вазорати тандурустии Федератсияи Русия пешниҳод шудаанд. Ин дору "КовиВак" ном гирифт.

"Ҳамин тариқ, дар Русия ваксинаҳое, ки бо истифода аз се технологияи мухталиф сохта шудаанд, пайдо мешаванд, ки ин бешубҳа саҳми ҷиддӣ дар пирӯзӣ бар пандемияи COVID-19 хоҳад буд", - гуфт вазири тандурустӣ Михаил Мурашко.

Қарор аст, ки ҳамаи таҳқиқот то нимаи моҳи феврали имсол ба анҷом расонида шаванд.

Гуфта мешавад, ки ваксина дар асоси вирусҳои ғайрифаъол, яъне "мурда" таҳия шудааст.

Эмгузаронии ваксинаи "Sputnik V" дар Қазоқистон аз 1 феврал оғоз мешавад

Ба гуфти олимон, дар ин ҳолат, организм коронавирусро беҳтар мешиносад ва ҳангоми тамос бо он, аллакай барои муҳофизат омода мешавад. Инчунин қайд карда мешавад, ки ваксина бар зидди мутатсияи COVID-19 низ самаранок хоҳад буд.

Тахмин меравад, ки ин дору барои эмгузаронии пиронсолон, кӯдакон ва шахсони гирифтори бемориҳои музмин истифода мешавад.

Ёдовар мешавем, аввалин ваксинаи Русия алайҳи коронавирус "Спутник V" моҳи августи соли гузашта ба қайд гирифта шуд. Дар миёнаҳои моҳи октябр дуввумаш - "ЭпиВакКорона" ба қайд гирифта шуд.

"Русия дунболи пул нест". Урупо пуштибони "Спутник V" шуд

То кунун, бо ваксинаи "Спутник V" беш аз 1,5 миллион нафар эм карда шудааст.

64
Барчаспҳо:
сабт, сабти ном, вируси корона, Русия
Мавзуҳо:
Пайомадҳои COVID-19 дар Тоҷикистон ва ҷаҳон (926)

“Матрёшка” аз Путин: дар бораи киштии зериобии нави Русия чиро бояд донист

135
(Таҷдидшуда 18:46 19.01.2021)
Дар Русия сохтмони як киштии зериобии ҳастаии ҷадид дар арафаи анҷомёбист ва дар ояндаи наздик озмоишҳои гидравликии он оғоз меёбад. Қарор аст, ин киштӣ ба нерӯҳои дарёии Русия то соли 2027 дастрас гардад

ДУШАНБЕ, 19 янв — Sputnik, Александр Хроленко. Киштии зериобии Ульяновск (лоиҳаи 09853) дар Севмаш соли 2017 оғоз ёфт ва дорои системаву механизмҳои муосир мебошад.

Мувофиқи маълумоти маҷаллаи Military Watch Magazine, ин киштиҳо намунаҳои хурди киштиҳои зериобии стратегии намуди “Борей” мебошанд. Фарқияти киштии “Уляновск” аз Хабаровск ва Белгород дар он аст, ки ин киштӣ ба сафи нерӯҳои дарёии Русия бо торпедаҳои беназири термоядроии “Посейдон” мепайвандад. Дар ояндаи наздик, Русия дар нақша дорад, нерӯҳои дарёии худ дар Шимол ва Уқёнуси оромро бо ду киштии барандаи “Посейдон” муҷаҳаз намояд.

“Посейдон” посухи ҷавобии Русия ба густариши НАТО ва ҳузури назарраси Пентагон дар Урупои Шарқӣ аст, ки метавонад ба имкониятҳои дифоии Русия хатар ворид кунад.

"Посейдон" яке аз пинҳонтарин лоиҳаҳои нерӯҳои дарёии Русия аст. Аз хабарҳое, ки қаблан интишор шуда буданд метавон имконияти ин низоми беназири боздории ҳастаиро ба таври комил тасаввур кард.

Киштии зериобии Уляновск ин идомаи консепсияи киштии Хабаровск аст. Дарозии ин киштӣ тақрибан 113 метр аст ва ин киштӣ метавонад то умқи  500 метр фурӯ равад. Суръати зериобии он зиёда аз 30 гиреҳ аст.

Шиноварии дарозмуддатро як нерӯгоҳи хурди  куллан нави атомӣ таъмин мекунад. Ба ин киштӣ тақрибан 100 нафар хизмат мерасонанд. Ин киштӣ имкони бурди шаш торпедои термоядроии “Посейдон”-ро дорад. Ғайр аз ин, киштии зериобиро метавон бо мушакҳои болдори Калибр-ПЛ, мушакҳои босуръати Тсиркон ва системаи худмуҳофизи Пакет-ПЛ (барои дифоъ аз ҳамлаҳои торпедоии душман) –муҷаҳаз гардонида шавад.

“Посейдон” барои нобуд кардани гурӯҳҳои киштиҳои ҳавопаймобар, пойгоҳҳои бузурги низомӣ ва иншооти стратегии иқтисоди душман дар минтақаи соҳилӣ пешбинӣ шудааст. Ин низом ҳамчунин барои нобудсозии қаламрави васеъи кишвари зӯргӯ пешбинӣ шудааст.

"Матрёшка"-и Путин

Киштиии зериобии нави Русия дар маҷмӯъ - як киштии зериобии атомӣ бо торпедои термоядроии дурбурд дар дохили он аст, ки ба матрёшкаи русӣ монандӣ дорад ва хубаш онро халал нарасонӣ. Бидуни сабаб “Посейдон” ҳеҷ гоҳ фаъол намешавад.

Киштии бесарнишини ҳастаии “Посейдон” тақрибан 20 метр дарозӣ дорад ва 100 тонна вазн. Дурбурди он тақрибан номаҳдуд аст, ин силоҳ метавонад ба чуқурии 1000 метр фурӯ равад, ки барои ҳамаи торпедои муосири душмани дастнорас аст.

Ғайр аз ин, “Посейдон” бо кулоҳаки термоядроӣ дорои ақли компютерӣ буда ва қодир аст дар масофаи чанд ҳазор километр мустақилона амал кунад. Киштиии бесарнишин мувофиқи вазъ вазн ва суръатро интихоб мекунад. Суръати тезаш имкон медиҳад аз ҳар гуна таҳдидҳо паси сар кунад. Пайгирии “Поседон” тавассути таҷҳизоти гидроакустикӣ тақрибан ғайриимкон аст.

Инқилоби Русия дар стратегияи нерӯҳои дарёӣ

Вашингтон дар сиёсати зӯргӯёнаи хориҷии худ, бештар ба нерӯҳои дарёӣ такя мекунад ва тавасути шабакаҳои  васеъи пойгоҳҳои низомии худ мехоҳад тамоми ҷаҳонро назорат намояд.

Русия ба ин ҷавобӣ баробар дод ва имрӯз омода аст, ки худро на танҳо бо киштиҳои зериобии стратегӣ балки бо дигар киштиҳои бисёрҳадафа муҳофизат кунад. Дар воқеъ, коршиносони амрикоӣ низ дарк мекунанд, ки “Посейдон” посух ба эҷоди системаҳои зиддимушакӣ ва афзоиши қудрати дарёии ИМА мебошад.

Ҷониби Амрико аз пайдоиши Посейдонҳои Русия ба таври ҷиддӣ нигарон аст.

“Посейдон”- ҳои Русия амният ва беҷазоии Иёлоти Муттаҳидаро зери хатар мегузоранд.

Бояд қайд кард, ки “Посейдон”-ҳои Русия бо нерӯгоҳои ҳастаӣ хурд ояндаи дурхшон доранд. Маскав ҳамеша ба гуфтушуниди баробарҳуқуқ ва сулҳомез  бо шарикони хориҷии худ омода аст.

135
Барчаспҳо:
ҳастаӣ, киштии зериобӣ, Амрико, Русия
Cтроительство газопровода Северный поток (Nord Stream)

"Маҷрои шимол - 2" тақдири муносиботи Олмону ИМА-ро ҳал мекунад

8
(Таҷдидшуда 17:35 20.01.2021)
Ҷо Байден дар арафаи савгандёдкунияш аз шарики калидии ИМА, Олмон тӯҳфаи на он қадар гуворо гирифт. Он аз маҷмӯи мушкилоте иборат аст, ки маъмурияти нав бояд бо он гирифтор шавад.

ДУШАНБЕ, 20 янв — Sputnik. Ирина Алкснис.  Иёлоти Муттаҳида алайҳи кишти лулагузори Русия, “Фортуна”, ки бо бунёди “Маҷрои шимол-2” сарукор дорад, таҳримот ҷорӣ кард. Инчунин, бино ба гузоришҳои расонаҳои олмонӣ, сафорати Амрико дар Берлин ҳукумати Олмонро аз нақшаҳои ҷорӣ кардани маҳдудиятҳои нав огоҳ кардааст.

Мақомоти Олмон бо вокуниши оромонаи худ то ҷое таҳқиромез рафтор карданд. Онҳо изҳор доштанд, ки “бо таассуф инро ба назар мегиранд”, яъне ҳатто изҳори ташвиши расмӣ нашудааст.

Ин рӯйдод, идомаи мантиқии як ҳодисаи дигаре буд, ки чанд рӯз пеш рух дод. Николас Бернс, собиқ ноиби котиби давлатӣ ва мушовири сиёсати хориҷии Ҷо Байден дар интихобот, боздошти таҳримҳои ИМА дар мавриди лӯлаи газро  ба миён гузошт, то маъмурияти нав "имконият пайдо кунад, ки бо ҳукумати Олмон ва дигар кишварҳои ширкаткунанда суҳбатҳои муътамад дошта бошад".  Мусаллам аст, ки Бернс аҳ пеши худ амал накард, балки пешниҳоди Вашингтонро садо дод. Бо вуҷуди ин, олмониҳо онро сарфи назар карданд.

Роҳбари Кумитаи энержии Бундестаг, Клаус Эрнст муҳокимаи сиёсати энергетикии Олмонро бо ИМА "комилан номуносиб" номид. Вай таъкид кард, ки "сохтмони “Маҷрои шоимол – 2” кори сирф аврупоӣ аст, он тамоми иҷозатномаҳои заруриро дорад ва аз ин рӯ бояд ба зудӣ ба анҷом расад".

Сиёсати хориҷии Амрико дар даҳсолаҳои охир, ки дар замони президентии Доналд Трамп каме сарфи назар шуду демократҳо мехоҳанд онро эҳё кунанд, аксар вақт ҳамчун ҷаҳонигароист. Он ду ҷузъи калидӣ ва ба андозаи баробар муҳим - институтсионалӣ ва идеологиро дар бар мегирад. Дар бахши идеология маҷмӯи ғояҳои аз ҳама пешрафта - аз қабили “ЛГБТ” то зарурати даст кашидан аз истеъмоли гӯшт бо сабабҳои экологӣ мебошад. Ин таълимот торафт ифротитар мешаванд ва таъқиби онҳое, ки бо "таълимоти ягонаи ҳақиқӣ" ихтилоф доранд, торафт шадидтар мешавад.

Қисми институтсионалӣ инчунин ба омма маълум аст ва низоми ташкилотҳои байналмилалӣ, санадҳо ва расмиётро дар бар мегирад. Фикри маъмул вуҷуд дорад (ва ин беасос нест), ки ба ин васила Иёлоти Муттаҳида ҳукмронии худро дар тӯли солҳои зиёд мустаҳкам кард, то қоидаҳои мусоиди бозиро дар ҷаҳон таҳмил кунад ва роҳбарии глобалии худро ба таври доимӣ таъмин созад.

Аммо баъдан маълум шуд, ки чизе хато рафтааст, шумораи зиёди кишварҳо бозӣ ва ғолибиятро дар системае омӯхтанд, ки маълум аст барои онҳо беадолатона мебошад. Русия ва татбиқи бомуваффақияти қоидаҳои СУС ба манфиати худ, намунаи равшанест. Ин чизест, ки Доналд Трамп дар тӯли чаҳор сол такрор кард ва бидуни тардид давлатро аз паймонҳо ва созмонҳои сершумор берун кашид: дарвоқеъ, онҳо ба Амрико он қадар фоидаовар нестанд, ки пештар фикр мекарданд. Тахмин кардан душвор нест, ки чанд шарики имтиёзноки Иёлоти Муттаҳида, ки яке аз онҳо Олмон мебошад, имтиёзҳои махсус доранд - ва тавре ки аллакай маълум шуд, онҳо чӣ гуна истифода бурдани онҳоро хуб медонанд.

Ин аст, ки Берлин Трампро хуш надошт, чун нақшаи муқарраршудаи барқарорсозии тадриҷии соҳибихтиёрии Олмон ва истифодаи Амрикоро ба манфиати худ халалдор кард. Аз ин рӯ мақомоти Олмон,  Байденро бо хушнудӣ ҳамчун президенти нави Иёлоти Муттаҳида қабул карданд: ин баргардонидани як формати нисбатан бароҳат барои олмониҳо мебошад, ки дар он суханрониҳои таблиғотӣ ва лоббигароии паси парда комилан ба ҳам мувофиқанд.

Ин аст он чизе ки бо “Маҷрои Шимол – 2” рӯй медиҳад. Дар моҳҳои охир чораҳо андешида шуданд, то сохтмони лӯла то ҳадди имкон аз фишори таҳримоти хориҷа эмин бошад. Соҳибони ҳамон "Фортуна" иваз карда шуданд. Парлумони Мекленбург  барои дастгирии фаъолияти  лоиҳа фонд таъсис додааст.

Чизи аз ҳама ҷолиб он аст, ки мақомоти Олмон бо ёрии ин сохтор саъй доранд, ки ду паррандаро бо як санг кушанд: илова бар дастгирии худи сохтмон, онҳо маъракаи иттилоотию идеологии онро низ таъмин мекунанд, зеро созмони нав Фонди ҳифзи иқлим ва муҳити зисти Мекленбург ном дорад ва ҳадафи он мусоидат ба "расидан ба ҳадафҳои иқлимии Олмон" арзёбӣ шудааст. Ҳамин тариқ, рӯзномаи экологӣ мавриди баррасӣ қарор мегирад, зеро маҳз ҷонибдорони рушди сабз фаъолона чун пешоҳангҳо алайҳи “Маҷрои шимол – 2 “ истифода мешаванд.

Тими Ҷо Байден худро дар вазъияти хеле душвор қарор дод. Онҳо наметавонанд - тавре ки Трамп карда буд – ошкоро дар маҳзари тамоми ҷаҳон  бо шарики стратегӣ ҷанҷол бардоранду бо қабули чораҳои шадид алайҳи ӯ оғоз кунанд. Ин ба директиваҳои барқарорсозии ваҳдати Ғарб, ки бо он демократҳо ба қудрат бармегарданд, мухолифат мекунад. Гузашта аз ин, дар маҷмӯъ, Берлин ба Вашингтон вафои садоқатмандона ва иттифоқи амиқи идеологиро нишон медиҳад, ки онро вокуниши якҷояю ҳамзамони онҳо аз  боздошти Алексей Навалний дар Русия бори дигар нишон дод.

Усулҳои муқаррарии кор тавассути ҷамъомадҳои пасипардаӣ метавонанд моҳҳо тӯл мекашанд: олмониҳо ҳунармандони олие дар ташкили кашолакорӣ ва бюрократии байналмилалӣ мебошанд. То он вақт, “Маҷрои шимол – 2”  ба итмом мерасад ва барои амрикоиҳо дер хоҳад шуд, ки муштҳояшонро ба ҳам зананд.

Дар натиҷа, маъмурияти нав аз рӯзҳои аввали раёсати Ҷо Байден маҷбур мешавад, ки дар кори худ байни тропизми катъиян ғайри қобили қабул, вале аз нигоҳи идеологӣ дурусту  глобализми либералии бесамар интихоб кунад.

Аммо, Олмон мушкилоти худро дорад. Дирӯз Газпром аз хавфҳо барои лӯлаи “Маҷрои шимол – 2”  бинобар фишори сиёсӣ ҳушдор дод, ки метавонад боиси боздошт ё ҳатто бекор шудани лоиҳа гардад. Ин ҳушдор аст - пеш аз ҳама ба Берлин, ки дар ҷустуҷӯи истиқлолият ва таҳкими геополитикӣ корти зиддирусиягии Навалнийро ба бозӣ дароварда,  бори дигар фаромӯш кард, ки Русия ба ин чиз то чӣ андоза дардовар посух дода метавонад.

8