Эмомалӣ Раҳмон доктор Абдуллоҳ Абдуллоҳро ба ҳузур пазируфт. Душанбе, 8 июни соли 2015

Раҳмон ва Абдуллоҳ масоили амнияти марзҳои муштаракро баррасӣ карданд

7
(Таҷдидшуда 15:39 08.06.2015)
Раисиҷумҳури Тоҷикистон Эмомалӣ Раҳмон ва Абдуллоҳ Абдуллоҳ, раиси иҷроияи ҳукумати ваҳдати миллии Афғонистон субот дар марзи ду кишвар ва мубориза алайҳи ифротгароиро муҳокима карданд.

ДУШАНБЕ, 8 июн — Sputnik. Президенти Тоҷикистон Эмомалӣ Раҳмон аснои сӯҳбат бо Абдуллоҳ Абдуллоҳ, раҳбари иҷроияи ҳукумати ваҳдати миллии Афғонистон масъалаҳои амниятӣ, аз ҷумла субот дар марз ва мубориза бо терроризму ифротгароиро баррасӣ кардааст, менависад ОИ Авеста.

Ба иттилои Радиои Озодӣ райисҷумҳури Тоҷикистон гуфтааст, Душанбе ҳамеша тарафдори ҳамкорӣ бо Кобул буду ҳаст ва хоҳад монд. Раҳмон илова кардааст, ки "Тоҷикистон хонаи дувуми Шумост" ва афзудааст, "кӯшиш мекунем, муносибатҳо ҳамеша дар сатҳи баланд ва ҷавобгӯи манфиатҳои ҳар ду ҷониб бошанд. Дар байни кишварҳои минтақа мо ба ҳамкорӣ бо кишвари Шумо алоқамандии хос дорем".

Эмомалӣ Раҳмон аснои мулоқот бо зиёиёни Тоҷикистон. 19 марти соли 2015
© Официальная страница пресс-службы президента РТ в Facebook.

Ин нахустин сафари хориҷии Абдуллоҳ Абдуллоҳ аз замони раиси иҷроияи ҳукумати Ваҳдати миллии Афғонистон шудани ӯст. Дафтари матбуоти раёсати ҷумҳури Тоҷикистон мегӯяд, Эмомалӣ Раҳмон ва Абдуллоҳ Абдуллоҳ дар бораи фаъол шудани хатти барқи 220 — киловолтаи Тоҷикистону Афғонистон, пулҳои мошингузари миёни ду кишвар, CASA-1000 ва сохтмони роҳи оҳани Тоҷикистон-Афғонистон-Туркманистон низ сӯҳбат кардаанд.

Доктор Абдуллоҳ Абдуллоҳ, раиси иҷроияи ҳукумати ваҳдати миллии Афғонистон, шоми якшанбе вориди Тоҷикистон шуд ва субҳи рӯзи душанбе ҳамчун рамзи эҳтиром ба таъриху тамаддуни миллати тоҷик, дар пояи муҷассамаи шоҳ Исмоили Сомонӣ-нахустин асосгузори давлати тоҷикон гулчанбар гузошт.

Яке аз ҳадафҳои сафари Абдуллоҳ Абдуллоҳ ба Тоҷикистон иштирок дар ҳамоиши байнулмилалии "Об барои ҳаёт" гуфта мешавад. Ба иттилои расида,  доктор Абдуллоҳ дар мулоқоти худ бо мақомҳои баландпояи Тоҷикистон масъалаи мубориза бо терроризми байнулмилалӣ ва таҳдидҳои тоза дар минтақаро низ баҳс хоҳад кард.  

7
Барчаспҳо:
марзи муштарак, ҳамкории дуҷониба, гуфтушунид, мулоқоти президент бо Абдуллоҳ Абдуллоҳ, раиси иҷроияи ҳукумати ваҳдати миллии Афғонистон, президенти Тоҷикистон, Абдуллоҳ Абдуллоҳ, Эмомалӣ Раҳмон, Душанбе, Афғонистон, Тоҷикистон
Руки в наручниках, архивное фото

Куштори зани 69 - сола дар Бохтар: гумонбар боздошт шуд

50
(Таҷдидшуда 11:59 25.05.2020)
Вазорати умури дохилии Тоҷикистон аз рух додани ҳодисаи нохуш, одамкушӣ дар шаҳри Бохтар хабар медиҳад

ДУШАНБЕ, 25 май — Sputnik. Кормандони милитсия нафари муттаҳам дар куштори сокини шаҳри Бохтарро боздошт намуданд.

Ба иттилои котиботи Вазорати умури дохилии Тоҷикистон, Турдиев Аскар санаи 16-уми майи соли 2020 аз ҷониби кормандони ШВКД дар шаҳри Бохтар  дастгир гардид. Номбурда сокини кӯчаи Ф. Саидови шаҳри мазкур буда, дар куштори зани 69-сола, сокини ҳамин шаҳр гумонбар дониста мешавад.

Куштор: сокини Исфара марди 37-соларо дар ҳавлияш корд зад

Манбаъ тавзеҳ медиҳад, ки зимни тафтишот номбурда дар содир намудани ҷиноят ба пуррагӣ иқрор гашт.

Зимнан, аз ҷониби Прокуратураи шаҳри Бохтар нисбати Турдиев Аскар парвандаи ҷиноятӣ бо моддаи 104 қисми 1 Кодекси ҷиноятии Ҷумҳурии Тоҷикистон оғоз карда, тафтишот идома дорад.

50
Барчаспҳо:
куштор, Бохтар
Группа китайских врачей прибыли в Таджикистан

Бо даъвати Рустам: груруҳи табибони чинӣ барои мубориза бо коронавирус ба Душанбе омаданд

80
(Таҷдидшуда 12:05 25.05.2020)
Гуруҳи 14 нафараи табибон, аз ҷумла вирусологҳои чинӣ аз музофоти Шэнсии Чин бо парвози чартерии махсус ба Душанбе омаданд

ДУШАНБЕ, 25 май — Sputnik. Тибқи иттилои дафтари матбуотии шаҳрдорӣ, пизишкони чинӣ бо даъвати Рустами Эмомалӣ барои мубориза бо коронавирус ба Душанбе омаданд.

Ба иттилои манбаъ, ҳамчунин аз ҷониби Сафоратхонаи Чин ба Тоҷикистон 5 адад дастгоҳи нафасгирии сунъӣ   (ИВЛ) ва аз тарафи  Ҳукумати мардумии музофоти Шенсӣ бошад, 10 адад дастгоҳи нафасгирии сунъӣ (ИВЛ), 2400 баста либоси муҳофизатии яккарата, 9500 адад ниқоби муҳофизатии тиббӣ,  45000 ҷуфт дастпӯшакҳои яккарата, 45000 дона бахил кумак карда шудааст.

Манбаъ мегӯяд, ҷониби Комиссияи ҳамҷаворӣ ва дӯстии Созмони ҳамкориҳои Шанхайи  Ҷамъияти дӯстӣ бо кишварҳои хориҷаи музофоти Шенсӣ зиёда аз 3000 Реагенти кислотаи нукелин барои муайянсозии сирояти коронавирус кумак  расид.

Тибқи иттилои манбаъ, ҳаҷми кумак, дар маҷмуъ, маблағи беш аз 700 ҳазор доллари ИМА-ро ташкил медиҳад.

Баъди карантини 108 миллион кас: ошкоршавии чанд гирифтори коронавирус дар Чин

Группа китайских врачей прибыли в Таджикистан
Группа китайских врачей прибыли в Таджикистан

Гуфта мешавад, тамоми таҷҳизот ва лавозимоти тибии дастрасшуда, ки барои пешгирӣ аз паҳншавии бемориҳои сироятӣ, аз ҷумла  коронавирус COVID-19 таъинот доранд, ҳамчунин барои муолиҷаи гирифторони бемории коронавирус пешбинӣ шудаанд, ба муассисаҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва сохторҳои он дар шаҳри Душанбе супорида шуд.

Ёдовар мешавем чанд рӯз қабл, гуруҳи 8 нафараи табибони ӯзбеки баъди 13 рӯзи кумак ба ҳамтоёни тоҷикашон баргаштанд. Ҳамчунин ҳоло чор нафари дигар аз табибони ҳамсоякишвар дар вилояти Суғд қарор доранд.

Бар пояи оморҳои ахир, теъдоди гирифторони коронавирус дар кишвар ба 2929 нафар мерасад. Аз ин беморӣ 46 тан ҳалок шудаанд.

80
Барчаспҳо:
табибон, Рустами Эмомалӣ, Душанбе, Чин, Тоҷикистон