Президент РФ В. Путин встретился с президентом Молдавии И. Додоном

"Мо нармдилу беозорем”: посухи тунди Путин ба иқдоми НАТО ва Ғарб

890
(Таҷдидшуда 20:33 17.12.2020)
Раисҷумҳури Русия Владимир Путин, ба суоли хабарнигори хориҷӣ дар бораи афзоиши қуваи низомии кишвар ва иқдоми НАТО посух дод

ДУШАНБЕ, 17 дек — Sputnik. Владимир Путин, раисҷумҳури Русия кишварашро нисбат ба кишварҳои Ғарб “мо нармдилу беозорем” донист. Ин нуктаро кишвардори Русия дар нишасти бузурги матбуотӣ бо хабарнигорони дохиливу хориҷӣ таъкид кард.

Путин қайд кард, ки барои кишвараш масъулият эҳсос мекунад ва барои манфиатҳои Русия ҳамаи корро анҷом хоҳад дод.

“Шумо мегӯед, ки “мо нармдилу беозорем”. Нисбат ба Шумо – бале, ҳамин тавр аст “мо нармдилу беозорем”. Зеро мо тасмим гирифтем мардумонеро, ки орзу доштанд мустақилона рушду пешрафт кунанд, аз султаи шуравӣ озод кунем. Мо қавлу ваъдаҳоеро бовар кардем, ки мегуфтанд НАТО ба сӯи Шарқ густариш нахоҳад ёфт, вале ба ин ваъдаҳо вафо накарданд", - гуфт роҳбари давлат.

Путин гуфт, ки НАТО ба самти шарқ ду маротиба тавсеа ёфт. Вай афзуд, ки инфрасохторҳои низомии НАТО ба марзҳои Русия наздик шуданд.

“Магар мо набояд вокуниш нишон диҳем? Магар Русия аз созишномаи ҳимояи зидди мушакӣ баромад? Ин кори мо нест. Мо маҷбурем бо тавлиду ихтироъи силоҳҳои нав ҷавоб диҳем, то ки таҳдидҳо ба кишварро коҳиш дода шавад”,- таъкид кард роҳбари Русия.

Вай илова кард, ки Русия берун аз қаламраваш ҳамагӣ се пойгоҳи низомӣ дорад аз ҷумла дар Тоҷикистон, аммо Амрико дар саросари ҷаҳон –аз як шабакаи бузург бархӯрдор аст.

Путин қайд кард, ки Русия кишвари таҷовузгар нест.

“Мо таҷовузгар нестем. Агар “мо нармдилу беозор” ҳам набошем нуронӣ ҳастем ва ҳамеша омодаи гуфтугӯ мебошем. Дар охир мехоҳам аз гурбаи Леополд иқтибос биёрам “Баччаҳо биёед дӯстона зиндагӣ кунем”, - гуфт Путин.

Раисҷумҳури Русия Владимир Путин рӯзи панҷшанбе нишасти матбуотии бузурги солонаашро анҷом дод. Ин нишаст 16-уми раисҷумҳур буд.

Бино бар пандемияи вируси корона нишасти имрӯзаи Владимир Путин дар шакли аҷиб сурат гирифт. Гуфтугӯи Владимир Путин бо хабарнигорон дар шакли онлайни сурат гирифт. Инчунин раисҷумҳури Русия на танҳо ба суоли хабарнигорон балки ба суолҳои мардуми Русия низ ҷавоб дод.

890
Барчаспҳо:
посух, НАТО, Ғарб, Владимир Путин
Вакцина против COVID-19 Pfizer-Biontech

Оғози сабти ваксинаи сеюм алайҳи COVID - 19 дар Русия

92
(Таҷдидшуда 14:58 20.01.2021)
Маркази ба номи Чумаков барои тасдиқи ваксина аҳайли COVID - 19 дар Русия ҳуҷҷатҳояшро ба Вазорати тандурустии кишвар пешниҳод кардааст

ДУШАНБЕ, 20 янв – Sputnik. Дар Русия сабти номи ваксинаи сеюми зидди коронавирус, ки онро Маркази Чумаков таҳия кардааст, оғоз ёфт, хабар медиҳад РИА Новости.

Ҳуҷҷатҳои дахлдор ба Вазорати тандурустии Федератсияи Русия пешниҳод шудаанд. Ин дору "КовиВак" ном гирифт.

"Ҳамин тариқ, дар Русия ваксинаҳое, ки бо истифода аз се технологияи мухталиф сохта шудаанд, пайдо мешаванд, ки ин бешубҳа саҳми ҷиддӣ дар пирӯзӣ бар пандемияи COVID-19 хоҳад буд", - гуфт вазири тандурустӣ Михаил Мурашко.

Қарор аст, ки ҳамаи таҳқиқот то нимаи моҳи феврали имсол ба анҷом расонида шаванд.

Гуфта мешавад, ки ваксина дар асоси вирусҳои ғайрифаъол, яъне "мурда" таҳия шудааст.

Эмгузаронии ваксинаи "Sputnik V" дар Қазоқистон аз 1 феврал оғоз мешавад

Ба гуфти олимон, дар ин ҳолат, организм коронавирусро беҳтар мешиносад ва ҳангоми тамос бо он, аллакай барои муҳофизат омода мешавад. Инчунин қайд карда мешавад, ки ваксина бар зидди мутатсияи COVID-19 низ самаранок хоҳад буд.

Тахмин меравад, ки ин дору барои эмгузаронии пиронсолон, кӯдакон ва шахсони гирифтори бемориҳои музмин истифода мешавад.

Ёдовар мешавем, аввалин ваксинаи Русия алайҳи коронавирус "Спутник V" моҳи августи соли гузашта ба қайд гирифта шуд. Дар миёнаҳои моҳи октябр дуввумаш - "ЭпиВакКорона" ба қайд гирифта шуд.

"Русия дунболи пул нест". Урупо пуштибони "Спутник V" шуд

То кунун, бо ваксинаи "Спутник V" беш аз 1,5 миллион нафар эм карда шудааст.

92
Барчаспҳо:
сабт, сабти ном, вируси корона, Русия
Мавзуҳо:
Пайомадҳои COVID-19 дар Тоҷикистон ва ҷаҳон

“Матрёшка” аз Путин: дар бораи киштии зериобии нави Русия чиро бояд донист

135
(Таҷдидшуда 18:46 19.01.2021)
Дар Русия сохтмони як киштии зериобии ҳастаии ҷадид дар арафаи анҷомёбист ва дар ояндаи наздик озмоишҳои гидравликии он оғоз меёбад. Қарор аст, ин киштӣ ба нерӯҳои дарёии Русия то соли 2027 дастрас гардад

ДУШАНБЕ, 19 янв — Sputnik, Александр Хроленко. Киштии зериобии Ульяновск (лоиҳаи 09853) дар Севмаш соли 2017 оғоз ёфт ва дорои системаву механизмҳои муосир мебошад.

Мувофиқи маълумоти маҷаллаи Military Watch Magazine, ин киштиҳо намунаҳои хурди киштиҳои зериобии стратегии намуди “Борей” мебошанд. Фарқияти киштии “Уляновск” аз Хабаровск ва Белгород дар он аст, ки ин киштӣ ба сафи нерӯҳои дарёии Русия бо торпедаҳои беназири термоядроии “Посейдон” мепайвандад. Дар ояндаи наздик, Русия дар нақша дорад, нерӯҳои дарёии худ дар Шимол ва Уқёнуси оромро бо ду киштии барандаи “Посейдон” муҷаҳаз намояд.

“Посейдон” посухи ҷавобии Русия ба густариши НАТО ва ҳузури назарраси Пентагон дар Урупои Шарқӣ аст, ки метавонад ба имкониятҳои дифоии Русия хатар ворид кунад.

"Посейдон" яке аз пинҳонтарин лоиҳаҳои нерӯҳои дарёии Русия аст. Аз хабарҳое, ки қаблан интишор шуда буданд метавон имконияти ин низоми беназири боздории ҳастаиро ба таври комил тасаввур кард.

Киштии зериобии Уляновск ин идомаи консепсияи киштии Хабаровск аст. Дарозии ин киштӣ тақрибан 113 метр аст ва ин киштӣ метавонад то умқи  500 метр фурӯ равад. Суръати зериобии он зиёда аз 30 гиреҳ аст.

Шиноварии дарозмуддатро як нерӯгоҳи хурди  куллан нави атомӣ таъмин мекунад. Ба ин киштӣ тақрибан 100 нафар хизмат мерасонанд. Ин киштӣ имкони бурди шаш торпедои термоядроии “Посейдон”-ро дорад. Ғайр аз ин, киштии зериобиро метавон бо мушакҳои болдори Калибр-ПЛ, мушакҳои босуръати Тсиркон ва системаи худмуҳофизи Пакет-ПЛ (барои дифоъ аз ҳамлаҳои торпедоии душман) –муҷаҳаз гардонида шавад.

“Посейдон” барои нобуд кардани гурӯҳҳои киштиҳои ҳавопаймобар, пойгоҳҳои бузурги низомӣ ва иншооти стратегии иқтисоди душман дар минтақаи соҳилӣ пешбинӣ шудааст. Ин низом ҳамчунин барои нобудсозии қаламрави васеъи кишвари зӯргӯ пешбинӣ шудааст.

"Матрёшка"-и Путин

Киштиии зериобии нави Русия дар маҷмӯъ - як киштии зериобии атомӣ бо торпедои термоядроии дурбурд дар дохили он аст, ки ба матрёшкаи русӣ монандӣ дорад ва хубаш онро халал нарасонӣ. Бидуни сабаб “Посейдон” ҳеҷ гоҳ фаъол намешавад.

Киштии бесарнишини ҳастаии “Посейдон” тақрибан 20 метр дарозӣ дорад ва 100 тонна вазн. Дурбурди он тақрибан номаҳдуд аст, ин силоҳ метавонад ба чуқурии 1000 метр фурӯ равад, ки барои ҳамаи торпедои муосири душмани дастнорас аст.

Ғайр аз ин, “Посейдон” бо кулоҳаки термоядроӣ дорои ақли компютерӣ буда ва қодир аст дар масофаи чанд ҳазор километр мустақилона амал кунад. Киштиии бесарнишин мувофиқи вазъ вазн ва суръатро интихоб мекунад. Суръати тезаш имкон медиҳад аз ҳар гуна таҳдидҳо паси сар кунад. Пайгирии “Поседон” тавассути таҷҳизоти гидроакустикӣ тақрибан ғайриимкон аст.

Инқилоби Русия дар стратегияи нерӯҳои дарёӣ

Вашингтон дар сиёсати зӯргӯёнаи хориҷии худ, бештар ба нерӯҳои дарёӣ такя мекунад ва тавасути шабакаҳои  васеъи пойгоҳҳои низомии худ мехоҳад тамоми ҷаҳонро назорат намояд.

Русия ба ин ҷавобӣ баробар дод ва имрӯз омода аст, ки худро на танҳо бо киштиҳои зериобии стратегӣ балки бо дигар киштиҳои бисёрҳадафа муҳофизат кунад. Дар воқеъ, коршиносони амрикоӣ низ дарк мекунанд, ки “Посейдон” посух ба эҷоди системаҳои зиддимушакӣ ва афзоиши қудрати дарёии ИМА мебошад.

Ҷониби Амрико аз пайдоиши Посейдонҳои Русия ба таври ҷиддӣ нигарон аст.

“Посейдон”- ҳои Русия амният ва беҷазоии Иёлоти Муттаҳидаро зери хатар мегузоранд.

Бояд қайд кард, ки “Посейдон”-ҳои Русия бо нерӯгоҳои ҳастаӣ хурд ояндаи дурхшон доранд. Маскав ҳамеша ба гуфтушуниди баробарҳуқуқ ва сулҳомез  бо шарикони хориҷии худ омода аст.

135
Барчаспҳо:
ҳастаӣ, киштии зериобӣ, Амрико, Русия
Тими наврасони Тоҷикистон (U-17)

Рақибони тими наврасони тоҷик дар "Ҷоми Иттиҳод" муайян шуданд

0
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кард

ДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.

“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”,  - омадааст дар иттилоия.

Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.

Футбол: бозиҳои ниҳоии Ҷоми Тоҷикистон-2020 маълум шуд

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.

0
Барчаспҳо:
Ҷом, Футбол, Тоҷикистон