Эсминец USS Winston S. Churchill

“Ин иқдоми зебост”: Русия роҳи ҳалли ҳузури киштиҳои НАТО дар Баҳри сиёҳро пайдо карданд

214
(Таҷдидшуда 17:18 18.12.2020)
Вазорати дифои дар Баҳри Сиёҳ муосиртарин низоми равшанкунии автоматии вазъи рӯйизаминии "Стратегия" -ро санҷиш кард

ДУШАНБЕ, 18 дек — Sputnik, Андрей Котс. Ин низоми нав, ки аз сӯи Институти илмӣ-тадқиқотии алоқаи радиои фосилавии Русия ихтироъ шудаааст, ба Русия имкон медиҳад, ки сарҳадҳои ҷанубии худро қавитар намояд, ва аз вайронкунии марзи давлатӣ ҷилавгирӣ намояд. "Стратегия" тамоми воситаҳои пайгириро, ки ба нирӯҳои дарёии Русия таалуқ дорад бо ҳам мепайвандад.  Дар бораи ин низом ва қобилиятҳои он - дар гузориши РИА Новости.

Баҳр - дар кафи даст

Аксари системаҳои муосири назорати баҳрӣ, аз худ пойгоҳҳои радиолокатсиониро дар бар мегиранд, ки ба шабакаи умумӣ пайваст мебошанд ва баҳрро дар масофаи чандин километр аз соҳили баҳр назорат мекунад. Маълумот дар бораи ҳаракати киштиҳо ба маркази ягона расонида мешавад ва сипас дар онҷо қарор қабул карда мешавад. Масалан, дар бораи боздошти марзшикан қарор қабул карда мешавад.

"Стратегия" дар асоси принсипҳои радиолокатсия ташакул ёфтааст, - шарҳ медиҳад ба РИА Новости Виктор Мураховский, сармуҳаррири маҷаллаи "Арсенали Ватанӣ". – ин низом ба таври автоматӣ ҳамаи киштиҳоро дар минтақаи фарогирӣ дар вақти воқеӣ муайян мекунад. Ин низом албатта, тамоми хусусиятҳои асосии ҳаракати киштиҳо аз ҷумла роҳ ва суръатро сабт мекунад. То ҷое ки ман медонам, чунин як низом қарор аст дар минтақаи Арктика низ ҷойгир шавад"  

Ба гуфтаи коршинос, "Стратегия" беназир аст. Ин низом имкони бо ҳам пайвастшудани тамоми радарҳои назоратиро дар Баҳри сиёҳ дорад. Дар ҳамин ҳол, барои назорати минтақаҳои дурдаст, ба он метавонанд радарҳои уфуқӣ, ки фазоро дар ҳудуди ҳазорҳо километр назорат мекунанд, пайваст шаванд. Хусусияти асосии ин технология комилан автоматӣ будани он будааст.

"Имрӯз мутахассисони ба истилоҳ Маркази фармондеҳии ҷангии нерӯҳои дарёӣ бо назорати вазъи рӯи об машғуланд" гуфт, Мураховский.  Ин низом бештар даврони Иттиҳоди Шӯравӣ мерос мондааст. Операторҳо маълумоти зиёдо таҳқиқ мекунанд бештар бо даст.  Онҳо ҳама тағйиротро дар фазо дар экранҳои махсус дар харитаи шаффоф бо маркерҳо қайд мекунанд. Ҳоло ин  корҳоро компютерҳо мекунанд. Ҳамин тавр дар низоми нав аксари корҳои дастиро компютерҳо иваз мекунанд".

Ҳузур зиёд шудааст

Масъалаи назорати вазъ дар Баҳри сиёҳ ҳамеша дар мадди назари Русия буд. Солҳои охир ҳузури НАТО дар ин минтақа зиёд шудааст. Дар охири моҳи сентябр сардори Раёсати амалиёти асосии Ситоди Генералӣ Сергей Рудской гуфт, ки соли 2020 киштиҳои ҷангии Атлантикаи Шимолӣ дар Баҳри Сиёҳ нисбат ба соли 2019 афзоиш ёфтааст.

Фаъолиятизиёди  НАТО дар ин минтаца дар моҳи июл, замони тамринҳои низомии Sea Breeze-2020 оғоз ёфт. Дар онҳо тақрибан ду ҳазор сарбозони Амрико, Украина, Булғористон, Гурҷистон, Норвегия, Руминия, Испания ва Туркия, ширкат доштанд. Инчунин ба машқҳо зиёда аз 25 киштии ҷангӣ  ҷалб шуда буд.

"То 40 дарсади ин киштиҳо интиқолдиҳандагони силоҳи дурбурд  мебошанд", - гуфт Рудской. "Аз ҷумла, киштии нерӯҳои баҳрии Амрико "Рузвельт ", ки метавонад то 90 мушаки болдори" Томагавк "дошта бошад, борҳо вориди Баҳри сиёҳ шудааст."

Дар асл, ягона чизе, ки нерӯҳои дарёии НАТО-ро аз иқдомҳои доимӣ дар Баҳри миёҳ бозмедорад, Конвенсияи Монтре аст, ки соли 1936 ба имзо расидааст.  

Таваҷҷуҳ бештар нерӯҳои Ғарб, ба Қрим медиҳанд. Киштиҳои кишварҳои Ғарб борҳо ба Қрим наздик шудаанд, ҳавопаймоҳо ва паҳподҳо дар наздикии марзҳои ҳавоии Русия мунтазам парвоз мекунанд. Ғарб мехоҳад маҳалли иншоотҳои низомӣ дар Қримро муайян кунад ва инчунин фаҳмад, ки системаҳои электронии иртиботӣ, артишиРУсия дар кадом басомадҳо кор мекунанд.

Бартарӣ дар минтақа

Иёлоти Муттаҳида ва шариконаш пинҳон намедоранд, ки аз зиёд шудани иқтидори низомии Русия дар Баҳри миёҳ нигаронанд.

Дар моҳи декабр, маркази тадқиқоти стратегии амрикоӣ RAND ҳатто гузоришеро дар бораи муқовимати нерӯҳои дарёии Амрико дар Баҳри сиёҳро интишор кард. Маълум шуд, ки дар ин минтақа Русия ҳама гуна эартишро мағлуб мекунад, ҳатто агар Иёлоти Муттаҳида бо Булғористон, Руминия, Туркия, Украина ва Гурҷистон ҳамкорӣ кунад.

Маскав воқеан метавонад, ба ҳар гуна таҳдидҳо посух диҳад - нерӯҳои дарёии мустақар дар минтақа мунтазам бо киштиҳои нав ва киштиҳои зериобии дорои системаҳои пуриқтидори ҳамла пур зиёд карда мешавад.

Илова бар ин, дар худи Қрим, ки онро аксар вақт "киштии ҳавопаймои заминӣ" меноманд, як гурӯҳи бузурги артиш ҷойгир шудааст, ки бо муосиртарин системаҳои мудофиаи зиддиҳавоӣ ва системаҳои зиддимушакӣ муҷаҳҳаз мебошанд, ва имкон доранд ба ҳадафҳои баҳрӣ дар масофаи назаррас зарбаи ҷавобӣ диҳанд. Онҳо сайёр ҳастанд ва метавонанд мавқеъашонро зуд иваз кунанд. Ошкор ва нобуд кардани онҳо мушкил аст.

Таҳлилгарони амрикоӣ ба хулосае расиданд, ки Русия Баҳри сиёҳро ҳатто бидуни ба ҷанг даст задан, кишварҳои НАТО-ро таҳти назорат хоҳад гирифт.

214
Барчаспҳо:
Русия, НАТО, Амрико
Европейский квартал в Брюсселе

Кушиши Аврупо барои ҳифзи муносибат бо Русия ва ояндаи худ

80
(Таҷдидшуда 17:16 27.01.2021)
Чанде пеш мақомоти Италия эълом дошт, ки омодааст дар робита ба парвандаи Алексей Навалний ҷорӣ намудинаи таҳримҳои ҷадид бар Русияро баррасӣ намояд

ДУШАНБЕ, 27 янв — Sputnik, Ирина Алкснис. Чанде пеш Фаронса , Лаҳистон, Чехия ва дигар кишварҳои аврупоӣ аз ҷори намудани "таҳримҳои таъсиррасон" алайҳи Маскав низ ҷонибдорӣ карданд. Ин ҳам дар ҳолест, ки ахиран ҳатто Вазорати хориҷаи Чехия сафири Русияро ба вазорат даъват карда буд.

Аммо бо ҳамин вақте ки пас аз мулоқоти вазирони умури хориҷии Иттиҳоди Аврупо, роҳбари дипломатияи аврупоӣ Жосеп Боррел гуфт, ки ҳеҷ пешниҳоди мушаххасе дар бораи тадбирҳои нав бар зидди Русия пешниҳод нашудааст, шавқу завқ ба ин масъала ба анҷом расид.

Ин ҳолати нороҳаткунандаро кӯшиш кард вазири умури хориҷии Словакия шарҳ диҳад. Ба гуфтаи ӯ, "Иттиҳодияи Аврупо ният дорад исбот кунад, ки намехоҳад танҳо ба сиёсати таҳримоти бепоён такя кунад", - Иттиҳодияи Аврупо мехоҳад "ҷараёни суди одил (дар робита бо блогер) такя намояд".  Инчунин, Иван Корчок ёдрас шуд, ки пас аз даҳ рӯз, яъне 5 феврал, Жосеп Боррел барои мулоқот бо Сергей Лавров ба Маскав сафар дорад. Ба гуфтаи ин сиёсатмадори словакӣ дар гуфтугӯи Жосеп Боррел бо Сергей Лавров ин мавзӯъ бояд дар мадди аввал бошад.

Агар аз забони дипломатӣ тарҷума намем, ин маънеи онро дорад, ки  Иттиҳоди Аврупо дар шиддати ин масъала бо Маскав ақибнишинӣ кард.

Аммо, далелҳои пешниҳодшуда чандон қобили қабул нестанд. Дар ҳафт сол - аллакай аз муқовимат Аврупо бо Русия ҳафт сол сипарӣ шуд, (дар маҷмӯъ бо тамоми кишварҳои Ғарб), ҳеҷ гоҳ кишварҳои аврупоӣ ин қадар ақибнишинӣ намекарданд ва ба сӯи Маскав ногаҳон ишораҳои некбинона намефиристоданд. Худи таҳримҳо кайҳо аст, ки ба маросими холие табдил ёфтааст,  вақте ки маҳдудиятҳои кӯҳна тамдид меёбанду, маҳдудиятҳои нав ҷорӣ карда мешаванд ва ин раванд на ба муносибатҳои дуҷониба ва на ба лоиҳаҳои муштарак таъсире намерасонад.

Табиист, ки саволе ба миён меояд: воқеан паси қадами ғайричашмдошти Иттиҳодияи Аврупо чӣ меистад?

Ҷавоби ин суол дар мавқеи номатлуби Маскав бар Аврупо аст.

Хусусияти хоси найрангбозӣ бо Навалний дар он аст, ки он бо ташаббус ва бозии Олмон ва бо дастгирии фаъолонаи Иттиҳодияи Аврупо сурат гирифт.

Шурӯъ аз солҳои 2016-2017, ваҳдати Ғарб вобаста ба сиёсат бар Русия шакли  расмиётӣ гирифт, ки дар он ИА аз сиёсати пешнгирифтаи Амрико ва Британиё пайравӣ мекард.

Маҳз Вашингтон ва Лондон ташкилкунандагони касифтарин амалиёт бар зидди Русия буданд. Аммо Аврупо ба хотири нигоҳдории шарикии трансатлантикӣ иқдомҳои кофии зарурӣ нишон медод, Вале дар асл роҳи барқарор кардани ҳамкорӣ бо Русияро пеш гирифта буд.

Метавон баррасиву баҳс кард, ки Берлин бо роҳандозии як бозии аҷибе дар бораи заҳролудшавии блогер тариқи Новичок, чӣ мақсаде дар пеш гузошта буд. Аммо, аллакай маълум аст, ки миёни онҳо ҷонибдороне буданд, ки мехостанд ба барқарорсозии равобити Аврупо бо Маскав тақвият бахшанд. Роҳеро, ки Олмон бо дастгирии Брюссел ҳоло интихоб кардааст, яъне ба анҷом расонидан ва ба кор андохтани хатилилулаи гази “Маҷрои шимолӣ-2”, аз он шоҳидӣ медиҳад.

Эҳтимоли зиёд дорад, ки Олмон тасмим гирифтааст бо усулҳои таҳиякардаи Бритониё ва Амрико дар парвандаи Скрипалҳо, "ҳамлаи кимиёвӣ" дар Думаи Сурия ва дигар "ҷиноятҳои Кремл” баъзе масоили сиёсии берунаи худро ҳал кунад ва интизор надоштанд, ки ин иқдом оқибатҳои бузурги манфӣ дорад.

Вокуниши тунди Маскав барои онҳо бисёр ногаҳонӣ буд. Бисёр аҷиб аст, зеро он ба осонӣ пешгӯи мешуд.

Иёлоти Муттаҳида ва Бритониё танҳо мухолифони геополитикии Русия мебошанд, ки бо онҳо шарикии стратегӣ вобастагӣ надорад. Аз ин рӯ Вашингтон ва Лондон дар русбезорӣ фақат бо парвози хаёлот маҳдуд нестанд.

Аммо барои Аврупо ва алахусус барои Олмон ҳамкорӣ бо Русия ҳаётан муҳим аст ва аҳамияти он бо суръат афзоиш меёбад. Дар чунин вазъ, онҳо дар атрофи Навалний боғи тафреҳӣ бо блек-джеку духтарони сабукпой ташкил карданд.

Ва, ба назарам, онҳо самимона ҳайрон шуданд, ки Маскав аз ин кор ба ғазаб омада буд.

Бо омадани роҳбарияти нав ба Кохи Сафед вазъият боз ҳам душвортар шуд, чунки Аврупо ба марҳилаи душвор ва хатарноке, ки мехоҳад аз назорати беруна худро раҳо кунад, ворид шудааст. Аммо бо қиссаи Навалний Аврупо муносибатҳояшро бо Русия хароб кард, ки қаблан Русия ҳаматарафа ИА бо сухан ва ҳам дар самти истиқлолияти геополитикӣ дастгирӣ мекард. Бе кӯмаки Маскав, имкони муваффақияти ин корхона начандон хушбин метобад ва ин раванд метавонад хеле мушкилтару гаронтар бошад.

Тааҷҷубовар нест, ки вазифаи аслӣ барои Аврупо, ки ҳамчун локомотиви ИА ба шумор меравад, барқарорсозии  муносибатҳо бо Русия аст. Ҳамчунин бояд аз рехтани обурӯ як каме ҷилавгирӣ кард - ва ин кор, осон нест, ба хусус бо назардошти он ки сарусадоҳои зиёдро дар атрофи Навалний худи Аврупо мечархонд.

Қарорҳои охирини Брюссел ба ҳалли маҳз ҳамин мушкилот равона шудааст: мавзӯи таҳримҳои нав бо баҳонаи ҷолиб  ба мӯҳлати номуайян мавқуф гузошта шуд ва роҳбари дипломатияи Аврупо барои ҳалли мушкилот бо Маскав созиш хоҳад кард.

Аммо мо бояд дар ёд дошта бошем, ки пеш аз ҳама ин бесарусомониҳо Берлин ба вуҷуд овард. Ба ҳамин хотир, Олмон ҳам бояд барои саҳмгузорӣ дар ин раванд омода бошад.

80
Барчаспҳо:
муносибат, Италия, Русия, таҳрим, Иттиҳодияи Аврупо
Такси на одной из улиц Москвы

Оғози эмгузаронии ройгони таксиронҳо ва пайкрасонҳои хориҷӣ дар Маскав

147
(Таҷдидшуда 12:50 27.01.2021)
Мақомоти шаҳри Маскав эълон кардааст, ки таксиронҳо ва пайкрасонҳое, ки шаҳрвандии Русия ва бима надоранд, имкон доранд ба таври ройгон бар зидди вируси корона эмгузаронӣ шаванд

ДУШАНБЕ, 27 янв — Sputnik. Депатаменти нақлиёт ва рушди бахши инфрасохтори роҳу нақлиёти Маскав дархости ширкати “Яндекс Такси” дар бораи эмгузаронии таксиронҳо ва пайкрасонҳое, ки шаҳрвандии Русия ва бимаи ҳатмии тибби надоранд,  ҷонибдорӣ кард.

Дар ин бора иттилоъ додааст шабакаи “Telegram”-и ҳукумати шаҳри Маскав.

Ҳукумати шаҳри Маскав қайд кардааст, эмгузаронӣ на танҳо ронандаҳоро аз сирояти вируси корона нигоҳ медорад, балки намегузорад, ин вирус миёни нафароне, ки аз хизматрасониҳои такси истифода мебаранд паҳн ёбад.     

Инчунин манбаъ қайд кардааст, ки бо қарори шаҳрдори Маскав эмгузаронӣ бар зидди вируси корона миёни кормандони нақлиёти ҷамъиятӣ оғоз ёфтааст.

Муовини шаҳрдори Маскав оид ба масъалаи нақлиёти ҷамъиятӣ Максим Ликсутов тамоми таксиронҳо ширкатҳои мухталифи таксӣ ва пайкрасонҳоро ба марказҳои эмгузаронӣ даъват кард.

Манбаъ цайд кардааст, ки сокинони шаҳри Маскав метавонанд барои эмгузаронӣ дар сомонаи mos.ru ва emias.info ва дар нармафзорҳои мобиилии “Госуслуги Москва” “Моя Москва” ва “ЕМИАС.ИНФО” дар беморхонаи шаҳрӣ ва инчунин тариқи телефон, худро сабти ном кунанд. Марказҳои эмгузаронӣ ҳамарӯза аз соати 08:00 то 20:00  кор мекунанд.

147
Барчаспҳо:
шаҳрвандӣ, бима, вируси корона, эмгузаронӣ, такси, Русия, Маскав
Самолет на закате, архивное фото

Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав

0
Ҷаласаи ҳукумати Тоҷикистон оид ба натиҷаҳои рушди кишвар дар соли 2020, ки имрӯз тақрибан тамоми рӯз идома ёфт, президенти кишвар ба масоили хадамоти ҳавоӣ низ дахл кардааст

ДУШАНБЕ, 28 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси  васеи Ҳукумати мамлакат Эмомалӣ Раҳмон ба масъулини хадамоти ҳавоии кишвар дастур додааст, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд.

“Президенти мамлакат муҳтарам Эмомалӣ Раҳмон ба Директори Агентии авиатсияи гражданӣ Субҳонзода Икром, директорони генералии Ҷамъияти саҳҳомии кушодаи “Фурудгоҳи байналмилалии Душанбе” Исматулло Абдуллозода ва Ҷамъияти саҳҳомии кушодаи “Фурудгоҳи байналмилалии Хуҷанд” Қурбони Алимардон дастур доданд, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд”,-афзудааст, котиботи президент.

Ёдовар мешавем, рӯзи гузашта зимни ироаи паёми солона Эмомалӣ Раҳмон гуфт, ки Тоҷикистон ба зудӣ парвозҳоро бо дигар кишварҳо барқарор мекунад.
Дар баробари ин, президент санаи дақиқи бозкушоии марзҳоро нагуфт.

Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.

Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.

Раҳмон пирӯзии Тоҷикистон бар коронавирусро эълон кард

Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.

Ҳукумати Тоҷикистон аз тобистони соли гузашта инҷониб бо Русия, ки хатсайри маъмул ба шумор меравад, масъалаи барқарор кардани парвозҳоро баррасӣ дорад. Аммо то кунун чизе дар ин самт рушан нашудааст.

0
Барчаспҳо:
дастур, парвозҳо, Эмомалӣ Раҳмон