Даниэл Розенблюм. Акс аз бойгонӣ

Мавзӯъи Роғун дар дидор бо Даниэл Розенблюм матраҳ шуд

8
(Таҷдидшуда 12:03 09.02.2015)
Дар ин дидор ба тарҳҳои энержӣ, аз ҷумла иҷрои САSA-1000 ва сохтмони нерӯгоҳи Роғун тавваҷӯҳи бештар шудааст.

ДУШАНБЕ, 9 фев — Sputnik. Мавзӯъи сохтмони нерӯгоҳи Роғун ва таъсири таҳримот алайҳи Русия ба иқтисоди Тоҷикистон дар дидори муовини аввали вазири молияи Тоҷикистон бо муовини ёвари вазири хориҷаи ИМА матраҳ шудаанд, хабар медиҳад сойти вазорати молия.

"Ба рушди бахши энержии Тоҷикистон, аз ҷумла сохтмони нерӯгоҳи Роғун ва тарҳи кашидани хати барқи баландшиддати САSA-1000 таваҷҷӯҳи бештар шуд. Зикр шуд, ки ин тарҳ судовар аст ва барои тақвияти ҳамгироӣ дар минтақа иқдоми саривақтӣ мебошад", — омадааст дар хабар.

Зикр шудааст, ки ҷонибҳо ҳамчунин дар бораи аҳамияти барномаҳои дар пешистода ва зарурати ҳамгироӣ бо Бонки ҷаҳонӣ, Бонки осиёии рушд, Сандуқи байналмиллалии пул ва муассисоти дигарӣ молӣ таъкид кардаанд.

Ҷамолиддин Нуралиев, муовини аввали вазири молияи кишвар ба Даниэл Розенблюм барои сӯҳбати пурсамар изҳори сипос карда эълом дошт, ки дар оянда низ ҳамкориҳои ИМА бо Тоҷикистон рушд ва тавсеъа меёбанд.

Сафари ду муовини ёварони вазири хориҷаи ИМА ба Тоҷикистон — Даниэл Розенблюм ва Стивен Фелдштейн аз 2 то 8 феврал сурат гирифтанд.

Розенблюм, ки муовини ёвари вазири хориҷаи ИМА дар умури кишварҳои Осиёи Марказӣ мебошад, сиёсати ИМА ва равобити дипломатӣ бо Қазоқистон, Қирғизистон, Тоҷикистон, Туркманистон ва Ӯзбакистонро таҳти назорат дорад.

Фелдштейн муовини ёвари вазири хориҷа дар умури демократия, ҳуқуқи инсон ва кор аст.

8
Барчаспҳо:
ҳамкориҳои ИМА бо Тоҷикистон, музокирот, вазорати молияи Тоҷикистон, Стивен Фелдштейн, Даниэл Розенблюм, Ҷамолиддин Нуралиев, Тоҷикистон, ИМА
Мавзуъ
Сафорати ИМА: ду ёвари вазири хориҷа аз Душанбе дидан мекунанд
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

588
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

588
Барчаспҳо:
тирпаронӣ, марз, Тоҷикистон
Сбор урожая хлопка в Турсунзаде

Раиси Суғд ба ғолибони озмун аз 5 то 20 ҳазор сомонӣ ҷоиза дод

47
(Таҷдидшуда 20:58 25.10.2020)
Раҷаббой Аҳмадзода, раиси вилояти Суғд, дар майдони “Ситораҳои Хуҷанд”-и маркази вилоят ба ғолибони даври дуюми мусобиқаи меҳнатӣ байни ноҳияҳо ва хоҷагиҳои пахтакор ҷоиза дод

ДУШАНБЕ, 25 окт — Sputnik. Раҷаббой Аҳмадзода, зимни маросими ҷоизасупорӣ аз зарурати рушди соҳаи кишоварзӣ, таъмини корхонаҳои саноатӣ бо ашёи хом ва таъсиси ҷойҳои корӣ гуфт.

Тибқи иттилои ҳукумати вилояти Суғд, дар ҷамъбасти давраи дуюми мавсими пахтачинӣ заркорони ноҳияҳои Спитамен, Мастчоҳ ва инчунин пахтакорони Ҷамоати деҳоти Ғулакандоз ғолиби мусобиқа дониста шуданд.

Манбаъ афзуд, раиси вилоят ба ғолибони мусобиқаи меҳнатӣ "Вимпели сайёр" ва мукофотпулиҳоро дар ҳаҷми 20 000 сомонӣ, 10 000 сомонӣ ва 5 000 сомонӣ тақдим намуд.

Ӯ изҳори боварӣ намуд, ки кӯшишҳои деҳқонони заҳматқарин барои беталаф ғундоштани ҳосили пахта ва дигар зироатҳои кишоварзӣ бо суръати тоза ҷараён гирифта, онҳо соли ҷориро бо дастовардҳои баланд ҷамъбаст менамоянд.

"Қайд кардан зарур аст, ки деҳқонони ботаҷрибаи хоҷагиҳои деҳқонии "Элёр"-и ноҳияи Ашт, "Иҷоракор"-и ноҳияи Бобоҷон Ғафуров, "Озодҷон"-и ноҳияи Зафаробод, "Ҳоҷидеҳқонбой"-и ноҳияи Ҷаббор Расулов, "Гули шодӣ"-и ноҳияи Мастчоҳ, "Зарбдор"-и шаҳри Конибодом ва "Турдиқул ҳоҷӣ"-и ноҳияи Спитамен ва дар маҷмӯъ дар миқёси вилоят 3648 хоҷагии кишоварзӣ дар ин давра ба марраи мурод расида, собит намуданд, ки ташкили дурусти кор, саъю талош, риояи қоидаҳои агротехникии парвариш ва сари вақт сафарбаркунии қувваҳо гарави муваффақиятҳо мебошад.

Ҳукумати Суғд зикр намудааст, ки пахтакорони вилоят азм доранд, ки соли равон дар ҳамаи шаклҳои хоҷагидорӣ наздик 130 ҳазор тон пахта истеҳсол намоянд. То имрӯз бошад наздик 100 ҳазор тонна "тиллои сафед" ба хирман рехта шудааст.

47
Барчаспҳо:
озмун, пахта, Тоҷикистон