Кадр из репортажа Telegram-канала Mash о дворце в Геленджике

Маълум шуд, ки соҳиби "қаср" дар Геленҷик кист

422
(Таҷдидшуда 12:47 31.01.2021)
"Қаср" дар Геленҷик, ки гирду атрофаш чунон шӯру ғавғо паҳн шуда буд, ки ҳатто ба президенти Русия расид, як меҳмонхонаи сохтмонаш нотамом ва соҳиби он як тоҷири рус будааст

ДУШАНБЕ, 31 январ - Sputnik. Миллиардери рус Аркадий Ротенберг ба канали Telegram-и Mash гуфтааст, "қаср"-и Геленҷик, ки дар бораи он Алексей Навалний мавод нашр кард, ба ӯ тааллуқ дорад, менависад РИА Новости.

"Ҳоло ин махфӣ нахоҳад буд, ман баҳрабардоранда ҳастам. Як объекти нисбатан мураккаб буд, қарздиҳандагон зиёд буданд ва ман тавонистам бенефитсиар шавам. Ин бозёфт, ҷои зебост",- гуфт соҳибкор.

Вай инчунин гуфт, ки ин дороиро чанд сол пеш ба даст оварда, тасмим гирифтааст дар он ҷо як меҳмонхонаи боҳашамат бисозад. Ба гуфтаи Ротенберг, сарфи назар аз эътибори ҷанҷолии иншоот, дар он ҷо ягон чизи ғайриқонунӣ вуҷуд надорад.

Ёдовар мешавем, ки рӯзноманигорони шабакаи Telegram Mash тавонистаанд аз "қаср" дидан кунанд.
Дар он ҷо онҳо иншооти ҷаззоберо диданд, ки сохтмони чанд соли дигар идома хоҳад кард.

“Тасвири ин мавзеъ осон -  ин як бетони бузург мебошад. Амалан ҳама чиз дар ин ҷо дар марҳилаи оғози сохтмон аст”, - омадааст дар матлаб.

Дар маконе, ки бар асоси “таҳқиқот”-и нашркардаи Навалний дар он чилимхона аст, ба ҷои лӯлаҳои дуд, утоқи ивазкунии либоси сохтмончиён ҷой гирифтааст. Утоқи ба истилоҳ “ифлос” низ дар оғози сохтмон қарор дошта, “акводискотека”-ро сохтмончиён дар ин ҷо фаввора меноманд, ки он ҳам ҳанӯз кор намекунад. Дар навори гузориш, тахта, чӯб, бетон ва навиштаҷоти “розетка кор намекунад” намудор аст.

Ба гуфтаи Ротенберг, сохтмон пас аз ду сол ба анҷом мерасад.

"Ҳама чиз хеле бодиққат, босамар ва касбӣ анҷом дода мешавад", - афзуд ӯ.

Қаблан Владимир Путин изҳор дошт, ки филм дар бораи “қаср” дар Геленҷикро тамошо накардааст, чун фурсати тамошои чунин матолибро надорад, аммо пораҳоеро аз он дидааст, ки ёваронаш ба ӯ пешниҳод кардаанд. Ӯ таъкид кард, ҳеч моликияте дар ин “таҳқиқот” ба ӯ ва наздиконаш тааллуқ надорад.

Дмитрий Песков, сухангӯи раисиҷумҳури Русия, гуфт, ки соҳибони қаср дар Геленҷик як ё якчанд соҳибкоранд. Ба гуфтаи ӯ, дар Кремл ин номҳоро эълон нахоҳанд кард, зеро чунин тарзи кор нодуруст хоҳад буд. Дар дастгоҳи раисиҷумҳур инчунин афзуданд, ки аз омодасозии чунин фошкориҳои дурӯғин ва ҳамлаҳои иттилоотӣ қаблан огоҳӣ доштанд.

422
Комментатор Юрий Розанов

Даргузашти шореҳи машҳури варзишӣ Юрий Розанов

140
(Таҷдидшуда 15:14 03.03.2021)
Журналисти маъруф, шореҳи варзишии шинохтаи Русия Юрий Розанов дар синни 59-солагӣ аз олам даргузашт

ДУШАНБЕ, 3 мар — Sputnik. Шореҳи варзишӣ Юрий Розанов дар Маскав аз олам чашм пӯшид. Дар ин бора рӯзноманигор Михаил Моссаковский дар Твиттер хабар дод.

Марги рӯзноманигорро дар шабакаи иҷтимоӣ шореҳон Василий Уткин ва Дмитрий Губерниев тасдиқ карданд.

"Бовар кардан ғайриимкон аст. Ӯ аз миёни мо дар касбаш беҳтарин аст ", - гуфт Губерниев.

Тибқи иттилои шабакаи Telegram Mash, Розанов пеш аз марг худро бад эҳсос мекард. Аз сабаби тангии нафас, ҳамсараш мошини ёрии таъҷилиро даъват кард.

Розановро бо шарҳи бозиҳои футбол ва хоккей мешиносанд. Соли 2012 аз рӯи номинатсияи "шореҳи варзишӣ / барандаи барномаи варзишӣ" ба ӯ ҷоизаи TEFI доданд. Рӯзноманигор барои гузоришҳо аз чемпионати ҷаҳонии хоккей байни ҷавонон ҷоиза гирифт.

Розанов аз моҳи майи соли 2019 бинобар табобати саратони шуш, пахши барномаҳоро қатъ кард. Дӯстдорони варзиш овози шореҳро моҳи ноябри ҳамон сол дубора шуниданд. Он замон, Розанов аз бемории саратон табобат мегирифт.

140
Барчаспҳо:
Русия, машҳур, шореҳ, даргузашт
Молоток судьи, архивное фото

Зодаи Тоҷикистонро дар Петербург барои кумак ба террористон равонаи зиндон карданд

153
(Таҷдидшуда 14:36 03.03.2021)
Як зодаи Тоҷикистон, ки чун муҳоҷири корӣ дар қаламрави Русия қарор дорад, ба ҳамватани худ барои пайвастан ба ҷангиёни Сурия кумак кардааст

ДУШАНБЕ, 3 март - Sputnik. Мақомоти тафтишотии Санкт-Петербург як шаҳрванди Тоҷикистонро барои кумак ба фаъолияти як созмони террористӣ айбдор мекунад, хабар медиҳад 78.ru бо истинод ба мақомоти ҳифзи ҳуқуқ.

Маълум шуда, ки зодаи Тоҷикистон О.Соатов ҷонибдори ҳаракати радикалӣ будааст.

Муҳоҷири меҳнатӣ ба ҳамватани худ А.Тошев дар масъалаи интиқолаш ба Сурия кумак кардааст.

Маълум шуда, ки Тошев ба созмони террористие, ки дар ҷангҳои Сурия алайҳи нерӯҳои ҳукуматӣ иштирок мекунад, пайвастанӣ буд.

Ҳамин тариқ, Соатов дар ҷамъоварии маблағ барои як ҳамхидматаш кумак кард, ки бо он маблағ Тошев бояд билети ҳавопаймо мехарид.

Ғайр аз он, шахси боздоштшуда бо як корфармои як созмони террористӣ робитаи пинҳонӣ пешниҳод кардааст, то дар сурати боздошти Тошев осори иртиботи мустақим намонад.

Маълум мешавад, ки худи Тошев моҳи сентябри соли 2020 дар яке аз фурудгоҳҳои Маскав ҳангоми кӯшиши парвоз ба Туркия барои сафари минбаъда ба Сурия боздошт шудааст.

Нисбати ин мард барои ширкат дар фаъолияти як созмони террористӣ парвандаи ҷиноӣ боз шудааст.

Ва танҳо баъдтар, мақомоти тафтишот шарики ӯро муайян карданд ва Соатовро низ дар Санкт-Петербург боздошт кардаанд. Ҳамин гуна парвандаи ҷиноӣ алайҳи ӯ низ боз шудааст.

Тафсилоти нав дар қазияи муҳоҷире, ки зани ҳомила ва хусурашро кушт: қарздор буд

Ҳоло додгоҳи ноҳияи Невскийи Санкт-Петербург Соатовро ба мӯҳлати ду моҳ ҳабс кардааст.

153
Барчаспҳо:
айбдорӣ, зода, Русия, Тоҷикистон
День 4 марта

Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих

0
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шуд

Рӯзи 4 март дар ҷаҳон чӣ рух дод

 Соли 1789 аввалин Конститутсия ИМА ба ҳукми амал даромад.

Рӯзи 4 март дар Тоҷикистон чӣ рух дод

Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.

Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал-  шаҳри Катманду сафар кард.

День 2 марта
© Sputnik/ Стас Этвеш/ Мария Вишнякова

Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.

Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии  «Тоҷикистон-2014»  баргузор гардид.

Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.

Соли  2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.

Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.

Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш  дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.

Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.

Ҷашнҳои рӯзи 4 март

  • Дар Белорус — Рӯзи милитсия.

Рӯзи 4 март кӣ ба дунё омадааст

Соли 1875 -нависандаи тоҷик, равшанфикр ва рӯзноманигор Маҳмудхоҷа  Беҳбудӣ.

Соли 1936 - рӯзноманигор Тулфор Қадамов.

Соли 1947 - доктори илмҳои биологӣ Сафарбек Раҳимов.

Соли 1949 - ҳофиз, ҳунарманди халқии Тоҷикистон Дона Баҳромов.

Соли 1957 – рӯзноманигор Ҳуринисо Ализода.

0
Барчаспҳо:
Ҷаҳон, Тоҷикистон, ҷашн