Ғанӣ Раҳматов аксҳои ҷасади фарзандашро дар саҳифаи фейсбукиаш гузоштааст

Волидайни сарбоз: писарамонро бо лату кӯб куштанд

73
Хулосаи тиббӣ марги ин сарбозро “гармозадагӣ, фурӯ рафтани забон ва банд шудани роҳи нафас” унвон кардааст, аммо волидайнаш мегӯянд, дар ҷисми вай осори лату кӯб намоён аст.

ДУШАНБЕ, 10 июн — Sputnik. Ҷасади Фирдавс Раҳматов, як ҷавони 22-солаи тоҷик пас аз як моҳи сарбозӣ дар қисми ҳарбии 04080 дар шаҳри Конибодом ба волидонаш супорида шуд, дар ин бора падари сарбоз Ғанӣ Раҳматов дар саҳифаи фейсбукии худ навиштааст.

"Писари меҳрубонам дар Қисми ҳарбии 04080 шаҳри Конибодом, вилояти Суғд санам 07.05.2015 сол ба сафи ҳарбӣ даъват шуда, санаи 07.06.2015 сол ҷасадашро гирифта оварданд", — менависад падари сарбоз дар саҳифааш.

Пост Гани Рахматова в Facebook
Навиштаи Ғанӣ Раҳматов дар бораи писараш Фирдавс Раҳматов

Бино бар гуфтаҳои Ғанӣ Раҳматов, писараш пайваста аз шароити нохуби қисми ҳарбӣ ва лату кӯб шуданаш шикоят мекардааст.

"Хостам ба комиссари ҳарбӣ муроҷиат кунам, писарам маро нагузошт, ки боз лату кӯб мекунанд. Барои чӣ командирон аз болои кирдору рафтори сарбозон назорат намебаранд, ки оқибати ин ба чунин фоҷеа расид. Аз суханони фарзандам маълум гашт, ки сарбозонро аз ҷойҳои камераи навобардор дур бурда, ба ҷойҳое, ки ба навор гирифта намешавад лату кӯб мекарданд", — омадааст дар саҳифаи падар сарбози фавтида.

Волидайни ин сарбоз ба хулосаи тиббӣ, ки марги фарзандашонро "гармозадагӣ, фурӯ рафтани забон ва банд шудани роҳи нафас" гуфтааст, розӣ нестанд.  

Фирдавс Раҳматов, сокинони маҳаллаи 18-уми шаҳри Хуҷанд ва донишҷӯи курси чаҳоруми бахши ғоибонаи Донишгоҳи давлатии ин шаҳр мебошад, ки рӯзи 7 майи соли равон тавассути даъвати маҷбурӣ ё "облава" ба сафи сарбозон даъват шудааст, менависад хабаргузории "Озодагон".

Дилором Раҳматова, модари Фирдавс рӯзи 10 июн дар суҳбат бо хабаргузорӣ гуфтааст, дар ҷасади писараш нишонаҳои латту кӯб ба таври равшан намоён будааст. Хонум Раҳматова афзудааст, масъулини ин қисми ҳарбӣ дар ҳоле фарзияи марги фарзанди онҳоро чунин арзёбӣ мекунанд, ки Додситонии низомии шаҳри Чкалови Суғд тасдиқ карда, Фирдавс бар асари латту кӯби шадид ҷон додааст.

"Прокурор ба мо гуфт, ки он шаб Фирдавсро ба назди ҳоҷатхона бурда, латту кӯб мекунанд ва дар пайи зарбаи охир, ки ба гулӯяш рост омадааст, роҳи нафас банд шуда, боиси марги сарбоз дар размоишгоҳ мешавад", — гуфтааст модари сарбоз.

Ин модари тоҷик, ки баъд аз як моҳи гусели фарзандаш ба сафи қувваҳои мусаллаҳи кишвар ҷасадашро қабул кардааст, аз мақомоти Тоҷикистон талаб дорад, тамоми омилони марги писарашро пушти панҷара баранд. Хонум Раҳматова аз он ибрози нигаронӣ дорад, ки масъулини додситонӣ дар марги Фирдавс танҳо як сержантро айбдор мекунанд, дар ҳоле ки ба гуфтаи ӯ, дар аввал шаш сарбоз дар робита ба марги писараш боздошт шуда буданд.

"Бачаҳаки манро як кас накуштааст. Ҷойи ободеро дар баданаш пайдо кардан мумкин набуд. Инҳо маслиҳат доранду мехоҳанд, айбро дар гардани як нафар бор кунанд. Чӣ магар писари ман таҳти раҳбарии ҳамон сержант ба палигон рафта буд?! Магар онҷо командире набуд?! Хай бачаамро куштанд, майли ҳадди ақал ба мо росташро гӯянд", — гуфтааст модари сарбоз.

Латту кӯб ва марги сарбозон аснои хидмат дар сафи қувваҳои мусаллаҳи Тоҷикистон ҳодисаи наве нест. Дар гузашта низ волидони бархе сарбозон иддао карданд, ки фарзанди онҳо дар пайи мушту лагад маъюб шуда ё ҷон додаанд. Дар интернет низ чандин навори латту кӯби сарбозон аз ҷониби куҳнасарбозон дар гардиш аст. Ахиран, чунин як навор боиси сару садоҳои зиёде шуд, вале масъулини Вазорати дифои Тоҷикистон онро кори дасти "иғвоангезон" хонданд. 

73
Барчаспҳо:
хизмати ҳарбӣ, сарбоз, марг, қисми ҳарбии 04080, Фирдавс Раҳматов, Ғанӣ Раҳматов, Конибодом, Суғд
Национальный банк Таджикистана

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

40
(Таҷдидшуда 01:06 01.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз аввали ҳафтаи равон эълон кард

ДУШАНБЕ, 1 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1507 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6897 то 13.9000 сомонӣ арзёбӣ кардааст. Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1507 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1510- 0,1535 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1510 то 0.1540 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Чаро қурби сомонӣ паст мешавад? Шарҳи намояндаи Бонки миллӣ

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

40
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

1021
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

1021
Барчаспҳо:
Хоруғ, фурудгоҳ, Тоҷикистон