Захарова: Иттиҳоди Урупо натавонист Русияро "қамчин" занад

177
(Таҷдидшуда 16:25 09.02.2021)
Иттиҳоди Урупо мехост зимни сафари Жозеп Боррел ба Маскав, Русияро дар ҳузури ҳама қамчин занад, мегӯяд Мария Захарова

ДУШАНБЕ, 9 фев — Sputnik. Намояндаи Иттиҳоди Урупо дар умури сиёсати хориҷӣ ва амният бо сафари корӣ дар пойтахти Русия се рӯз - аз 4 то 6 феврал монд.

Пас аз сафар ӯ гуфт, ки дар мулоқоти қарибулвуқӯи сарони вазоратҳои корҳои хориҷии Урупо, ки 22 феврал баргузор мешавад, ширкаткунандагон таҳримҳои зидди Русияро тавсеа хоҳанд дод.

"Ман ба шумо як сирро дар бораи шарикони ғарбии худ мегӯям: вақте онҳо барои шаппотӣ задан муваффақ намешаванд, ба иғвогарӣ оғоз мекунанд. Вазифаи (Боррел - шарҳ аз идора) як шаппотии оммавӣ ба Русия буд, ки онҳо хеле бодиққат тарҳрезӣ карданд", - гуфт Захарова.

Ӯ афзуд, ки мақсади дигар мавзуъгузорӣ: "суҳбат кардан дар бораи гирдиҳамоиҳо, рӯзноманигорон ва қарор додани Навалний дар меҳвари суҳбат, ҳамаи чизро дар як тӯда омехта кардану, партофта, қаноатмандона рафтан", - гуфт сухангӯи вазорат Мария Захарова дар мусоҳиба бо Вести FM.

Ба ақидаи вай, қамчинкорӣ натиҷа надод, зеро "ҷониби Русия пешниҳод кард, ки масъалаҳои воқеиро баррасӣ кунад". 

Пешбинии Лавров аз сард шудани муносиботи Русия ва Урупо - видео

Ҳафтаи гузашта Маскав дипломатҳои Шветсия, Лаҳистон ва Олмонро, ки дар гирдиҳамоиҳои ҳамоҳангнашуда ширкат карданд, шахсиятҳои ғайримақбули Русия эълон кард ва аз онҳо хостанд ба зудӣ Русияро тарк намоянд.

Дар посух, ин кишварҳо се дипломати русро ихроҷ мекунанд. Вазорати корҳои хориҷӣ гуфт, ки ин амалро посухи Урупо намешуморанд.

177
Барчаспҳо:
ВУХ Русия, Мария Захарова, Урупо, Русия
Рэп-исполнитель Иван Алексеев, известный под псевдонимом Noize MC, архивное фото

Рэпер Noize MC фавран бистарӣ карда шуд

96
(Таҷдидшуда 16:21 06.03.2021)
Мусиқачии рус Иван Алексеев, ки бо чун Noize MC миёни ҳаводорони ҳунараш машҳур аст, фавран бистарӣ карда шуд

ДУШАНБЕ, 6 мар – Sputnik. Ҳунарманди рэпсарои рус Иван Алексеев, маъруф бо номи Noize MC, дар беморхона бистарӣ шудааст.

Ҳунарманд дар ин бора дар саҳифааш дар Instagram - и худ хабар додааст.

"Дар ҳавзи хуни худам, лағжида пас аз шиноварӣ, базӯр ба по хеста, ман на як бори дигар носилкаи ёрии таъҷилиро олуда кардаам: табибон аб маънои чунин мумкин нест,  сар меҷунбонанд" - навиштааст Noize MC дар шаҳри акси худ.

Дар дида мешавад, чӣ гуна ду табиб бо истифода аз таҷҳизоти махсуси тиббӣ Алексеевро барои табобат мебаранд.

Тибқи иттилои "Российская газета", худи ҳунарманд ёрии таъҷилиро даъват кардааст.

Сабаби муроҷиати ӯ ба табибон дарди шадиди сутунмӯҳра будааст.

Ситораи Tik Tok, зодаи Тоҷикистон Дина Саева табобат мегирад

Табибон аллакай барои Алексеев муоинаи заруриро гузаронидаанд. Ташхис нишон дода, ки ӯ гирифтори люмбаго ва илтиҳоби асаб аст.

96
Барчаспҳо:
бемористон, бистарӣ, Русия

Мурашко гуфт, озмоиши даври дуюми "Спутник Лайт" анҷом ёфт

58
(Таҷдидшуда 14:07 05.03.2021)
Вазорати тандурустии Русия аз анҷоми озмоиши даври дуюми ваксини "Спутник Лайт" хабар дод

ДУШАНБЕ, 5 мар— Sputnik. Вазири беҳдошти Русия Михаил Мурашко аз анҷоми даври дуюми озмоиши клиникии ваксини "Спутник Лайт" хабар медиҳад, менависад РИА Новости.

Мурашко дар суҳбат бо хабарнигор изҳор дошт, ки феълан ваксини "Спутник Лайт" дар марҳилаи баҳодҳии мутахассисон қарор дорад.

Гуфта мешавад, иҷозат барои доир кардани озмоиши саввуми ин ваксин ҳам моҳи феврал дода шуд. Зикр мегардад, ки озмоиши навбатӣ дар ду гурӯҳ гузаронида мешавад ва бояд то соли 2022 ба итмом расад.

"Спутник Лайт" қисми таркиби маҳсулоти Спутник мебошад, ки онро Маркази Гамалеи дар якҷоягӣ бо Фонди сармоягузории мустақими Русия дар платформаи хуб омӯхташудаи векторҳои аденовируси инсон таҳия кардааст.

Қаблан Кирилл Дмитриев роҳбари Фонди сармоягузории мустақими Русия таъкид намуд, ки ваксини мазкур асосан барои бозори хориҷа таҳия шудааст ва дар дохили кишвар бошад асосан аз "Спутник V" истифодабарӣ мешавад.

Таҳиягарони нахустин ваксина гуфтанд, душманони Русия аз пешсафии "Спутник V" меҳаросанд

Директори Маркази Гамалея Александр Гунзбург гуфт, ки истифодаи "Спутник Лайт" дар кишварҳои хориҷ имкон медиҳад, ки авҷи бемориҳо коҳиш дода шуда, сарборӣ дар соҳаи тандурустии маҳаллӣ камтар карда шавад.

Ӯ мегӯяд, масуният пас аз ваксина эҳтимолан се-чор моҳ боқӣ хоҳад монд ва самаранокии ваксина тақрибан 85% хоҳад буд.

58
Барчаспҳо:
Русия
Мавзуҳо:
Пайомадҳои COVID-19 дар Тоҷикистон ва ҷаҳон
Фармацевт выбирает лекарство в аптеке, архивное фото

Қазияи доруфурӯши "Осон - фарм" то пулис рафт: маблағи ҳангуфтро аз худ кардааст

0
(Таҷдидшуда 17:46 06.03.2021)
Вазорати умури дохилаи Тоҷикистон аз қаллобии зани 58 - сола хабар медиҳад, ки дар муддати 6 моҳи корӣ дар дорухона 30 ҳазор сомониро ба манфиати худ сарф кардааст

ДУШАНБЕ, 6 мар – Sputnik. Тибқи иттилои Вазорати корҳои дохилаи Тоҷикистон дар ин бора ба ШВКД-1 дар ноҳияи Фирдавсӣ бо ариза марди 27-сола муроҷиат кардааст.

Қазия аз моҳи феврали соли 2020, оғоз шудааст, замоне, ки мард зани 58-солаи сокини шаҳри Хуҷандро дар дорухонаи "Осон-фарм" ба ҳайси фурӯшанда ба кор қабул намудааст.

Дар муроҷиатномаи ин мард омадааст, ки номбурда бо роҳи фиреб ба бовариаш даромада, дар муддати 6 моҳи кориаш маводи дорувории фурӯхтаашро ба маблағи 30 ҳазор сомонӣ ба манфиати худаш сарф намуда, ваъда додааст, ки дар муддати кӯтоҳ маблағи гирифтаашро бармегардонад.

Ба қавли ин мард то ҳол зан маблағро барнагардонидааст.

Инчунин, ба ШВКД дар шаҳри Турсунзода бо ариза зани 34-солаи сокини ҷамоати деҳоти Ҷ. Раҳмонови шаҳри мазкур муроҷиат намудааст.

Ӯ шикоят дорад, ки соли 2019 марди 39-солаи сокини ҷамоати деҳоти 10-солагии Истиқлолияти ҳамин шаҳр, бо роҳи фиреб ба бовариаш даромада, аз ӯ 100 ҳазор сомонӣ гирифта, то ҳол маблағашро барнагардонидааст.

Мард қарз доду чанде пас фавтид: қазияи бозпас гирифтани 200 ҳазор доллар то пулис рафт

Манбаъ афзуда, ки аз рӯи ин ҳодисаҳо тафтишот идома дорад.

0
Барчаспҳо:
қаллобӣ, маблағ, пулис, Тоҷикистон, ВКД ҶТ