Колыбельные для детей

Фалокат зери по: кӯдаки даҳмоҳаи муҳоҷири тоҷик дар гаҳвора ҳалок шуд

1161
(Таҷдидшуда 11:52 21.11.2020)
Дар вилояти Маскав кӯдаки хурдсоли як хонаводаи муҳоҷир аз Тоҷикистон фоҷеабор дар гаҳвора нафасгир шуда, ҳалок гардид

ДУШАНБЕ, 21 ноя — Sputnik. Ҳодисаи нохуш, ки ҷони як кӯдаки маъсумаро рабудааст, дар яке аз деҳоти ноҳияи Одинсоваи вилояти Маскав рух додааст.

Фоҷеа бо муҳоҷирони тоҷик рух додааст, ки се сол пеш ба Русия омада буданд. Онҳо дар манзили наздиҳавлигие зиндагӣ мекарданд, ки дар он ҳамчун ёвари хоҷагӣ кор низ мекардаанд.

Соҳибони хона барои ин оила болохонаро ҷудо карда буданд, ки дар он оила ба кӯдаки даҳмоҳаашон зиндагӣ мекарданд.

Зан корҳои хонаро анҷом медод, мард бошад ба замини наздиҳавлигӣ нигоҳубин мекард.

Фоҷеа рӯзи 19 ноябр рух дод. Волидон чун ҳаррӯза кӯдакро ба гаҳвора хобонида, ба корҳои хона машғул буданд. 

Волидон вақт-вақт аз кӯдак хабар мегирифтанд ва ҳангоми чунин як хабаргирӣ мард як ҳолати ғайримуқаррарии кӯдакро ҳис кард. Ӯ дарҳол ҳамсарашро ва сипас ёри таъҷилиро даъват намуд.

Аммо аллакай дер шуда буд. Табибон гуфтанд, ки кӯдак ҳалок шудаст.

Имтиёз барои хориҷиён: дар Русия ба муҳоҷирон низ сармояи беҳдошти модар ва кӯдак медиҳанд

Сабаби ин фоҷеаро нафасгирӣ гуфтаанд. Эҳтимол, кӯдак ба банди гаҳвора печидаву нафасгир шудааст.

Ҳарчанд андӯҳи ин хонаводаи муҳоҷир сахт аст, аммо Кумитаи тафтишотии Русия бо моддаи "Марг дар пайи беэҳтиётӣ" парванда боз кардааст.

1161
Президент РФ Владимир Путин

Мактубҳои таҳниятӣ: Путин собиқадорони тоҷикро шодбош гуфт

320
(Таҷдидшуда 14:04 05.12.2020)
Сафири Русия дар Тоҷикистон ба собиқадорони тоҷик мактубҳои шодбошии президенти Русия Владимир Путинро дод

ДУШАНБЕ, 5 дек — Sputnik. Дар Душанбе маросими супоридани мактуби раисҷумҳури Русия Владимир Путин ба собиқадорони тоҷик баргузор шуд, гузориш медиҳад "Мир 24".

Маросими супурдани мактуб дар бинои Маркази илм ва фарҳангии Русия дар Душанбе баргузор шуд.

Ин мактуби президенти Русияро ба собиқадорони Ҷанги Бузурги Ватанӣ, ки дар Тоҷикистон ба сар мебаранд, сафири Русия дар Тоҷикистон Игор Лякин-Фролов супурд.

"Ин усул - ҳеҷ кас ва ҳеҷ чиз фаромӯш намешавад - бояд чӣ дар Тоҷикистон ва чӣ дар Русия идома ёбад. Инҷо собиқадоронро фаромӯш намекунанд ва кӯмакашон мерасонанд", - гуфт сафири Русия.

Шанбегии собиқадорони ҷанг дар гӯристон-акс

Лякин-Фролов илова кард, ки эътирофи корнамоиҳои қаҳрамонона дар Ҷанги Бузурги Ватанӣ дар сатҳи байнидавлатӣ, алахусус дар пасманзари таҳрифи далелҳои таърихӣ дар дигар давлатҳо хеле арзишманд аст.

320
Барчаспҳо:
собиқадорон, муборакбодӣ, таҳният, мактуб, Владимир Путин

Боз як ширкати русӣ иҷозаи парвоз ба Тоҷикистонро гирифт

1132
(Таҷдидшуда 13:32 05.12.2020)
Русия рӯйхати ширкатҳои ҳавоиеро, ки метавонанд ба шаҳрҳои гуногуни кишварҳои Осиёи Марказӣ парвоз анҷом диҳанд, бештар кард

ДУШАНБЕ, 5 дек — Sputnik. Росавиатсия ба ширкатҳое, ки иҷозатномаи вижа доранд, ба иҷрои парвозҳои байналмилалии интқоли мусофирон ва ё коло иҷозат дод.

Рӯйхати ширкатҳои ҳавоӣ дар фармони вижа дар сомонаи Росавиатсия нашр шудааст.

Аз ҷумла дар қатори 11 ширкати ҳавоӣ ин иҷозатномаро ба AZUR air додаанд, ки ба нуқтаҳои зиёде парвоз анҷом хоҳад дод.

Байни онҳо Тоҷикистон низ зикр мешавад.

Ҳамин тавр, мувофиқи фармони Росавиатсия, ширкати ҳавоӣ AZUR air акнун метавонад аз Иркутск ба Хуҷанд парвоз кунад.

Афзун бар ин, интихоби ширкатҳои интиқолдиҳанда ба дигар кишварҳои Осиёи Марказӣ тамдид мешавад.

RedWings  иҷозаи парвоз ба Ӯзбекистон,  Nordwind, RedWings, AZUR air ва "Азимут" ба Қазоқистон ва интизор меравад, ки ҳамчунин Nordwind парвозҳоро ба Бишкек оғоз кунад.

Маълум шуд, “Сомон Эйр” моҳи декабр ба Белорусия чанд парвоз анҷом медиҳад

1132
Барчаспҳо:
иҷозат, ҳавоӣ, ширкат, парвоз, Тоҷикистон, Русия
Министр здравоохранения Республики Таджикистан Джамолиддин Абдуллозода

Дидори ногаҳонӣ: Вазир аз бемористони ноҳияи Рӯдакӣ хабар гирифт

0
(Таҷдидшуда 18:34 05.12.2020)
Бо мақсади аз наздик шиносоӣ пайдо намудан бо фаъолияти муассисаҳои тандурустӣ ва омодагии онҳо барои муътадил гузаронидани фасли зимистон, беҳтар намудани сатҳ ва сифати хизматрасонии тиббӣ ба аҳолӣ вазорати тандурустӣ гаштҳои рӯзона ва шабонаро ба роҳ мондааст

ДУШАНБЕ, 5 дек – Sputnik. Вазири тандурустӣ ва ҳифзи иҷтимоии аҳолии кишвар Ҷамолиддин Абдуллозода шахсан аз Беморхонаи марказӣ ва Беморхонаи бемориҳои руҳии ноҳияи Рӯдакӣ дидан кард, иттилоъ додааст дафтари матбуоти вазорат.

Гуфта шудааст, ки барои гузаронидани фасли зимистон дар беморхонаи мазкур захираи кофии сӯзишворӣ ва маводи хӯрока муҳайё карда шуда, муассисаҳои номбурда ҷиҳати муътадил гузаронидани фасли зимистон омода мебошанд.

Қайд карда шудааст, ки вазир дар беморхонаҳои мазкур бо беморон низ мулоқот намуда, оид ба вазъи хизматрасонии тиббӣ аз онҳо пурсон шуд.

Қайд карда шудааст, ки бо мақсади боз ҳам беҳтар намудани хизматрасонии тиббӣ, риояи қоидаҳои пешгирӣ аз сӯхтор ва бартараф намудани мушкилот ва камбудиҳои мавҷуда аз ҷониби вазири тандурустӣ Ҷамолиддин Абдуллозода ба масъулини беморхонаҳои номбурда дастуру супоришҳои мушаххас дода шуд.

0
Барчаспҳо:
дидан, Рӯдакӣ, бемористон, тандурустӣ, вазир, Тоҷикистон