Чрезвычайный и Полномочный посол Таджикистана в России Имомуддин Сатторов

Беҳтарин сафир ва сафорат: тавсифи Чупик аз фаъолияти Сатторов

1042
Ҳомии ҳуқуқи муҳоҷирон аз фаъолияти сафири Тоҷикистон дар Русия тавсиф кард. Ӯ гуфт, Имомуддин Сатторов дар тӯли фаъолият ба дастовардҳои зиёд дар роҳи ҳифзи ҳуқуқи муҳоҷирон ноил шуд

ДУШАНБЕ, 21 ноя – Sputnik. Валентина Чупик, як бонуи фаъоли ҷомеаи шаҳрвандӣ дар Русия, ҳомии ҳуқуқи муҳоҷирон дар мусоҳиба бо рӯзномаи "Вечёрка" аз фаъолияти сафорати Тоҷикистон дар Русия ва сафири Тоҷикистон Имомуддин Сатторов тавсиф кардааст.

"Феълан сафорати шумо хело хуб кор мекунад. Онҳо аз дипломатҳои дигар кишварҳо дида, хело беҳтар фаъолият мебаранд. Сафир инсон ва корманди хело хуб аст ва консулҳо низ беҳтаринанд", - таъкид мекунад вай.

Ба гуфтаи  ҳомии ҳуқуқи муҳоҷирон, дар қабули фармони 274, ки ҳуҷаатҳои будубоши муҳоҷиронро тамдид кард, саҳми сафири Тоҷикистон дар Русия Имомуддин Сатторов бузург аст.

"6 апрел сафири Тоҷикистон аз ҳукумати Русия ин дархостро кард ва сипас раиси парлумони Ӯзбекистон ҳам хоҳиш карданд ва маҳз ҳамин ҷидду ҷаҳдҳо буд, ки ба муҳоҷирон сабукӣ дода шуд", - меафзояд вай.

Аз чор се дархости сафирро мақомоти Русия, ба ғайр аз кӯмаки тибӣ қабул кард, лекин маҳз сафири Тоҷикистон буд, ки ин мавҷро боло кард, таъкид кардааст Чупик.

Сафорат ва Домодедово хабарҳо  дар бораи  банд мондани тоҷикон дар фурудгоҳро  рад карданд

Ёдрас мешавем, фармони рақами 274-и президенти Русия аз 18 апрели соли 2020 "Дар бораи чораҷӯиҳои муваққатии ба эътидол овардани ҳолати ҳуқуқии шаҳрвандони хориҷӣ ва нафарони бидуни шаҳрвандӣ дар Федератсияи Русия дар робита бо таҳдиди минбаъдаи паҳншавии коронавируси нав (COVID-19)" ба муҳоҷирон имконият қонунан будубош намудан дар ҳудуди Русияро дод.

Правозащитница Валентина Чупик
Правозащитница Валентина Чупик

 

Валентина Чупик нақши Сатторовро дар пешгирии порагирӣ дар сафорат калидӣ арзёбӣ кард. 

Ба гуфтаи вай, дар давраи роҳбарияти пештараи сафорат барои тамоми хизматҳо пул мегирифтанд: аз мӯҳр сар карда, то шиносномаву шаҳодатномаи ронандагӣ.

Ҳамчунин фаъолияти контораҳои зиёд дар атрофи сафорат ки бо ивази пул миёнравӣ мекарданд, аз байн бардошта шуд.

Ба фикри Чупик, ҳамчунин маҳз бо ташаббуси сафири Тоҷикистон тафтишотҳои беҳудаву пайгириҳои Раёсати вазорати умури дохила дар ноҳияи Арбати Маскав бозистонда шуданд.

"Онҳо дар назди дарвоза одамонеро, ки бештарашон ба сафорат барои хабар додан аз гум шудани ҳуҷҷатҳояшон мемомаданд, мебурданд. Ва бо баҳонаи надоштани ҳуҷҷат депорташон мекарданд. Сатторов ба раёсати вазорати умури дохилаи Маскав муроҷиат кард ва ин амали милисаҳои Арбат дар натиҷа қатъ гардид", - мегӯяд вай.

Фаъолияти консули Тоҷкистон Парвиз Назарзода низ шоистаи таҳсин аст. Ӯ ба боздошти ғайриқонунии муҳоҷирон дарҳол вокуниш мекунад: ё дарҳол ба шӯъбаи полис меравад ва ё занг мезанад, то муҳоҷирон халос шаванд, мегӯяд Валентина.

Сатторов: аз Маскав хотираҳои зиёд дорам

Ҳуқуқшинос ҳамчунин афзуд, ки ҳангоми пандемия сафорат бо дастгирии тоҷирон муҳоҷиронро дар Маскав ва Қазон кӯмаки моддӣ кард.

1042
Председатель Совета Федерации РФ Валентина Матвиенко на заседании Совета Федерации РФ

"Маскав бароят шаҳри бегона нест": пазироии Матвиенко аз Рустами Эмомалӣ- навор

3440
(Таҷдидшуда 20:57 24.11.2020)
Рустами Эмомалӣ раиси Маҷлиси миллии Маҷлиси Олии Ҷумҳурии Тоҷикистон, ки бо нахустин сафари кории худ озими Русия шуд, бо ҳамтои русаш Валентина Матвиенко вохӯрд

ДУШАНБЕ, 24 ноя - Sputnik. Дар Маскав мулоқоти рӯбарӯи Рустами Эмомалӣ ва Валентина Матвиенко баргузор шуд. Ин мулоқот дар доираи сафари расмии ҳайати Маҷлиси Миллии Маҷлиси Олии Ҷумҳурии Тоҷикистон ба Федератсияи Русия бо даъвати раиси Шӯрои Федератсия баргузор гардид.

Встреча Валентины Матвиенко с Эмомали Рахмоном
© Официальная страница пресс-службы президента РТ в Facebook

Дар мадҳ, Матвиено, Рустами Эмомалиро ба пойтахти Русия шаҳри Маскав хушомадед гуфта, изҳор дошт, ки "Маскав барои ӯ шаҳри бегона нест, чун ин ҷо таҳсил карда, маълумоти олӣ гирифта буд".

Гузашта аз ин, раиси Шӯрои Федератсияи Русия аз он изҳори хушнудӣ намуд, ки Рустами Эмомалӣ барои нахустин сафари кории худ маҳз Русияро интихоб намуд.

Ба гуфтаи ӯ, дар замони пандемия ташриф овардан ба кишвари дигар боиси таҳсину офарин аст.

"Ҳоло, аксар мулоқоту вохӯриҳо дар шароити видеоӣ мегузаранд, вале мулоқоти мо на фосилавӣ, балки бевосита рӯбарӯ баргузор мегардад, ки ин барои ман бисёр хуш аст", - тавзеҳ додааст Матвиенко.

Зимнан, Матвиенко афзуд, ки Рустами Эмомалиро мулоқот бо шаҳрдори Маскав Сергей Собянин, раиси Думаи давлатӣ Вячеслав Володин ва чанд мақомдори дигари Русия интизор аст.

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

3440
Барчаспҳо:
Валентина Матвиенко, Рустами Эмомалӣ
Выдача патентов в миграционном центре Московской области. Архивное фото

Дар вилояти Томски Русия қимати патент барои муҳоҷирони меҳнатӣ гарон мешавад

200
(Таҷдидшуда 14:49 24.11.2020)
Дар соли оянда қимати патент барои муҳоҷирони меҳнатӣ дар вилояти Томски Русия афзоиш хоҳад ёфт

ДУШАНБЕ, 24 ноя — Sputnik. Дар соли 2021 қимати патент барои шаҳрвандони хориҷӣ, ки дар қаламрави вилояти Томски Русия кору фаъолият мекунанд, имкон дорад тағйир ёбад, иттилоъ додааст дафтари матбуоти думаи қонунгузори вилояти Томск.

Қимати патент дар қаламрави ин минтақа тақрибан 4317 рубл дар як моҳро ташкил хоҳад дод. Бояд гуфт, ки то имрӯз қимати патент дар ин минтақа 4193 рублро ташкил медод.

Ҳамин тавр, арзиши патент барои муҳоҷирони меҳнатӣ тақрибан ба 120 рубл афзоиш хоҳад ёфт.

Тибқи омор дар вилоят дар соли равон бино бар паҳншавии вируси корона теъдоди муҳоҷирон ба маротиб коҳиш ёфтааст. Гуфта шудааст, ки аз 13,7 ҳазор муҳоҷири меҳнатие, ки қаблан ба вилояти Томск ворид мешуд, имсол бино бар пандемия ҳамагӣ 4,3 ҳазор муҳоҷир ба ин минтақа ворид шудааст.

Инчунин тақрибан ду баробар гирифтани патент кам шудааст. Шумори муҳоҷироне, ки патент мегирифтанд аз 6,2 ҳазор то 3,2 ҳазор нафар коҳиш ёфтааст. Ҷамъоварии андоз низ 22 дарсад коҳиш ёфтааст ва имсол ҳамагӣ 96 миллион рублро ташкил додааст.

"Барои муқоиса дар ҳамин давраи соли гузашта аз ҳисоби пардохти андози муҳоҷирони меҳнатӣ ба буҷаи ин минтақа 157,4 миллион рубл ворид шуда буд", - гуфта шудааст дар иттилоияи думаи минтақаи Томск.

200
Барчаспҳо:
Томск, гарон, арзиш, патент, Русия, муҳоҷир
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон