ДУШАНБЕ, 9 ноя — Sputnik. Бунёди маблағгузориҳои мустақими Русия ва Маркази илмиву тадқиқотии эпедидемиологӣ ва микробиологии ба номи Гамалеи ба таблиғи ваксини зидди коронавируси Русия "Спутник V" тариқи шабакаҳои иҷтимоӣ оғоз мекунанд, хабар медиҳад РИА Новости дар истинод ба иттилои фонд.
Гурӯҳ аз хэштэг #SputnikV истифода хоҳанд кард.
"Шабакаҳои ваксини #SputnikV дар шабакаҳои иҷтимоӣ ба корбарон аз рафти озмоишҳои клиникӣ, истеҳсолот ва эмкунии аҳолӣ дар кишварҳои гуногун маълумот хоҳанд дод. Олимони Маркази илмиву тадқиқотии эпедемиологӣ ва микробиологии ба номи Гамалеи дар бораи сохтани ваксина ва технологияи сохтани он маълумот медиҳанд. Одамоне, ки аллакай эм шудаанд, аз таҷрибаи худ нақл хоҳанд кард", - гуфтанд ба рӯзноманигорон намояндагони марказ.
"Шабакаҳое, ки хэштеги мазкурро истифода мебаранд, саҳнаи асосии эълони ахбор дар бораи ваксин, эълони шумораи ваксини истеҳсолшуда ва нафарони эмшуда хоҳанд шуд.
Ҳамчунин маҳз дар он шабакаҳо чорабиниҳои бузург пахш мешаванд.
Зарбаи сеюм ба пандемия: Русия озмоиши ваксинаи сеюм алайҳи COVID - ро шурӯъ кард - навор
Моҳи август Вазорати тандурустии Русия нахустин ваксини зидди коронавирус дар ҷаҳонро ба қайд гирифт, ки онро Маркази илмиву тадқиқотии эпедидемиологӣ ва микробиологии ба номи Гамалеи якҷо бо Бунёди маблағгузориҳои мустақими Русия коркард кардааст. Ба он номи "Спутник V"-ро доданд. Доруро дар ду марҳила бо фосилаи се ҳафта мегузаронанд.
