Чрезвычайный и Полномочный посол Имомуддин Сатторов на переговорах России и Таджикистана

Сатторов гуфт, ки донишҷӯён аз Тоҷикистон кай ба Русия баргашта метавонанд

564
Тавре сафир таъкид дошт, Сафорати Тоҷикистон дар Русия бо вазоратҳои марбутаи кишвар дар ин масъала дар иртибот аст.

ДУШАНБЕ, 29 дек — Sputnik. Сафири Фавқуллода ва Мухтори Тоҷикистон дар Русия Имомуддин Сатторов вазъи бамиёномада бо донишҷӯёни тоҷикистониро, ки наметавонанд вуруди Русия шаванд, шарҳ дод.

Донишҷӯёни хориҷии донишгоҳҳои Русия, ки наметавонанд вуруди кишвар шаванд, метавонанд дипломашонро ғоибона ҳимоя кунанд.

Пештар дар ин бора вазири илм ва таҳсилоти олӣ Валерий Фалков изҳор дошта буд.

Феълан, ҳудуди ҳазор дониҷӯи курси як ва ҳудуди чор ҳазор донишҷӯёни дигар наметавонанд вуруди Русия шаванд, ҳамаи онҳо дистансионӣ таҳсил мекунанд, гуфт Сатторов ба Sputnik Тоҷикистон.

"Бо пайдо шудани якум имкон, донишҷӯён ба Русия меоянд ва таҳсилро идома медиҳанд. Ҳоло ки марзҳо бастаанд, вазъи эпидемиологӣ ба ин имкон намедиҳад", - тавзеҳ дод сафир.

Ба гуфтаи вай, дар масъалаи таҳсили дистансионӣ мушкилие нест ва таҳсил идома дорад.

Се роҳ: вазири маорифи Русия гуфт, донишҷӯёни бандмондаи хориҷӣ чӣ кор кунанд

"Он донишҷӯёне, ки вобаста ба вазъият натавонистанд кореро анҷом диҳанд, эҳтимоли ғолиб хориҷ нашаванд, роҳбарият вазъро ба назар гирифта, ба донишҷӯён имкони таҳсилро медиҳад", - қайд кард вай.

Тавре сафир таъкид дошт, Сафорати Тоҷикистон дар Русия бо вазоратҳои марбутаи Русия дар ин масъала дар иртибот аст.

564
Чрезвычайный и Полномочный посол Имомуддин Сатторов на переговорах России и Таджикистана

Манъи вуруди муҳоҷирон бекор шавад: Сатторов бо Казакова мулоқот кард

269
(Таҷдидшуда 15:34 28.01.2021)
Намояндагони Тоҷикистон ва Русия масъалаҳои марбут ба танзими муҳоҷирати меҳнатиро дар замони пандемия баррасӣ карданд

ДУШАНБЕ, 28 янв — Sputnik. Рӯзи гузашта дар Маскав мулоқоти Сафири Фавқуллода ва Мухтори Тоҷикистон дар Русия Имомуддин Сатторов ва сардори Сарраёсати масоили муҳоҷиратии Вазорати умури дохилаи Русия Валентина Казакова баргузор гардид, хабар медиҳад дафтари матбуоти сафорат.

Мавзӯи асосии гуфтушунидҳо - танзими муҳоҷирати муҳоҷирони меҳнатӣ дар Русия будааст.

Аз ҷумла Сатторов ва Казакова раванди бардоштани манъи вуруд ба Русия ба категоряҳои муайянро баррасӣ карданд.

Ҳамчунин тарафҳо дар бораи ташкили ҷалби мутахассисон аз Тоҷикистонро ба фаъолияти меҳнатӣ дар Русия баррасӣ карданд.

Теъдоди муҳоҷирони депортшуда дар давраи пандемия аз вилояти Маскав маълум гардид

Намояндагони Тоҷикистон ва Русия ба мувофиқа расиданд, ки ҳамоҳангсозии фаъолиятро дар соҳаҳои танзими равандҳои муҳоҷират ва ҳимояи ҳуқуқи шаҳрвандони Тоҷикистон дар Русия идома медиҳанд.

Казакова ва Сатторов ба мувофиқа расиданд, ки корҳо оид ба мувофиқа кардани лоиҳаҳои созишномаҳо дар соҳаи муҳоҷират байни Русия ва Тоҷикистонро идома медиҳанд.

269
Абдулло Давлатов: Ҳеҷ гоҳ мухолифи сиёсӣ набудам

Давлатов: дар Тоҷикистон иммунитети коллективӣ ҳосил шуд

317
(Таҷдидшуда 12:30 28.01.2021)
Вазъи набудани коронавирусро дар Тоҷикистон тайи чанд ҳафтаи ахир пизишки машҳури тоҷик Абдулло Давлатов шарҳ дод

ДУШАНБЕ, 28 янв — Sputnik. Мудири шӯъбаи терапевтии яке аз дармонгоҳҳои Маскав, доктори тоҷик ва собиқ роҳбари ҷамъияти тоҷикон дар Маскав Абдулло Давлатов дар мусоҳиба бо Sputnik Тоҷикистон сабаби нест шудани коронавирус дар Тоҷикистонро шарҳ дод.

Ҳамчун тасдиқи аввалини мағлубияти Тоҷикистон аз коронавирус, мутахассис таҷрибаи шахсии тиббиашро мисол овард.

"Қаблан ҳамватанонам ҳар рӯз ба ман муроҷиат мекарданд, 3-4 нафар бо шикоятҳои гуногун шабеҳи COVID-19, ки пас ташхис тасдиқ мегардид. Аммо якуним-ду моҳи охир ягон шикоят набуд. Як-ду маротиба  аз сулфа шикоят карданд, аммо коронавирус истисно буд ", - нақл кард Давлатов.

Коршинос қайд кард, ки аз оғози пандемия мақомоти Тоҷикистон саривақт чораҳои шадид андешиданд, ки ба эҳтимоли зиёд ба паҳншавии беморӣ таъсир расонданд.

Духтури тоҷик афзуд, ки дар Тоҷикистон, ҳарчанд мақомот чӣ қадар кӯшиш кунанд ҳам, дурии иҷтимоӣ ва дигар меъёрҳои санитарӣ риоя намегардад - мардум танҳо чораҳои пешгирикунандаро нодида мегиранд.

Ман фикр мекунам, ки ба эҳтимоли зиёд, иммунитети коллективӣ ташаккул ёфтааст. Зеро дар кишвар аз коронавирус хело мардуми зиёд сироят ёфтанд ва бемориро аз сар гузарониданд. Маъмулист, ки пас аз он ки бисёриҳо ин бемориро аз сар гузарониданд, коронавирус ақибнишинӣ кард ва дар охир нест шуд", - гуфт мутахассис.

Суханони коршиносро иттилоот аз як ҷаласаи моҳи октябри Вазорати тандурустӣ, ки ба паҳншавии коронавирус бахшида шуда буд, тасдиқ мекунад. Дар он коршиносон гуфтанд, ки тақрибан 80% одамони гирифтори COVID-19 дар Тоҷикистон нишонаҳои ин бемориро надоштанд. Барои ҳамин, омори нафаронеро, ки коронавирусро бе ягон нишона гузарониданд дақиқ кардан ғайриимкон аст.

Коронавирус дар Тоҷикистон

Бори аввал дар Тоҷикистон коронавирус рӯзи 30 апрел ошкор шуд. 15 нафар сироят ёфтанд. Қурбониёни ин беморӣ рӯзи 2 май ба қайд гирифта шуданд.

Вазорат аз ҷамъбасти рӯзи 15-ум бидуни коронавирус дар Тоҷикистон хабар дод

Тибқи омори вазорати тандурустӣ, дар  маҷмӯъ, дар давоми пандемия дар  Тоҷикистон 13308 нафар ба коронавирус гирифтор шуда, 90 бемор аз он фавтиданд. Духтурон тавонистанд 13218 нафарро табобат кунанд.

Ҳоло тибқи иттилои вазорат, омори гирифторшавӣ ба сифр баробар аст.

317
Барчаспҳо:
пирӯзӣ, вируси корона, Тоҷикистон, Абдулло Давлатов
Взятка медику, архивное фото

Transparency International сатҳи фасодзадагии Тоҷикистонро эълон кард

0
(Таҷдидшуда 16:16 28.01.2021)
Рутбаи Тоҷикистон аз нигоҳи вуҷуди ришвахорӣ дар охирин радабандии ҷаҳонӣ дар соли 2020 дар муқоиса бо соли 2019 бетағйир боқӣ монд

ДУШАНБЕ, 28 янв – Sputnik. Дар гузориши ҷадиди Созмони шафофияти байналмилалӣ (Transparency International) дар бораи радабандии кишварҳо аз нигоҳи фасоди молӣ ва ришвахорӣ дар соли 2020, Тоҷикистон аз миёни 180 кишвари ҷаҳон дар радифи 149 қарор гирифта, ки ҷойгоҳаш нисбат ба соли 2019 тағйир накардааст.

Аз миёни кишварҳои Осиёи Марказӣ ҷумҳурии Туркманистон фасодзадатарин ва Қазоқистон камфасодтарин кишвар муаррифӣ шудаанд.

Ӯзбекистон бо як пилла беҳбуди ҷойгоҳи хеш дар муқоиса бо соли 2019 дар радаи 146 ҷаҳонӣ қарор гирифтааст.

Эълони ҳукми зиндони Баҳром Иноятзода, собиқ раиси шаҳри Кӯлоб

Пешсафҳои ин радабандӣ – Зеландияи нав, Дания - 88 холӣ, Финляндия – 85 хол, Швейтсария, Сингапур ва Шветсия - 85 хол мебошанд.

Дар феҳристи фасодзадатаринҳо Сомалӣ – 12 хол, Судони ҷанубӣ – 12 ва Сурия бо 14 хол шомил шудаанд.

0
Барчаспҳо:
радабандӣ, ришва, сатҳи фасодзадагӣ, фасод, Тоҷикистон