Марзбонони Тоҷикистон. Акс аз бойгонӣ

Сарбозони тоҷик аз асорати Толибон озод шуда ба хона баргаштанд

24
(Таҷдидшуда 11:09 17.06.2015)
Дар ин баёния аз талоши миёнҷигарии амири Қатар бахусус зикр шуда, қайд мегардад, ки барои наҷоти инсонҳо дипломатҳои Қатар аз ҳеч амале рӯ намегардонанд.

ДУШАНБЕ, 17 июн — Sputnik. Сарбозони тоҷик, ки аз моҳи декабр ба ин сӯ дар асорати толибони Афғонистон ба сар мебурданд, озод шуда ба хона баргаштанд, менависад АМИТ Ховар.

Қаблан, расонаҳои афғонистонӣ хабар дода буданд, ки дар озодкунии сарбозони тоҷик амири Қатар шайх Тамим Бин Ҳаммад оли Сонӣ саҳми беандоза дошт.

"Сарбозони қисми низомии 2610 Калонов Фарҳод Мухторович, соли таваллудаш 1989, зода ва истиқоматкунандаи шаҳри Душанбе, Шодиев Меҳроҷ Фатҳуллоевич, соли таваллудаш 1994, зода ва истиқоматкунандаи ноҳияи Рӯдакӣ, Норбоев Туйчибой Абдусамадович, соли таваллудаш 1995, зода ва истиқоматкунандаи ноҳияи Панҷакенти вилояти Суғд ва Давлатов Сироҷ Исломидинович, соли таваллудаш 1991, зода ва истиқоматкунандаи ноҳияи Қумсангирро, ки рӯзи 17-уми декабри соли 2014 дар минтақаи сарҳадии 128/2-и Ҷумҳурии Тоҷикистон аз ҷониби силоҳбадастони номаълум ба қаламрави Ҷумҳурии Исломии Афғонистон рабуда шуда буданд, аз асорат озод карда, ба ватан баргардониданд",- омадааст дар хабари манбаъ.

Дар баёнияи мазкур дар бораи ҷузъиёти чӣ тавр раҳо кардани сарбозон ҳарф зада намешавад. Аммо 13-уми июн вазорати корҳои хориҷии Қатар эълон дошта буд, ки сарбозони тоҷик бо миёнаравии дипломатҳои ин кишвар аз асорати гурӯҳи Толибон раҳо шудаанд. Дар баёния гуфта мешавад, ки аллакай ин чаҳор сарбозро ба мақомоти Тоҷикистон супурдаанд.

Сарбозони як қисми низомии 2610 Тоҷикистон, ки ду нафарашон аз шаҳри Душанбе, як нафар аз ноҳияи Қумсангир ва як нафари дигар аз вилояти Суғд мебошанд, 17-уми декабр аз ҷониби афғонҳо аснои ҷамъоварии ҳезум рабуда шуда буданд.

24
Барчаспҳо:
ба ватан баргаштаанд, сарҳадбонон, марз, аз асорат, озодшавии сарбозони тоҷик, вазорати мудофиаи ҶТ, Толибон, Амири Қатар, шайх Тамим Бин Ҳаммад олӣ Сонӣ, Давлатов Сироҷ Исломидинович, Норбоев Туйчибой Абдусамадович, Шодиев Меҳроҷ Фатҳуллоевич, Калонов Фарҳод Мухторович, Душанбе, Кобул, Афғонистон, Қатар, Тоҷикистон
Мавзуъ
Раиси ноҳияи Панҷ: ба ҷои сарбозон “гаравгон”-и Толибон мешавам
Сотрудники ФСБ РФ во время задержания гражданина одной из Центрально-азиатских республик

Боздошти ҷавони 22 сола дар пойтахт барои ташкили фоҳишахона

2
(Таҷдидшуда 11:43 25.01.2021)
Вазорати умури дохилаи Тоҷикистон аз боздошти ҷавони 22 сола дар пойтахт барои ташкили фоҳишахона хабар дод

ДУШАНБЕ, 25 янв— Sputnik. Бино бар иттилои дафтари матбуоти вазорати умури дохилаи Тоҷикистон,  ҷавони мазкур дар хонаи иҷорагирифтааш фоҳишахона ташкил карда, аз марду зане, ки ба хонаи ӯ барои алоқаи ҷинсӣ меомаданд 150 сомонӣ мукофотпулӣ мегирифтааст. 

Тибқи иттилои манбаъ зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 22-солаи сокини шаҳри Душанбе бо гумони ташкил ва нигаҳдошти фоҳишахона дастгир карда шуд.

Гуфта шудааст, ки номбурда, дар хонаи иҷорагирифтааш, воқеъ дар кӯчаи Сино ба ҷавони 24 ва зани 35-соли сокинони шаҳрҳои Турсунзода ва Душанбе барои алоқаи ҷинсӣ намудан шароит муҳайё намуда, аз онҳо 150 сомонӣ мукофотпулӣ гирифтааст.

Дар ҳоли ҳозир, аз рӯи ҳодиса мазкур тафтишот идома дорад.

Ёдрас мешавем, ки тибқи қонуни нави Тоҷикистон шахсоне, ки ба ташкил ё нигаҳдошти фоҳишахонаҳо, инчунин даллагӣ машғул мебошанд, аз ҳуқуқи падарӣ ва модарӣ маҳрум мегарданд.

2
Барчаспҳо:
ҷавон, Вазорати умури дохилаи Тоҷикистон, боздошт, фоҳишахона, Тоҷикистон
Первый вице-премьер Таджикистана Давлатали Саид, архивное фото

Норасоиҳоро бартараф кунед: супориши Давлаталӣ Саид ба роҳбарони МОИ

89
(Таҷдидшуда 11:54 25.01.2021)
Муовини якуми Сарвазири Тоҷикистон таъкид доштааст, ки мақсади асосӣ аз таъсиси минтақаҳои озоди иқтисодӣ - ин зиёд намудани истеҳсоли маҳсулоти ба содирот нигаронидашуда мебошад

ДУШАНБЕ, 25 янв— Sputnik.  Ахиран дар шаҳри Душанбе таҳти раёсати муовини якуми Сарвазири Тоҷикистон Давлаталӣ Саид, ки ҳамзамон раиси Шӯрои нозирон оид ба масъалаҳои минтақаҳои озоди иқтисодӣ дар Тоҷикистон мебошад, ҷаласаи навбатии Шӯрои мазкур бо иштироки намояндагони вазорату идораҳои марбута баргузор гардид.

Ба нақл аз АМИТ “Ховар” дар ҷаласа ҳисоботи котиби масъули Шӯрои нозирон оид ба масъалаҳои минтақаҳои озоди иқтисодӣ — муовини Вазири рушди иқтисод ва савдо вобаста ба иҷрои қарорҳои ҷаласаҳои пештараи Шӯрои нозирон ва роҳбарони МОИ-и “Суғд”, “Данғара”, “Панҷ”, “Ишкошим” ва “Кӯлоб” шунида шуд.

Давлаталӣ Саид, муовини якуми Сарвазир дар ин ҷаласа таъкид доштааст, ки мақсади асосӣ аз таъсиси минтақаҳои озоди иқтисодӣ- ин зиёд намудани истеҳсоли маҳсулоти ба содирот нигаронидашуда мебошад.

Давлаталӣ Саид ба ҳар камбудиву норасоиҳои ҷойдоштаи дар ҳар  як минтақаи озоди иқтисодӣ таъкид карда, ба роҳбарони минтақаҳои озоди иқтисодӣ вобаста ба бартараф намудани норасоиҳо, тақвият додани фаъолияти минтақаҳои озоди иқтисодӣ, таъсиси корхонаҳои саноатӣ, ҷалби сармоя, зиёд намудани истеҳсоли маҳсулоти воридотивазкунӣ ва содирот намудани онҳо ба хориҷи мамлакат супоришҳои қатъӣ дод.

Гуфта шудааст, ки аз натиҷаи ҷаласа қарорҳои Шӯрои нозирон бо санади дахлдор қабул гардиданд.

89
Барчаспҳо:
Давлаталӣ Саид, содирот, истеҳсол, таъсис, Минтақаҳои озоди иқтисодӣ, Тоҷикистон