Резиши барф. Акс аз бойгонӣ

Барфи ғайриинтизор дар навоҳии Суғд

31
(Таҷдидшуда 10:13 30.03.2015)
Бориши барф дар айёми баҳори имсола сокинони Хуҷандро ғофилгир кардааст. Маркази обуҳавошиносӣ мегӯяд, шаби гузашта дар Қайроққуму Истаравшан ва Панҷакент низ барф борид.

ДУШАНБЕ, 30 мар — Sputnik. Дар рӯзҳои охири моҳи марти имсол ғайриинтизор дар Хуҷанд, маркази вилояти Суғд барф борид ва ин минтақаро дар оғӯши худ гирифт, менависад "Радиои Озодӣ".

Хабарнигори ин радио дар Хуҷанд гуфтааст, бориши барф шоми 29 март оғоз ёфта, то субҳи 30 март идома карда, дар субҳи 30 март дамои ҳавои Хуҷанд то 4 дараҷа сард будааст.

Масъулони маркази обу ҳавошиносии Тоҷикистон мегӯянд, шаби гузашта инчунин дар Қайроққуму Истаравшан ва Панҷакент низ барф боридааст. Онҳо аз бориши барфи зиёд дар баландкӯҳҳо низ хабар дода, гуфтанд, эҳтимол бориши барф дар ағбаҳо боиси мушкил шудани равуо шавад.

Ба қавли масъулони маркази обуҳавошиносӣ, имрӯз дар бисёре дигар аз минтақаҳои кишвар, аз ҷумла Душанбе борон меборад ва ҳаво то 10 дараҷа гарм хоҳад буд.

Ин бори аввал нест, ки дар айёми фасли баҳор дар минтақаҳои Тоҷикистон барф борида, гаштугузори сокинон дар хиёбонҳо ва инчнуин кори кишоварзонро мушкилтар мекунад. Соли 2013 дар Душанбе низ дар оғози моҳи март барфи зиёд борида, сокинонро ғофилгир карда буд.

31
Барчаспҳо:
ғайриинтизор, баландкуҳҳо, -4 дараҷа, сардии ҳаво, барф, Маркази ҳавошиносӣ, Суғд, Панҷакент, Истаравшан, Қайроқум, Хуҷанд
Арбитр показывает красную карточку на футбольном матче. Архивное фото

Аз 10 бозӣ маҳрум то 1000 сомон ҷарима: ҷазои мураббии “Душанбе-83” барои таҳқири доварон

26
Се намояндаи дастаи футболи пойтахт аз чанд бозӣ маҳрум ва ба ҷарима кашида шуданд: ҳамаи онҳо ба доварон ҳамчун «суханони сахт» сухан гуфтанд

ДУШАНБЕ, 9 июл — Sputnik. Кумитаи назорат ва одоби ФФТ дар ҷаласаи ахири хеш масъулини дастаи  “Душанбе-83”-ро ҷармаҳои калон ва аз иштирок дар бозиҳо маҳрум кардааст.

Тибқи иттилои дафтари матбуотии Федератсияи футболи Тоҷикистон,  сармураббии даста Мирзобек Мирзоев барои даҳ бозӣ маҳрум карда шуд ва барои таҳқири ҳайати доварон дар ин бозӣ ҳазор сомонӣ ҷарима шуд.

Эҳтимол, дар ин раванд ноиби президенти дастаи “Душанбе-83” Абдураҳим Мирзозода низ ба ӯ ҳамроҳ шуд. Барои таҳқири доварон, ӯ низ аз панҷ бозӣ маҳрум ва ҳазор сомонӣ ҷарима шуд.

Инчунин иштирокчии дигари муноқишаи лафзӣ бозигари даста Далер Имомназаров барои алфози қабеҳу таҳқиромез нисбат ба ҳайати расмии мусобиқаи қаҳрамонии Тоҷикистон байни дастаҳои Лигаи олӣ, аз ду бозӣ маҳруму 500 сомонӣ ҷарима шуд.

Ёдовар мешавем, ки бозии ҷавобӣ миёни дастаҳои “Душанбе-83” ва “Истаравшан” рӯзи 4 июл дар Варзишгоҳи марказии Ваҳдат баргузор шуда, ҳисоби ниҳоӣ 3:3 мусовӣ шуд.

26
Последствия схода селевого потока

Суғд: Ҳалокати 64 нафар ва миллионҳо зарари ҳодисаҳои фавқулода давоми шаш моҳ

110
(Таҷдидшуда 09:56 09.07.2020)
Дар пайи ҳолатҳои фавқулодда зарфи шаш моҳи гузашта 64 нафар дар шимоли Тоҷикистон ҷони худро аз даст додаанд

ДУШАНБЕ, 9 июл — Sputnik. Тибқи иттилои дафтари матбуотии Кумитаи ҳолатҳои фавқулодаи Тоҷикистон ин нукта зимни нишасти шашмоҳаи  раёсати ин ниҳод дар Суғд садо дода, аммо зикр нашудааст, ки ин нафарон дар пайи кардом ҳодисаи фавқулода фавтидаанд.

Ба иттилои манбаъ марги 64 нафар дар пайи 260 ҳаводиси авқулода ба қайд гирифта шудаас.

Манбаъ мегӯяд, ин нишондиҳанда дар ҳамин давраи соли гузашта дар қаламрави вилоят 322 ҳодисаҳои фавқулоддаи хусусияти гуногундошта ба амал омада буд, ки бар асари онҳо 82 нафар ҷони худро аз даст дода буданд.

Гуфта мешавад, давоми шаш моҳи соли ҷорӣ ҳодисаҳои табиӣ ва техногенӣ ба  иқтисодиёти вилоят 42  миллиону 986 ҳазору 544 сомонӣ зарар овраданд. 

Ин дар ҳолест, ки ба гуфтаи  полковник Додиён Баҳром Одина, сардори Раёсати Кумитаи ҳолатҳои фавқулодда дар вилояти Суғд дар шашмоҳои аввали соли 2019 ҳодисаҳои фавқулода ба иқтисодиёти вилоят  12 миллиону 703 ҳазору 773 сомонӣ зарар оврада буд.

110
Мигранты у здания Управления Федеральной миграционной службы России

Дар Россия 40% муҳоҷирон бо сабаби коронавирус бекор мондаанд

0
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнати азият кашиданд, хабар медиҳад рӯзномаи тиҷоратии “Ведомости” бо истинод ба як пурсиши РАНХиГ.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

0