Нуриддин Қаршибоев. Акс аз бойгонӣ

Қаршибоев: ба ҷосускобӣ миёни хабарнигорон хотима бояд дод

12
(Таҷдидшуда 14:49 19.02.2015)
Раҳбари Анҷумани миллии расонаҳои мустақили Тоҷикистон бар ин назар аст, ки талоши таҳти назорат қарор додани хабарнигорон ва расонаҳо ба тавсеъаи озодии баён дар кишвар мусоидат намекунад.

ДУШАНБЕ, 19 фев — Sputnik. Раҳбари Анҷумани миллии расонаҳои мустақили Тоҷикистон (АМРМТ) Нуриддин Қаршибоев зимни нигаронӣ аз вазъи ахири расонаҳо даъват кард, ки дар шахсияти хабарнигорон ҷосуҳо ва намояндаҳоро ҷустуҷӯ карданро бояд хотима дод, дар ин бора вай дар сӯҳбат бо Nahzat.tj изҳори назар кардааст.

Раҳбари АМРМТ аз талоши "мақомот, бархе аз шахсиятҳо ва доираҳои молӣ барои таҳти назорат гирифтани фаъолияти расонаҳо ва хабарнигорон, ки ба раванди ироъаи озодонаи ахбор халал ворид месозад" изҳори нигаронӣ кард. Ба эътиқоди вай, ба хабарнигорон ва расонаҳо бояд шароити фаъолияти озодона фароҳам карда шавад.

"Аз хабарнигорон сохтани ҷосусро бояд хотима дод", — гуфт Қаршибоев.

Ҳамчунин, ба эътиқоди вай, бояд аз таҷрубаи истифодаи расонаҳо барои манфиъати шахсӣ ва бадном кардани рақибони сиёсӣ даст кашид.

Ҳамзамон, Қаршибоев бар ин назар аст, ки ҳамаи расонаҳои кишвар то ҷое аз манофеъи гурӯҳҳо ва шахсиятҳо пуштибонӣ мекунанд, ҳарчанд матбуоти мустақил фаромӯш намекунад, ки манофеъи ҷомеъаро бояд болотар аз манофеъи ин гурӯҳҳо гузошт.

"Дар ҳар давру ҳар замон матбӯъот дар хидмати гурӯҳҳое қарор дошт. Феълан низ чунин вазъ мушоҳида мешавад. Вале расонаҳои мустақил аҳдофе, ки барои худ гузоштаанд, иҷро мекунанд. Ва дар ин ҷода онҳо манофеъи ҷомеъаро аслӣ медонанд", — гуфт вай.

Зимни натиҷагирӣ аз соли гузашта раҳбари АМРМТ ба муҳокимаҳои додгоҳӣ бо ширкати расонаҳо ва хабарнигорон зикр кард. Ҳарчанд нисбати солҳои қаблӣ дар соли 2014 чунин муҳокимаҳо камтар буданд, вале дар даъвоҳои қаблӣ мавориди таассуфовар ҷой доштанд, гуфт Қаршибоев.

"Ман муҳокимаҳои пулиси Хуҷанд алайҳи хабарнигор Қамари Аҳрор, Qnet зидди Орзу Исоев, "Тоҷиксодиротбонк" алайҳи нашрияи "Нигоҳ" ва зиёиён алайҳи Олга Туталинаро дар назар дорам.

Ҳар яке аз ин муҳокимаҳо вижагиҳои худро доранд ва барои хабарнигорон бояд дарс шавад. Ба ин далел бар ин назарам, ки дар соли гузашта расонаҳо комилан рисолати худро иҷро карданд", — гуфт вай.

12
Барчаспҳо:
ҷосускобӣ аз миёни хабарнигорон, изҳори назар, Тоҷиксодиротбанк, АМРМТ, Қамари Аҳрор, Орзу Исоев, Олга Тутубалина, Нуриддин Қаршибоев, Тоҷикистон
Ссора, архивное фото

Давоми шаш моҳ дар Тоҷикистон 5486 оила вайрон шудааст

41
(Таҷдидшуда 10:29 13.07.2020)
Вазорати адлияи Тоҷикистон мегӯяд, омори вайроншавии оилаҳо дар шашмоҳаи соли равон нисбат ба ҳамин давраи соли гузашта коҳиш ёфтааст.

ДУШАНБЕ, 13 июл – Sputnik. Саодатбибӣ Сироҷзода, сардори Раёсати сабти асноди ҳолати шаҳрвандӣ Вазорати адлия гфт тайи шаш моҳи соли равон дар кишвар 5486 оила аз ҳам пошидааст.

Номбурда ин нуктаро имрӯз зимн нишасти хабарии вазорат иттилоъ дода гуфт, ин нишондиҳанда нисбат ба ҳамин давраи соли гузашта 570 адад кам мебошад.

Ба иттилои манбаъ аз ин теъдод 3 974 оила бо қарори додгоҳҳои шаҳру навоҳӣ  ва бо аризаи якяҷоя 1490 оила аз ҳам чудо шудаанд.

Манбаъ мегӯяд,  дар пайи ин азҳампошии оилаҳо 5356 кӯдакон ба тарбияи яке аз волидон гузаштанд

Гуфта мешавад, камшавии оилавайроншавӣ танҳо тайи се моҳи охир ба назар мерасад.

Ёдовар мешавем,  бар асоси оморҳои расмӣ давоми як соли гузашта  12 ҳазору 482 оила аз ҳам пошидааст. Ин рақам дар қиёс ба ду соли гузашта 1 ҳазору 469 ҳолат зиёд будааст.

 

41
Хаким Фузайлов. Архивное фото

Ҳаким Фузайлов сармураббии нави "Хуҷанд" таъйин шуд

53
(Таҷдидшуда 10:31 13.07.2020)
Ҳаким Фузайлов, собиқ футбобози машҳур ва мураббии шинохтаи кишвар, сармураббии тими “Хуҷанд”-и Хуҷанд таъйин гардид

ДУШАНБЕ, 13 июл – Sputnik. Тибқи иттилои дафтари матбуотии бошгоҳ, Ҳаким Фузайлов, собиқ сармураббии тими миллии Тоҷикистон  то охири мавсим “Хуҷанд”-ро тамрин хоҳад дод.

Ба иттилои манбаъ, Никол Лазаревич, ки дар аввали сол сармураббии даста таъйин шуда буд, бинобар бастани сарҳадҳои байни кишварҳо бар асари пандемияи ҷаҳонии коронавирус, ба даста кӯмак карда наметавонад.

Манбаъ мегӯяд, Ҳоло Лазаревич дар зодгоҳаш Сербия қарор дорад.

“Мо маҷбур шудем, ки бо сабаби вазъияти ҷаҳонӣ ва алахусус дар тим баамаломада, сари мизи гуфтушунид нишинем. Дар натиҷаи гуфтушунидҳои пурсамар бо ҳайати мураббиёни кунунӣ ва роҳбарияти клуб, ҷонибҳо ба хулосае омаданд, ки даста сармураббии ниёз дорад. Мутаассифона, Никола Лазаревич дар Сербистон аст ва имкони ҳамроҳ шудан ба дастаро бо сабабҳои, ба ҳама маълум, надорад. Мо бо Ҳаким Каюмович ба мувофиқа расидем, ки ӯ дастаро ба мусобиқаҳои дар пешистодаи ватанӣ ва байналмилалӣ омода мекунад ва мӯҳлати шартнома то охири сол эътибор дорад”-гуфт Муроҷон Умаров, директори иҷроияи Хуҷанд.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллииТоҷикистон, дасҳои “Истиқлол”, “Куктош” –ро тамрин дода ахиран  аввали моҳи июл ӯ вазифаи сармураббии бошгоҳт “Каганат”-и Қирғизистонро тарк кард.

53