Агроинвестбонк. Акс аз бойгонӣ

Муовини пешини нахуствазири роҳбари "Агроинвестбонк" таъин шуд

109
(Таҷдидшуда 11:51 02.04.2015)
Муродалӣ Алимардон, ки рӯзи 1- апрел бо фармони раисиҷумҳури Тоҷикистон аз вазифаи муовини сарвазир барканор шуд, бо қарори Шӯрои нозирони “Агроинвестбонк” раиси ин бонк таъин шуд.

ДУШАНБЕ, 2 апр — Sputnik. Муовини пешини нахуствазири Тоҷикистон Муродалӣ Алимардон бо қарори Шӯрои нозирони "Агроинвестбонк" раиси ин бонк таъин гардид, иттилоъ медиҳад сайти ин ниҳоди молӣ.

Ӯ дар ин мақом Суюнхон Рустамовро иваз кард, ки аз моҳи декабри соли 2013 роҳбарии "Агроинвестбонк"-ро ба ӯҳда дошт.

Муродалӣ Алимардон, ки яке аз шахсиятҳои калидии ҳукумати феълӣ ба ҳисоб меравад, соли 1983 шӯъбаи молиявии Донишгоҳи давлатии Тоҷикистонро хатм карда, аз соли 1983 дар филиали "Агробонк"-и Чептура кор кардааст. Соли 1991 ба ҳайси идоракунандаи шӯъбаи "Агробонк"-и ноҳияи Ҳисор фаъолият намудааст. Аз охири соли 1993 чун президенти Бонки саноати аграрии "Шарқ" адои вазифа кардааст. Аз декабри соли 1996 то соли 2008 ба ҳайси раиси Бонки миллии Ҷумҳурии Тоҷикистон кор кардааст.

Ин тағйирот дар ҳолест, ки ду соли пеш Сандуқи Байналмилалии Пул (СБП) бо нашри як гузориш дар мавриди "Агроинвестбонк" гуфт, ин бонк, ки соли 2012 дар остонаи муфлисшавӣ қарор дошту давлат онро "наҷот" дод, ҳанӯз ҳам дар ҳолати ногувор қарор дорад. СБП ду соли пеш гуфта буд, ки бо вуҷуди рекапитализатсияи "Агроинвестбонк" ва садҳо миллион саҳми давлат, дар ин бонк ҳанӯз ҳам норасоии маблағ ҷой дорад.  

 

109
Барчаспҳо:
роҳбари бонк, таъин гардидани Муродалӣ Алимардон, Агроинвестбонк, муовини нахуствазири Тоҷикистон, СБП, Суюнхон Рустамов, Муродалӣ Алимардон, Тоҷикистон
Мавзуъ
Ҳолномаи Муродалӣ Алимардон
Молния, архивное фото

Мудири ҳавошиносони Тоҷикистон гуфт, хизматрасониҳо беҳтар мешаванд

12
(Таҷдидшуда 19:55 23.11.2020)
Диловар Дӯстзода, мудири Ожонси обуҳавошиносии Кумитаи ҳифзи муҳити зисти назди Ҳукумати Тоҷикистон мегӯяд, хизматрасонии ин ниҳод беҳтар карда хоҳад шуд

ДУШАНБЕ, 23 ноя – Sputnik. Дӯстзода зимни як ҳамоиш дар Душанбе гуфт, вазъи феълии байналмилалӣ ва тағйироти иқлимии сайёра зарурати ба роҳ мондани хизматрасониҳои ба талаботи муосир ҷавобгӯйро ба миён овардааст.

“Бо дарназардошти ҳолати пешомада хизматрасониҳои навро таҳия намуда, ба ҷонибҳои ҳавасманд пешниҳод менамоем. Зимнан, Ҳукумати мамлакат ба рушди Агентии обуҳавошиносӣ таваҷҷуҳ намуда, сохторҳои марбутаи онро бо таҷҳизоти наву замонавӣ мунтазам таъмин менамояд. Ин ҷиҳат моро водор месозад, ки вобаста ба пешгӯйӣ ва дастрасии маълумоти обуҳавошиносӣ чорабиниҳои заруриро дар сатҳу сифати баланд амалӣ намоем”, - иттилоъ дод нашрияи “Садои мардум” аз қавли Дӯстзода.

Таъкид шудааст, ки дар ҷумҳурӣ гирифтани ҳосили баланди зироат, рушди чорводорӣ, таъмини аҳолӣ бо маҳсулоти ниёзи аввал, ҳамкориҳои дуҷониба бо сохторҳои сайёҳии кишвар, пеш аз ҳама, ба маълумоти саҳеҳ ва саривақтии обу ҳаво марбут мебошад.

Зикр гардидааст, ки таъмини саривақтии маълумоти дақиқи обуҳавошиносӣ сокинонро  аз хавфу хатар сари вақт огоҳ месозад.

12
Рекламные вывески сотовой компании Tcell в Душанбе, архивное фото

Озодхон Давлатшоев вазифаи нав гирифт

564
(Таҷдидшуда 19:18 23.11.2020)
Раиси Кумитаи кор бо ҷавонон ва варзиши Тоҷикистон, Абдулло Раҳмонзода дар як ҷаласаи расмӣ ба раиси Федератсияи велосипедронии Тоҷикистон Озодхон Давлатшоев ботантана аккредитатсияи давлатиро супорид

ДУШАНБЕ, 23 ноя — Sputnik. Бино бар иттилои дафтари матбуоти Кумитаи кор бо ҷавонон ва варзиши Тоҷикистон, ҷонибҳо дар ин ҳамоиш созишнома дар бораи ҳамкорӣ ва фаъолияти муштарак дар татбиқи сиёсати давлатии бахши тарбияи ҷисмонӣ ва варзиши Тоҷикистонро ба имзо расониданд.

Озодхон Давлатшоев дар мавриди дастоварду комёбиҳои Федератсияи велосипедронӣ дар соли 2020 ва нақшаҳо барои соли 2021 ибрози назар кард.  Федератсия ба нақша гирифтааст, ки варзишгарони дастаи мунтахаби Тоҷикистонро аз рӯи ин намуди варзиш омода намуда, мураббиён ва доваронро барои такмили ихтисосашон фаро бигирад.

Озодхон Давлатшоев ва Абдулло Раҳмонова инчунин дурнамои рушди дучархаронӣ: ифтитоҳи сексияҳои велосипедронӣ дар минтақаҳо, дастгирӣ ва рушди дучархасаворӣ дар кӯҳ ва бунёди зерсохторҳои заруриро баррасӣ карданд.

Сарпарасти асосии Федератсияи велосипедронии Тоҷикистон – ширкати Tcell мебошад. Озодхон Давлатшоев, ки ҳамзамон директори генералии Tcell мебошад, борҳо таъкид кардааст, ки яке аз афзалиятҳои умдаву аслии фаъолияти иҷтимоии Tcell таблиғи арзишҳои тарзи ҳаёти солим ва дастгирии чорабиниҳои варзишӣ мебошад.

564
Барчаспҳо:
Кумитаи ҷавонон, марафони велосипедронӣ, тасмими ширкати Tcell, Тоҷикистон