Заместитель министра обороны РФ Анатолий Антонов. Архивное фото

Посухи сафири Русия ба изҳороти ИМА бобати мушаки фаросавтӣ дар Аврупо

134
(Таҷдидшуда 15:15 29.10.2020)
Сафири Федератсияи Русия дар Вашингтон Анатолий Антонов аз сабқати силоҳи мушакӣ дар Аврупо ҳушдор дод

ДУШАНБЕ, 29 окт — Sputnik. Дипломат ба изҳороти мушовири амнияти миллии ИМА Роберт О'Брайен, ки рӯзи чаҳоршанбе омодагии Вашингтон барои дар қаламрави Аврупо ҷойгир кардани силоҳи фаросавтӣ ва мушакҳои баллистикиро эълон кард, чунин посух дод.

"Чунин ниятҳо хатари барҳам задани амнияти минтақавию ҷаҳониро дар бар дошта, боиси шиддати мухолифатҳо мегарданд. Агар Вашингтон воқеан ҳавасманди "назорати амалии аслиҳа" мебошад, барои ин зарур нест, сабқати мусаллаҳсозӣ бо мушакҳо дар қитъаи Аврупо шиддат бахшида шавад", - изҳор дошт Антонов зимни шарҳаш, ки сафорат дар саҳифааш дар фейсбук нашр кардааст.

Антонов пешниҳоди кишвардори Русия Владимир Путинро бобати кам кардани шиддат дар шароити қатъи Шартнома дар бораи рафъи мушакҳои миёнапарвоз ва кӯтоҳпарвозро "алтернативаи созанда" хонд. 

"Русия омода аст дар ҳамдастӣ бо шарикони хориҷӣ, ба сабқати силоҳи мушакӣ дар Аврупо ва дигар кишварҳои ҷаҳон, хотима гузорад", - изҳор дошт Антонов.

Шартнома дар бораи рафъи мушакҳои миёнапарвоз ва кӯтоҳпарвоз ба таъмини суботи стратегии ҷаҳон равона гардида буд. Моҳи августи соли 2019 Амрико аз ин созишнома берун омад. ИМА Русияро дар нақзи созишнома, аз ҷумла озмоиши мушаки манъшудаи 9М729 муттаҳам намуд. Аммо Маскав исрор варзид, ки мушаки онҳо на дуртар аз 500 киломметр озмоиш шуд.

Ба қаламрави мо мушак напартоед: Ҳушдори дигарбораи Эрон ба Озарбойҷону Арманистон

Зимнан, ҳафтаи равон Владимир Путин пешниҳод намуд, ки механизми ҷилавгирӣ аз сабқати мушакӣ таҳия шавад.

Раҳбари Русия гуфт, ки Маскав омода аст мушакҳои 9М729-ро дар қисмати аврупоии кишвар ҷойгир накунад, аммо ба шарте, ки НАТО низ аз чунин иқдом кор бигирад. Вай инчунин пешниҳод кард, ки НАТО маҷмӯаҳои Aegis Ashore бо партобгоҳҳои Mk-41 дар  Аврупо ва 9M729 дар иншооти Калининградро мавриди санҷиш қарор диҳад. Сухангӯи Вазорати корҳои хориҷии Олмон Андреа Сассе посух дод, ки ин ташаббус "сазовори эътимод нест".

134
Барчаспҳо:
Аврупо, Амрико, мушак, Анатолий Антонов, Русия
Президент РФ Владимир Путин и президент Узбекистана Шавкат Мирзиеев

Владимир Путин бо Шавкат Мирзиёев телефонӣ суҳбат кард

213
(Таҷдидшуда 14:16 01.12.2020)
Кишвардорони Ӯзбекистон ва Русия масъалаи нишасти сарони давлатҳои узви Иттиҳоди Давлатҳои Мустақилро, ки таҳти раҳбарии Ӯзбекистон баргузор мешавад, баррасӣ карданд

ДУШАНБЕ, 1 дек — Sputnik. Президенти ФР Владимир Путин бо ҳамтои ӯзбекаш Шавкат Мирзиёев масъалаи нишасти сарони кишварҳои узви Иттиҳоди Давлатҳои Мустақил, мубориза бар зидди паҳншавии коронавирус ва ваксинаи сохти русиро баррасӣ карданд, хабар медиҳад хадамоти матбуотии президенти Русия.

"Рафти омодагӣ ба ҷаласаи дарпешистодаи Шӯрои сарони давлатҳои узви ИДМ, ки таҳти раисии Ӯзбекистон дар шакли видеоконфронс баргузор мешавад, баррасӣ шуд", - омадааст дар хабарнома.

Ҳамчунин дар ин суҳбат масоили муносиботи дуҷониба ва минтақавӣ баррасӣ шудааст.

Ҳар ду ҷониб хостори таҳкими муносиботи миёни Ӯзбекистон ва Русия шуда, тавсеаи робитаҳои тиҷоратию иқтисодиро таъкид кардаанд.

Дар ин суҳбат, ба мушкилоти рӯз - мубориза бо паҳншавии сирояти коронавирус, аз ҷумла истифодаи ваксинаҳои Русия таваҷҷӯҳи махсус зоҳир гардидааст.

Раҳбарони Ӯзбекистон ва Русия аз рушди устувори робитаҳои дуҷонибаи тиҷоративу иқтисодӣ дар шароити бӯҳрони ҷаҳонӣ, ки дар натиҷаи ҳамагирии коронавирус ба амал омадааст, қаноатмандӣ зоҳир кардаанд.

"Аз ҷумла, сафарҳои мутақобила фаъолона амалӣ мешаванд ва комиссияи муштараки байниҳукуматӣ ва самаранок кор мекунанд. Ҳаҷми савдои тарафайн меафзояд, татбиқи лоиҳаҳои афзалиятноки ҳамкориҳои саноатӣ дар соҳаҳои гуногуни иқтисодиёт, инчунин барномаҳои мубодилаи гуманитарӣ идома доранд", - афзудааст хадамоти матбуотии Шавкат Мирзиёев.

Кишвардорон ҳамчунин масоили байналмилалиро баррасӣ карда, ҷадвали баргузории нишастҳо дар сатҳи олиро муайян кардаанд.

213
Барчаспҳо:
Шавкат Мирзиёев, Владимир Путин, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Юрий Крупнов. Архивное фото

Крупнов: низоми супоридани имтиҳонҳо барои муҳоҷирон дар Русия шаффофтар мешавад

261
(Таҷдидшуда 12:10 01.12.2020)
Тағирот дар низоми супоридани имтиҳонҳо барои муҳоҷирон дар Русия хушоянд аст, мегӯяд Юрий Крупнов, раиси Шӯрои нозирони Пажӯҳишгоҳи демография, муҳоҷират ва рушди минтақа

ДУШАНБЕ, 1 дек — Sputnik.  Дар Русия иловаҳо ба қоидаҳои супоридани имтиҳонҳо аз забони русӣ, таърих ва қонунгузории муҳоҷирон эътибор пайдо карданд.

Ҳамин тавр, мураккабии санҷиши дониш ба ҳадафи будубоши шаҳрванди хориҷӣ дар кишвар вобаста аст.

Ғайр аз он, Русия талаботро барои сатҳи ҳадди ақали дониш, тартиби ягонаи имтиҳонҳо, шакл ва тартиби гузаронидани онҳо ҷорӣ мекунад.

Ба гуфтаи Юрий Крупнов, раиси Шӯрои нозирони Пажӯҳишгоҳи демография, муҳоҷират ва рушди минтақа, ин иқдомро танҳо метавон истиқбол кард.

"Чизи асосӣ ин аст, ки ин имтиҳон беқадр карда намешавад, зеро аксар вақт талаботҳои аз ҳад зиёд ба гурӯҳҳои имтиҳоншавандагон пурра мувофиқат намекарданд", - таъкид кард коршинос дар мусоҳиба бо Sputnik Тоҷикистон.

Вай қайд кард, ки муайян кардани сатҳи дониши забонҳо муҳим аст, ки имкон медиҳанд талаботро барои муҳоҷирони меҳнатӣ дар Русия, ки малакаҳои оддии суханвариро талаб мекунанд, пешниҳод кунанд.

Қаблан, масъалаҳо бо унсурҳои коррупсия ва ё мувофиқа ҳалли худро меёфтанд, ки дар натиҷа самаранокии санҷиши дониш коҳиш ёфт, гуфт Крупнов.

Дар хотима коршинос аҳамияти ташкили феҳристи расмии ташкилотҳоеро қайд кард, ки дар онҳо муҳоҷирон метавонанд санҷида шаванд.

Рустами Эмомалӣ аз мушкили муҳоҷирон гуфт: афв то 15 декабр

Ба гуфтаи ӯ, ин тартиби гузаронидани имтиҳонҳо барои шаҳрвандони хориҷӣ дар Русияро шаффофтар мекунад.

261
Барчаспҳо:
имтиҳон, муҳоҷирин, Русия
День 2 декабря

Ҷашнҳои рӯзи 2 декабр дар Тоҷикистон ва ҷаҳон

0
(Таҷдидшуда 19:32 01.12.2020)
Рӯзи дуюми декабр Рӯзи байналмилалии ҳифзи иттилоот, Рӯзи байналмилалии ҳайвоноти хонагӣ ва дар Яман –Рӯзи истиқлолият ҷашн гирифта мешавад

Рӯзи 2 декабр дар ҷаҳон чӣ рух дод

Соли 1731 дар натиҷаи заминҷунбӣ қисмати зиёди Пекин хароб гардида, бештар аз 100 ҳазор нафар ба ҳалокат расиданд.

Соли 1804 — Наполеон I Бонапарт худро подшоҳи Фаронса эълон кард.

Репродукция портрета Наполеона, написанного неизвестным художником в конце XIX века
© Sputnik / Александр Поляков
Репродукция портрета Наполеона, написанного неизвестным художником в конце XIX века

Соли 1872 дар шаҳри Глазгои Шотландия аввалин мусобиқаи расмии байналмилалӣ оид ба футбол баргузор гардид.

День 1 декабря
© Sputnik/ Стас Этвеш/ Мария Вишнякова

Соли 1876 соҳибкор ва ихтироъкор Павел Николаевич Яблочков барои ихтироъ кардани трансфроматор патент ба даст овард.

 

Соли 1922 Ташкилоти байналмилалии кумак ба ҷанговарони инқилобӣ таъсис дода шуд.

Соли 1966 Барбадос истиқлолият ба даст овард.

Соли 2001 дар шаҳри Москваи Федератсияи Русия саммити ҷашнии Шӯрои Сарони давлатҳои аъзои ИДМ баргузор гардид.

Рӯзи 2 декабр дар Тоҷикистон чӣ рух дод

Соли 2015 раисҷумҳури Тоҷикистон  Эмомалӣ Раҳмон дар шаҳри Парижи Фаронса дар нишасти сарони кишварҳои тарафҳои Конвенсияи тағйири иқлим, ки ба мушкили бузурги сайёра — тағйирёбии иқлим бахшида шуд, суханронӣ карданд.

День 29 ноября
© Sputnik/ Стас Этвеш/ Мария Вишнякова

Соли 2016 Эмомалӣ Раҳмон баъд аз анҷом додани боздиди корӣ дар шаҳри Будапешти Венгрия бо сафари расмӣ ба шаҳри Прагаи Ҷумҳурии Чехия рафтанд.

Соли 2012 котибони матбуотӣ ва роҳбарони маркази матбуотии вазорату идораҳои мамлакат ташкилоти ҷамъиятии худ – Шӯрои котибони матбуотии Тоҷикистонро таъсис доданд.

Соли 2017 ҳайати Ҷумҳурии Тоҷикистон дар ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амнияти Созмони Аҳдномаи амнияти дастаҷамъӣ дар шаҳри  Минск иштирок намуд.

Ҷашнҳои рӯзи 2 декабр

  • Рӯзи байналмилалии ҳифзи иттилоот
  • Рӯзи байналмилалии ҳайвоноти хонагӣ
  • Дар Яман –Рӯзи истиқлолият

Рӯзи 2 декабр дар Тоҷикистон кӣ ба дунё омадааст

Соли 1894 года – гурғулисарои тоҷик Ҳикмат Ризо.

Соли 1933 года – ҳунарманди сирк, ҳунарманди халқии Тоҷикистон Пирназар Юсуфов.

Рӯзи 2 декабр кӣ даргузашт

Соли 1940 — Николай Колтсов (соли таваллуд 1872), биолог, асосгузор ва директори Донишгоҳи биологияи озмоишӣ.

Соли 1969 — Климент Ворошилов (соли таваллуд 1881), корманди низомӣ, ходими давлатӣ, яке аз аввалин маршалҳои Иттиҳоди Шӯравӣ.

0
Барчаспҳо:
Тоҷикистон, Ҷаҳон, ҷашн