Омодагии Русия барои ҳамкорӣ дар тавлиди муштараки ваксина бар зидди корона бо Амрико

112
(Таҷдидшуда 16:36 21.02.2021)
Раиси Бунёди сармоягузории мустақими Русия, ки дастандаркори таъмини молии тарҳи тавлиди ваксинаи “Спутник-V “ аст барои ҳамкорӣ бо Амрико дар тавлиди муштараки ваксинаи корона эъломи омодагӣ кард

ДУШАНБЕ, 21 фев — Sputnik. Крилл Димитрев ахиранд дар гуфтугӯ бо шабакаи телевизиюнии Россия 24 гуфт, ки омехта кардани бахшҳое аз ваксинаи “Спутник-V” бо ваксинаҳои амрикоии Модерн ва Файзер ин ваксинаҳоро муассиртар мекунад ва бо чунин талфиқе аз ваксинаҳо метавон ба таври муассиртар бо анвоъи тағйири моҳиятёфтаи вируси корона мубориза кард.

Раиси Бунёди сармоягузории мустақими Русия илова кард, ки бисёре аз кишварҳо хоҳони дарёфти ваксинаи “Спутник-V” ҳастанд ва ин ваксина то кунун дар 31 кишвар сабт шудааст.

Русия нахустин кишвар дар ҷаҳон буд, ки ваксинаи Ковид 19-ро бо номи “Спутник-V” сабт кард, ки мизони масуниятзои он 91 дарсад эълом шудааст.

То кунун хабарҳои зиёде дар бораи мавориди фавт ва аломатҳои шадид баъд аз тазриқи ду ваксинаи Модерн ва Файзер дар Амрико ва кишварҳои дигаре, ки истифода аз ин ваксинаҳоро таъйид кардаанд, гузориш шудааст.

Таъхир дар тақсим ва гузоришҳои гуногун  дар мавриди асароти манфии ваксинаҳои амрикоӣ ва британияӣ  мӯҷиби истиқболи бештари кишварҳои ҷаҳон барои дарёфти ваксинаҳои русӣ ва чинӣ шудааст.

112
Барчаспҳо:
тавлид, ҳамкорӣ, Спутник, ваксина, Русия, Амрико

Дар Маскав озмоиши ваксинаи "Спутник Лайт" оғоз шуд

120
(Таҷдидшуда 19:12 27.02.2021)
Нафарони аз 18-сола боло, ки аз коронавирус сироят наёфтаанд, дар давоми як моҳ эм нашудаанд ва антителаи коронавирусро надоранд, метавонанд ихтиёрӣ ин намуди ваксинаро қабул кунанд

ДУШАНБЕ, 27 фев — Sputnik. Нахустин гурӯҳи ихтиёриён аллакай эм шуданд, хабар медиҳад РИА Новости дар истинод ба шаҳрдории Маскав.

"Спутник Лайт" ҷузъи якуми  "Спутник V" аст.

"Бо ташхиси ихтиёриён, ҳаҷми эмкунӣ зиёд мешавад. Ҳоло дархостҳо фаъолона пешниҳод карда мешаванд, дар давоми ду рӯз 490 нафар аз муоинаи тиббӣ гузаштанд", - гуфт вай.

Ҳар як шахси аз 18-сола боло, метавонад ихтиёрӣ шавад, агар онҳо ба COVID-19 сироят нашуда бошад (ва дар тӯли ду ҳафтаи охир бемории ОРВИ надошта бошанд), дар тӯли як моҳ ягон ваксина нагирифта бошанд (аз ҷумла зидди коронавирус), антитела ба SARS-CoV-2 ва аллергия надошта бошанд.

Иштирок дар таҳқиқот барои шахсони гирифтори бемориҳои шадиди музмин тавсия дода намешавад ва занони ҳомила ё ширдеҳ наметавонанд довталабӣ кунанд.

Ба гуфтаи муовини раиси шаҳр, ин ваксина эҳтимолан барои  аз 18 то 30-сола,  истифода хоҳад шуд. Ҳамзамон, Ракова таъкид кард, ки "Спутник Лайт" дар якҷоягӣ бо "Спутник V" барои эмгузаронӣ имкониятҳои бештар фароҳам меорад.

Омодагии Русия барои ҳамкорӣ дар тавлиди муштараки ваксина бар зидди корона бо Амрико

Дар тадқиқот ҳамаи таҳияҳои рақамӣ, ки аллакай дар озмоишҳои "Спутник V", ки исбот шудаанд истифода мешаванд.

Ғайр аз он, қарор аст, ки омӯзиши шакли биниии ваксинаи коронавирус гузаронида шавад, гуфт Ракова.

Маркази Гамалея барои гирифтани иҷозат аз Вазорати тандурустӣ бастаи ҳуҷҷатҳоро омода мекунад. Тахмин мезананд, ки шакли бинии ваксина барои онҳое мувофиқ аст, ки дар тазриқ хилофи он мебошанд.

120

Таҳиягарони нахустин ваксина гуфтанд, душманони Русия аз пешсафии "Спутник V" меҳаросанд

138
(Таҷдидшуда 20:07 26.02.2021)
Таҳиягарони нахустин ваксина мегӯянд, душманони Русия аз пешсафии "Спутник V" меҳаросанд ва талош доранд бовариро ба он кам кунанд

ДУШАНБЕ, 26 фев - Sputnik. Мухолифони ваксинаи коронавируси "Спутник V"-и Русия кӯшиш мекунанд, ки эътимод ба онро дар ҷаҳон коҳиш диҳанд, зеро ин яке аз беҳтаринҳост ва онҳо аз ин метарсанд, - гуфт Кирилл Дмитриев, роҳбари Фонди сармоягузории мустақими Русия.

"Фикр мекунам, ки мо на танҳо дар бораи эътирофи байналмилалии ваксини "Спутник V", балки дар бораи пешсафии худ дар ҷаҳон низ сӯҳбат карда метавонем... Мо бояд хоксор, вале ростқавл бошем",-гуфт Дмитриев ҳангоми ифтитоҳи намоишгоҳ бахшида ба таърихи роҳбарии Русия дар вирусология дар маҳалли ҷойгиршавии Ҷамъияти таърихии Русия. 

Ӯ таъкид кард, ки мо яке аз беҳтарин ваксинаҳо дар ҷаҳонро дорем, ин як корнамоии бузурги олимони рус аст, мо бояд аз он фахр кунем.

Дар Олмон мегӯянд, ваксинаи "Спутник V" дар воқеъ Ғарбро дар ҳайрат гузошт

"Бисёре аз душманони Русия кӯшиш карданд, ки эътимод ба Русияро коҳиш диҳанд, аммо мо дарк мекунем, ки онҳо барои коҳиш додани эътимод ба ваксини Русия ин қадар кӯшишҳоро сарф мекунанд, зеро ин яке аз беҳтаринҳо дар ҷаҳон аст ва онҳо аз ин метарсанд",-гуфт ӯ.

Маҷаллаи илмии Lancet қаблан натиҷаҳои марҳилаи сеюми озмоишҳои клиникии "Спутник V" -ро нашр карда, самаранокии баланд ва бехатарии онро қайд карда буд.

Дар давоми марҳилаи III озмоишҳои клиникӣ, "Спутник V" сатҳи баланди самаранокӣ, иммуногенӣ ва бехатариро нишон дод, ки самаранокии он ба 91,6%  расид.

Ваксина аз ҳолатҳои вазнини сирояти нави коронавирус муҳофизати пурраро фароҳам меорад.

"Спутник V" барои истифода дар зиёда аз 30 кишвар тасдиқ шудааст.

Эрон: хати тавлиди ваксинаи "Спутник V" дар кишвар эҷод мешавад

Шумораи умумии аҳолии кишварҳое, ки ваксинаи Русия сабти ном шудааст, беш аз 1,1 миллиард нафарро ташкил медиҳад.

138
Барчаспҳо:
вируси корона, душманон, ваксина, Русия
Соҳибёр Толиб, коргардони ҷавони тоҷик ҳангоми наворбардории филм

"Моҳиҳои бузург" сабт шуду “Қаландар” дар ҳоли таҳия: Соҳибёр дар Русия чӣ кор мекунад?

0
(Таҷдидшуда 14:39 28.02.2021)
Соҳибёри Толиб, рӯзноманигор ва коргардони тоҷик филми ҷадидаш зери унвони “Моҳиҳои калон” – ро дар дар вилояти Ленинград ба навор гирифтааст

ДУШАНБЕ, 28 фев – Sputnik. Филм дар бораи бекорхӯҷаи 35-солаи бе хона ва шуғли муайян қисса мекунад, ки бо дидадароияш боварии хонумҳои сарватмандро ба даст оварда, аз ҳисоби онҳо зиндагӣ мекунад.

Қаҳрамони лаванд бо зане бо номи София, ки 10 сол аз худаш калон аст, робита барқарор мекунад. Далер, писари София, бо хушдори муфтхӯри модараш муноқиша мекунад ва ӯро водор месозад, то биравад.

Ба гуфтаи коргардон, "мушкилоти матраҳшуда ҳамагонӣ буда, дар ҷомеаи Русия низ мубраманд”.

Продюсери филм Беҳзод Исомиддин изҳор медорад, ки дар ҷараёни таҳияи филм ба муаллиф озодии комили эҷодӣ  бидуни маҳдудияти тиҷорӣ дода шуда буд.

Нақшҳои асосиро дар филм Александр Громико ва Антон Логвиненко иҷро намуда, Оксана Полевикова, Олга Афанасева ва Даниил Худоногов низ нақш офаридаанд. Наворбардори филм Павел Смирнов ва рассом – саҳнасоз Ксения Неб мебошанд.

"Моҳиҳои калон" дуввумин филми ҳунарии Соҳибёри Толиб аст. Ӯ қаблан  дар Тоҷикистон "Талош" – нахустин филми хомӯш дар таърихи кинои тоҷикро ба навор гирифта, дар ҷашнвораи синамои “Дидор” ҷоизаи ба номи Тоҳир Собиров аз Кумитаи радио ва телевизионро ба даст овард.

Филми мазкур инчунин ба барномаи озмунии Мактаби байналмилалии синамогарони ҷавони ИДМ - "Иттиҳод" дар Батуми қабул карда шуд, ки мебоист аз 18 то 24 майи соли 2020 баргузор мешуд, аммо ба таъхир гузошта шуда,  ҳанӯз баргузор нашудааст.

Феълан Соҳибёри Толиб ба таҳияи филми мустанад таҳти унвони кории “Қаландар” машғул аст. Филм дар бораи зиндагии муҳоҷири тоҷик қисса мекунад, ки наметавонад ба ватан баргардад ва ранҷ мекашад.  Наворбардорӣ тобистон ва зимистон сурат гирифта, намоиши он охири соли 2021 пешбинӣ шудааст.

Ҳарду филм дар доираи озмоишгоҳи коргардонии "Кинокоммуна" -и назди Маркази ҷавонони Иттифоқи синамогарони  Санкт-Петербург таҳия шудаанд.  Соҳибёр Толиб дар баробари таҳияи филмҳо донишҷӯи бахши сенарияи Донишкадаи синоамо ва телевизиони Санкт-Петербург мебошад.

0
Барчаспҳо:
нашр, таҳия, филм, Тоҷикистон