Большой противолодочный корабль Адмирал Пантелеев в порту Лимасол

"Ин кори Амрико нест": назари сиёсатшинос дар бораи талаботи Амрико ба киштиҳои Русия

253
(Таҷдидшуда 20:55 06.11.2020)
Вазорати умури хориҷаи Русия ба талаботи Амрико нисбати Кипр дар мавриди роҳ надодани киштиҳои баҳрии Русия ба бандарҳояшон посух дод

ДУШАНБЕ, 6 ноя — Sputnik. Дар барномаи радиои Sputnik профессори Мактаби олии иқтисодӣ (МОИ) Олег Матвейчев таъкид кард, ки чунин фишори Вашингтон қобили қабул нест.

Намояндаи расмии ВУХ Русия Мария Захарова иддаои ёвари котиби давлатии Амрико оиди масъалаҳои ҳарбӣ - сиёсӣ Кларк Купер дар мавриди роҳ надодани киштиҳои Русия ба бандарҳои Кипр шарҳ дод.

Қаблан Купер гуфта буд, ки Амрико аз он норозист, ки Кипр барои боздоштани вуруди киштиҳои ҷангии Русия ба бандарҳояш иқдом намекунад. Ба гуфтаи ӯ, дар сурати рад кардани вуруди киштиҳои Русия, ҳамкории Амрикову Кипр дар соҳаи мудофиа бештар тақвият меёбад.

Русҳо даҳто доранд, мо танҳо дуто: Амрико дар чӣ аз Русия хело қафо мондааст

Ба гуфтаи Захарова, ин бори аввал нест, ки Маскав мушоҳида мекунад, ки чӣ гуна Вашингтон ҳамчун шарти пешакӣ барои рушди ҳамкорӣ бо ин ё он кишвар, коҳиши ҳамкориҳояш бо Федератсияи Русия дар соҳаҳои гуногунро ба миён мегузорад.

"Ин равиш ба ҳуқуқи ҷудонашавандаи ҳар як давлат барои пешбурди сиёсати мустақили хориҷӣ мухолиф аст", -  гуфт Захарова дар як брифинг.

Дар эфири радиои Sputnik сиёсатшинос, профессори МОИ Олег Матвейчев таъкид кард, ки чунин фишори Иёлоти Муттаҳидаи Амрико қобили қабул нест.

"Ду давлати соҳибихтиёр мавҷуданд: Русия ва Кипр, ки байни худ дар асоси манфиати тарафайн амалҳои муайянеро анҷом медиҳанд. Бо киштиҳо, ё бидуни киштиҳо, ин кори Амрико нест. Иёлоти Муттаҳида бо ин амалаш  ба кори на як давлат, балки якбора ду давлат мудохила мекунад, яъне ҳам Русия ва ҳам Кипр, ки ин ғайри қобили қабул аст. Худи Иёлоти Муттаҳида намегузоранд, ки давлате ба умури дохилии онҳоро дахолат кунад. Ҷавоб ба изҳороти Амрико бояд танҳо беэътиноӣ бошад. Агар онҳо бешармона чунин иддаҳоро ироа мекунанд, зарур аст, ки афкори онҳоро сарфи назар кард", - таъкид намудааст Олег Матвейчев.
253
Барчаспҳо:
Кипр, киштӣ, Амрико, Русия
Мэр Москвы Сергей Собянин

Маҳдудиятҳо тамдид мешаванд: Собянин вазъи коронавирус дар Маскавро нигаронкунанда гуфт

306
(Таҷдидшуда 14:17 26.11.2020)
Сергей Собянин раиси шаҳри Маскав вазъияти коронавирусро шарҳ дода гуфт, ки ҳоло ҳарф задан дар бораи коҳиш ёфтани мавориди гирифторшавӣ ба ин дард, барвақт аст

ДУШАНБЕ, 26 ноя — Sputnik. Ба изҳори раиси шаҳри Маскав вазъият дар робита ба паҳншавии маризии коронавирус дар пойтахти Русия ҳамоно нигаронкунанда аст.

Сергей Собянин дар ин бора дар блоги шахсии худ хабар дода, гуфт, ки аз санаи 16 то 22 ноябр дар Маскав мавориди ҳолатҳои нави гирифторшавӣ ба андозаи 2 фисад ва ҳолатҳои бистарӣ кардани маризон то 3 дарсад афзоиш ёфтааст.

Ба ҳамин минвол, маҳдудиятҳое, ки қаблан Собянин пиёда намуда буд, то рӯзи 15 январ тамдид мешаванд.

Яъне, нафарони калонсол набояд бидуни зарурат аз хона берун раванд; 30 дарсади коргарон ҳамоно аз тариқи режими дуркорӣ фаъолият мекунанд; донишҷӯён низ ба таҳсили фосилавии худ идома медиҳанд; тамошобинони толорҳои кино, театр набояд аз 25 дарсад бештар бошанд; марказҳои фароғатӣ барои кӯдакон баста мемонанд.

"Шӯхӣ нест"! Нигаронии Собянин аз вахим шудани вазъи коронавирус дар Маскав

Дар Маскав маҳдудиятҳое мавҷуданд, ки мақомоти шаҳр бо сабаби вазъи душвори эпидемӣ ҷорӣ карда буд. Аз ҷумла, пас аз соати 23.00 қаҳвахонаю майкадаҳо, тарабхонаҳо ва клубҳои шабона кор намекунанд ва донишҷӯёни донишгоҳу коллеҷҳо аз фосилаи дур таҳсил мекунанд.

Намоишгоҳҳо, лексияҳои оммавӣ ва дигар чорабиниҳои фароғатӣ бо тамошобинон, ба истиснои варзиш, муваққатан қатъ карда шудааст.

306
Барчаспҳо:
изҳори нигаронӣ, маризӣ, вазъият, Сергей Собянин
Бинои Ҳукумати ФРДом

Рустами Эмомалӣ ба Алексей Оверчук: иҷрои 300 созишнома беҳбудии ҷиддӣ мехоҳад

617
(Таҷдидшуда 18:30 25.11.2020)
Рустами Эмомалӣ ва Алексей Оверчук масоили иқтисодӣ, фарҳангӣ ва муҳоҷирати меҳнатиро баррасӣ карданд

ДУШАНБЕ, 25 ноя – Sputnik. Раиси Маҷлиси миллии Маҷлиси Олии Тоҷикистон, раиси шаҳри Душанбе Рустами Эмомалӣ имрӯз бо муовини раиси Ҳукумати Русия, ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ Алексей Оверчук мулоқот кард.

Бино ба гузориши дафтари матбуотии шаҳрдори Душанбе ин дидор дар бинои Ҳукумати Русия дар шаҳри Маскав баргузор шудааст.

Гуфта мешавад, ки иштирокчиёни вохӯрӣ ҳолати кунунӣ ва дурнамои муносибатҳои ҳамкории Тоҷикистон ва Русияро дар доираи санадҳои меъёрии ҳуқуқии мавҷудабаррасӣ кардаанд.

Дар ин мулоқот, Рустами Эмомалӣ ёдовар шудааст, ки асосҳои қарордодиву ҳуқуқии тарафайнро қариб 300 созишномаҳои байнидавлативу байнисоҳавӣ ташкил медиҳанд, ки иҷрои босифати онҳо беҳбудии ҷиддӣ тақозо мекунад.

Дар ин робита ба ҳамкории тиҷоратӣ-иқтисодӣ, ки самти афзалиятноки муносибатҳои дуҷонибаро ифода мекунад, таваҷҷуҳи хос зоҳир шудааст.

"Дар ҳашт моҳи соли равон гардиши мол байни ду давлат  720 миллион доллари амрикоиро ташкил дод", - садо дод дар ин дидор.

Корхонаҳои саноатӣ дар минтақаҳои озоди иқтисодӣ

Вобаста ба саноатикунонии иқтисоди кишвар, ки афзалияти стратегӣ эълон шудааст, таъсиси корхонаҳои муштараки истеҳсолӣ, аз ҷумла дар минтақаҳои озоди иқтисодӣ қобили қабул арзёбӣ гардидааст.

Ҷонибҳо манфиатдории худро дар рушди ҳамкорӣ дар соҳаҳои саноати истихроҷ ва коркарди маъданҳои кӯҳӣ, сӯзишворӣ-энергетикӣ, комплекси аграрӣ, ҳамчунин саноати сабук ва хӯрокворӣ иброз доштаанд.

Рустами Эмомалӣ дар ин робита ташкили Шӯрои байнидавлатиро оид ба ҷалби мустақими сармояи Русия ба Тоҷикистон мувофиқи мақсад донистааст.

Воридоти маҳсулоти ғизоӣ

Дар вохӯрӣ ҳамчунин ба масъалаи содироту воридоти маҳсулоти ғизоӣ ва сабзавоту мева манфиатдор будани ҷонибҳо мавриди гуфтугӯи ҷиддӣ қарор дода шуд.

Дар мулоқот таъкид гардид, ки самти фарҳангӣ-гуманитарии ҳамкорӣ, бахусус дар соҳаи маориф имконияту захираҳои фаровон дорад.

Омӯзиши забони русӣ дар Тоҷикистон

Дар ин дидор гуфта шудааст, ки дар Тоҷикистон барои омӯзиши забони русӣ шароити мусоид фароҳам карда мешавад.

Ҳамасола аз Русия ба мактабҳои Тоҷикистон беш аз 50 нафар омӯзгорон фиристода мешаванд.

Рустами Эмомалӣ аз тезонидани суръати сохтмони 5 мактаб дар Тоҷикистон дар асоси Созишномаи тарафайн изҳори назар карданд.

Ҷонибҳо аз муҳимияти масоили марбут ба муҳоҷирати меҳнатӣ дар шароити пандемия ёдовар шуда, зарурати барқарор намудани алоқаи мунтазами ҳавоии байни ду давлатро таъкид намудаанд.

Раиси шаҳри Душанбе Рустами Эмомалӣ изҳори боварӣ намудааст, ки Алексей Оверчук ба ҳайси ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ,саҳми арзандаи худро дар рушду таҳкими ҳамаҷонибаи муносибатҳои стратегӣ ва иттифоқчигӣ байни ин ду кишвар мегузорад.

617
Барчаспҳо:
созишнома, Рустами Эмомалӣ
Мавзуъ
Рустами Эмомалӣ аз мушкили муҳоҷирон гуфт: афв то 15 декабр
Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео
Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт
тренер Хаким Фузайлов, архивное фото

"Хуҷанд" созишнома бо Фузайловро тамдид намекунад: Лазаревичро баргардонданист

0
(Таҷдидшуда 20:41 26.11.2020)
Роҳбарияти бошгоҳи "Хуҷанд" созишнома бо сармураббии даста, Ҳаким Фузайловро тамдид нахоҳад кард ва ният дорад мураббии пешинро ҷалб намояд

ДУШАНБЕ, 26 ноя — Sputnik. Муҳлати созишномаи бошгоҳи “Хуҷанд” бо Ҳаким Фузайлов охири соли равон анҷом меёбад. Раёсати бошгоҳ нияти тамдиди созишномаро надошта, мехоҳад сармураббии қаблиро ба даста биёрад.

Фузайлов моҳи июли соли равон дар мақоми сармураббии “Хуҷанд” Никол Лазаревич аз Сербияро иваз кард, ки баъди сафар ба Ватан ба далели пандемия натавонист ба Тоҷикистон баргардад.  Бошгоҳи “Хуҷанд” акнун мехоҳад, ки кор бо Лазаревичро идома диҳад.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллии Тоҷикистон, дастаҳои “Истиқлол” ва “Куктош” –ро тамрин дода, аввали моҳи июл вазифаи сармураббии бошгоҳи “Каганат”-и Қирғизистонро тарк карду бо дастаи “Хуҷанд” пайваст.  

Ҳаким Фузайлов дорои иҷозатномаи мураббигии дараҷаи PRO мебошад.

0