Родители Вайдо в доме

Падари Ҳувайдо: аз қотили фарзандам товон талаб мекунам

3282
(Таҷдидшуда 18:25 15.11.2020)
Абдусалом Саидов мегӯяд, ду сол аз ки барои муҷозот шудани қотили духарчаи хурдсолаш дар Русия саргардону бекор аст. Ӯ умед дорад, ки қотили фарзандаш на танҳо ҷазо мегирад, балки товони ин саргардониҳояшро пардохт мекунад

ДУШАНБЕ, 15 ноя — Sputnik. Абдусалом Саидов, падари Ҳувайдо Тиллозода, ки соли 2018 дар шаҳри Серпухови назди Маскав фоҷеабор кушта шуд, мегӯяд аз қотили фарзандаш товон ситониданист.

Ӯ дар сӯҳбат бо Sputnik Тоҷикистон хабар дод, ки рӯзи баргузории мурофиаи судӣ пас аз ба анҷом расидани тафтишоти парвандаи куштори духтараки 5-солаи тоҷик дақиқ шуд.

Мурофиа рӯзи 20 ноябр, соатҳои 10-11 дар Додгоҳи вилоятии Маскав баргузор мешавад.

Табиби Сиёмин маълумотномаи сиҳатии равонии ӯро дод

Саидов ёдрас шуд гумонбари куштори духтарашро аз ҷиҳати равони солим арзёбӣ карданд.

Ӯ афзуд, бо сартабиби бемористоне, ки гумонбари куштори Ҳувайдо Александ Сёмин дар он бистарӣ буд, доим дар итибот буд, билохира хабари сиҳат арзёбӣ шудани Сёминро сартабиб ба ӯ расонид.

Ба табиб ҳам пора пешниҳод карданд

"Ба гуфтаи табиб, ҷониби гумонбаршаванда ба вай 3 миллион рубл пора пешниҳод кардааст, то Александр Сёминро бемори рӯҳӣ арзёбӣ кунад, аммо табиб рад кардааст", - мегӯяд падари Ҳувайдо.

Сёмин дар куҷост?

Абдусалом мегӯяд, як моҳ пештар аз бемористони рӯҳӣ гуфта буданд, ки гумонбаршавандаи куштори духтарашро ба СИЗО мебаранд.

"Аммо феълан маълумоте надорам, ки бурданд ё не. То ҷое медонам, гумонбар бояд дар мурофиаи навбатӣ иштирок кунад", - афзуд вай.

Ҳодисаҳои "аҷиб"

Падари Ҳувадо мегӯяд, ду сол мешавад, ки барои муҷозот шудани қотили духтараш саргардон аст ва мубориза мебарад.

Қазияи Ҳувайдои 5-сола: даст доштани Сёмин ба куштор исбот шуд, вале айбдорияш не

"Дар ин ду сол  чанд бор ҳомии ҳуқуқам иваз шуд. Мошини якеашро дар хонааш оташ заданд, якеаш паси панҷара рафт, ба худам пора пешниҳод карданд, таҳдид карданд  ва ба садама дучорам карданд, аммо аз роҳам барнамегардам", - мегӯяд вай.

Падари Ҳувайдо афзуд, ки ин муддат натавонист дар ҷое кор кунад, хонаводаашро, ки тифли бемор доранд, аз ҷиҳати молӣ дастгирӣ кунад. 

Вай афзуд, ки товони ҳамаи инро аз қотили Ҳувайдо ситониданист.

"Ба додгоҳ муроҷиат мекунам, ки бар замми таъини ҷазо қотили духтарам ба ман товон диҳад", - гуфт дар анҷом Саидов.

Ёдрас мешавем, ҳодисаи даҳшатбори таҷовуз ва куштори Ҳувайдои 5-сола 2 сол пеш, тобистони соли 2018 дар шаҳри Серпухови вилояти Маскав рух дода буд. Ҳувайдо аз майдончаи бозии кӯдакона нападид шуд ва рӯзи дигар ҷасадашро дар даруни борхалтае аз назди роҳи оҳан пайдо карданд. Худи ҳамон рӯз Александр Сёмин чун гумонбар дастгир шуда буд.

3282
Президент РФ Владимир Путин

Мактубҳои таҳниятӣ: Путин собиқадорони тоҷикро шодбош гуфт

109
(Таҷдидшуда 12:57 05.12.2020)
Сафири Русия дар Тоҷикистон ба собиқадорони тоҷик мактубҳои шодбошии президенти Русия Владимир Путинро дод

ДУШАНБЕ, 5 дек — Sputnik. Дар Душанбе маросими супоридани мактуби раисҷумҳури Русия Владимир Путин ба собиқадорони тоҷик баргузор шуд, гузориш медиҳад "Мир 24".

Маросими супурдани мактуб дар бинои Маркази илм ва фарҳангии Русия дар Душанбе баргузор шуд.

Ин мактуби президенти Русияро ба собиқадорони Ҷанги Бузургӣ Ватанӣ, ки дар Тоҷикистон ба сар мебаранд, сафири Русия дар Тоҷикистон Игор Лякин-Фролов супурд.

"Ин усул - ҳеҷ кас ва ҳеҷ чиз фаромӯш намешавад - бояд чи дар Тоҷикистон ва чи дар Русия идома ёбад. Инҷо собиқадоронро фаромӯш намекунанд ва кӯмакашон мерасонанд", - гуфт сафири Русия.

Шанбегии собиқадорони ҷанг дар гӯристон-акс

Лякин-Фролов илова кард, ки эътирофи корнамоиҳои қаҳрамонона дар Ҷанги Бузурги Ватанӣ дар сатҳи байнидавлатӣ, алахусус дар пасманзари таҳрифи далелҳои таърихӣ дар дигар давлатҳо хеле арзишманд аст.

109

Боз як ширкати русӣ иҷозаи парвоз ба Тоҷикистонро гирифт

405
(Таҷдидшуда 13:32 05.12.2020)
Русия рӯйхати ширкатҳои ҳавоиеро, ки метавонанд ба шаҳрҳои гуногуни кишварҳои Осиёи Марказӣ парвоз анҷом диҳанд, бештар кард

ДУШАНБЕ, 5 дек — Sputnik. Росавиатсия ба ширкатҳое, ки иҷозатномаи вижа доранд, ба иҷрои парвозҳои байналмилалии интқоли мусофирон ва ё коло иҷозат дод.

Рӯйхати ширкатҳои ҳавоӣ дар фармони вижа дар сомонаи Росавиатсия нашр шудааст.

Аз ҷумла дар қатори 11 ширкати ҳавоӣ ин иҷозатномаро ба AZUR air додаанд, ки ба нуқтаҳои зиёде парвоз анҷом хоҳад дод.

Байни онҳо Тоҷикистон низ зикр мешавад.

Ҳамин тавр, мувофиқи фармони Росавиатсия, ширкати ҳавоӣ AZUR air акнун метавонад аз Иркутск ба Хуҷанд парвоз кунад.

Афзун бар ин, интихоби ширкатҳои интиқолдиҳанда ба дигар кишварҳои Осиёи Марказӣ тамдид мешавад.

RedWings  иҷозаи парвоз ба Ӯзбекистон,  Nordwind, RedWings, AZUR air ва "Азимут" ба Қазоқистон ва интизор меравад, ки ҳамчунин Nordwind парвозҳоро ба Бишкек оғоз кунад.

Маълум шуд, “Сомон Эйр” моҳи декабр ба Белорусия чанд парвоз анҷом медиҳад

405
Барчаспҳо:
иҷозат, ҳавоӣ, ширкат, парвоз, Тоҷикистон, Русия

Ин “Пирӯзӣ” аст: сомонаи замин ба ҳавоии С-400 тамоми нишонҳоро ба ҳадаф расонд видео

0
(Таҷдидшуда 13:26 05.12.2020)
Вазорати дифои Русия навори ҷолиберо нашр кардааст, ки дар он санҷиши сомонаи замин ба ҳавоии С-400 “Триумф” ё “Пирӯзӣ” ба навор гирифта шудааст

Санҷишҳои бо муваффақи системаи С-400 дар пойгоҳи озмоишии Капустин Яри вилояти Астрахани Русия сурат гирифт, иттилоъ додааст дафтари матбуоти вазорати дифои Русия.

“Низоми С-400 бо муваффақ ҳамаи нишонҳоро ба ҳадаф расонд. Мушаки озмоишии “Кабан” дар баландии 15 киломтр нобуд карда шуд”, - таъкид доштааст вазорати дифои Русия.

Русия дар Тоҷикистон мушакҳои С-300-ро наздикии марзи Афғонистон насб кард

Пеш аз ба артиши Русия додани С-400, ин охирин имтиҳони он буд. Сипас С-400 барои дифои фазои минтақаи Самара равон карда мешавад.

Ёдрас мешавем, ки дар аввали моҳи сентябр мушакпартоии санҷишии “Триумф” дар пойгоҳи Ашулуки вилояти Астрахан сурат гирифта буд.

0
Барчаспҳо:
ҳадаф, нишон, санҷиш, С-400 "Триумф", Русия