Масҷид

18 июн моҳи Рамазон шурӯъ мегардад

276
(Таҷдидшуда 20:08 11.02.2016)
Ҳар мусалмоне, ки худро барои гирифтани рӯза омода кардааст ва холисона рӯза медорад, гуруснагиву ташнагии ин рӯзҳои гарму тӯлониро таҳаммул хоҳад кард.

ДУШАНБЕ, 17 июн — Sputnik. Бар хилофи солҳои қаблӣ, оғози моҳи Рамазон дар Тоҷикистон имсол бо аксарияти кулли кишварҳои мусалмоннишин мусодиф омад. Арабистони Саудӣ ҳам эълон дошт, ки рӯзи нахустини моҳи Рамазон дар он кишвар 18 июн фаро мерасад, тавре ки дар кишвари мо низ ин рӯзро оғози моҳи нав эълон кардаанд.

"Дуруст аст, ки имсол Рамазон дар фасли гармо ва дар дарозтарин рӯзҳои сол иттифоқ афтодааст. Барои инсонҳо рӯза доштан дар ин аём ташнагиву гуруснагиро ба бор меорад, аммо ҳар кӣ сидқан рӯза бидорад, бо итминони комил ин фарзи Илоҳиро анҷом бидиҳад, ташнагиву гуруснагиро таҳаммул хоҳад кард. Аммо ҳар кӣ тардиду шак дорад, хоҳ нохоҳ беқарор мешавад, ташнагиаш дучанд мегардад", — мегӯяд Ҷамолиддин Хомӯшӣ, узви Шӯрои уламо ва корманди Раёсати фатвои Маркази исломии Тоҷикистон.

© Sputnik
Рамазон – моҳи меҳмони Худо

Бино бар қавли оқои Хомӯшӣ, имсол Шӯро бино бар ҳисоби "Эҳҷаззабуд" — гоҳшумории исломӣ ва бо мувофиқаи Институти астрофизикаи Академияи илмҳои кишвар қарори марбут ба оғози Рамазонро содир кардааст.

Зимнан, қарори Шӯрои уламо дар бораи эълон кардани 18 июн ҳамчун рӯзи нахустини моҳи Рамазон 11 июн содир шуд. Ҳамроҳ бо ин қарор Шӯро нисоби закот, садақаи фитр ва фидяи савмро муқаррар кард.

"Нисоби закот имсол аз ҳисоби доллар 1980 доллар муқаррар шудааст. Ҳар кӣ дар хонааш бештар аз ин маблағ пули зиёдати дошта бошад, бояд 2,5 фоизашро закот диҳад. Бо пули сомонӣ ин миқдор доллар баробар ба 12200 сомонӣ баровард шудааст. 2,5 фоизи ин пул 305 сомонӣ мешавад. Аз 400 ҳазор доллар 710 сомонӣ, аз 8 ҳазор доллар 1420 сомонӣ ва ҳамин тавр рӯи ҳам рафта бояд ҳар мусалмони бо имон закот диҳад", — мегӯяд ҷаноби Хомӯшӣ.

Фитри рӯза бошад барои ҳар кадом аъзои хонавода 4 сомонӣ муқаррар шудааст. Фидяи савм (афроди пиру барҷомондае, ки неруи физикии рӯзадориро надоранд, бояд ба муҳтоҷе фидя дар намуди пул ё ғизо пардохт кунанд), барои як рӯзи қазои рӯза 10 сомонӣ таъйин шудааст.

Занҳое, ки тифли кӯчаки ширмак доранд, ё дар ҳолати нифос (40 рӯзи баъд аз таваллуд) қарор доранд, ё дар ҳолати идда (бемории моҳонаи занон) ҳастанд, ҳаққи гирифтани рӯзаро надоранд.

"Рӯза ба ҳар мусалмони болиғ фарз аст. Фарзҳои рӯза инҳоянд: аз субҳи содиқ то фурӯ рафтани офтоб нахурдану наошомидан; дар ин муддат бо ҳамсар қатъи робитаи ҷинсӣ кардан", — илова мекунад узви Шӯрои уламо.

Аммо суннатҳо ва мустаҳаботи рӯза — амалҳои писандидаи рӯзадорӣ — зиёданд. Наозурдани инсонҳо, парҳез аз дашному ҳақорат, парҳез аз тундгӯиву тундхӯӣ, зикри Худо кардан, бечорагонро кӯмак кардан, аз ғайбату дуруғ парҳез кардан ва амсоли ин аз суннатҳои рӯзадорӣ шумурда мешаванд.

Тақвими Рамазон-2015, ки аз ҷониби Шӯрои уламои Тоҷикистон тартиб ёфтааст
Шӯрои уламои Тоҷикистон
Тақвими Рамазон-2015, ки аз ҷониби Шӯрои уламои Тоҷикистон тартиб ёфтааст
276
Барчаспҳо:
анҷом, оғоз, закот, рӯзадорӣ, суннат, фарз, ҳисоб, тақвим, моҳи шарифи Рамазон, Шӯрои уламои Тоҷикистон, Ҷомилиддин Хомӯшӣ, Тоҷикистон
День 7 июля

Ҷашнҳои рӯзи 7 июл дар Тоҷикистон ва ҷаҳон

11
(Таҷдидшуда 20:53 06.07.2020)
Рӯзи ҳафтуми июл дар Танзания – Рӯзи кишоварзӣ буда, дар Осетияи Шимолӣ – Рӯзи ҷумҳурӣ дар Испания Рӯзи ҷумҳурӣ ва дар Қирғизистон Рӯзи кормандони молия мебошад

Рӯзи 6 июл дар ҷаҳон чӣ рух дод

Соли 1754 дар Ню-Йорк Коллеҷи Шоҳ таъсис дода шуд, ки ҳоло ҳамчун Донишгоҳи Колумбия машҳур аст.

День 6 июль
© Sputnik / Стас Этвеш / Вишнякова Мария

Соли 1917 аввалин маротиба дар Парлумони  Эстония интихобот сурат гирифтааст.

Соли 1914 Парлумони Австрия барои муқобили Сербия оғоз намудани  ҷанг қарор қабул намуд.

Соли 1993 дар Иёлати Висконсини Америка  ғолибияти аз ҳама бештари маблағи лоторея ба қайд гирифта шуд, ки маблағи бурд 111 миллион доллари америкоиро ташкил дод.

Соли 1960 дар Арабистони Саудӣ гирифтани маълумоти олӣ барои занон иҷоза дода шуд.

Соли 1972 аввалин бор ду зан ба сифати ҷосуси Маркази федералии ҷустуҷӯӣ савганд ёд кардаанд.

Рӯзи 7 июл дар Тоҷикистон чӣ рух дод

Соли 1993 кушодашавии корхонаи муштараки тоҷикӣ-амрикоии “Sano” дар шаҳри Хуҷанд.

Соли 2009 Ҳукумати Тоҷикистон  ва Бонки рушди Осиё барои дастгирии барномаҳои муҳими иҷтимоӣ ба маблағи 40 миллион доллари амрикоӣ созишномаи грантӣ ба имзо расониданд.

День 5 июль
© Sputnik / Стас Этвеш / Вишнякова Мария

Соли 2010 Гурӯҳи корӣ бо роҳбарии Сарвазири вақти Ҷумҳурии Тоҷикистон Оқил Оқилов ба як зумра шаҳру ноҳияҳои вилояти Хатлон сафар кард.

Соли 2012 Президенти  Ҷумҳурии Тоҷикистон муҳтарам Эмомалӣ Раҳмон машварати корӣ доир намуда, ба масъулин баҳри тезонидани корҳои сохтмонӣ, аз ҷумла, биноҳои маъмурӣ, муассисаҳои таълимиву фарҳангӣ ва иҷтимоиву тандурустӣ, вусъати минбаъдаи корҳои созандагию ободонӣ, бунёди пулу роҳҳо, 6 неругоҳи хурди барқию обӣ дар Вилояти Мухтори Кӯҳистони Бадахшон, таъмини аҳолӣ бо маводи ғизоӣ ва сӯзишворӣ дастуру супоришҳо доданд.

Соли 2013 дар маркази ноҳияи Ҷалолиддини Румӣ бо иштироки Эмомалӣ Раҳмон нахустин дармонгоҳ ва шифохонаи хусусӣ дари худро ба рӯи ниёзмандон боз намуд.

Соли 2013 маросими ифтитоҳи беморхонаи минтақавии сил дар ноҳияи Вахш.

Соли 2016 дар Бишкек ба муносибати 25-солагии Иттиҳоди Давлатҳои Мустақил ҷаласаи Шӯрои сайёҳии кишварҳои ИДМ баргузор гардид.

Ҷашнҳои рӯзи 7 июл

  • Дар Ҷазираҳои Кайман – Рӯзи Конститутсия.
  • Дар Танзания – Рӯзи кишоварзӣ.
  • Дар Осетияи Шимолӣ – Рӯзи ҷумҳурӣ.
  • Рӯзи ҷумҳурӣ дар Испания.
  • Рӯзи кормандони молия дар Қирғизистон.
  • Рӯзи парчам дар Перу.
  • Рӯзи истиқлолият дар Норвегия.
  • Рӯзи шаҳидон дар Малта.

Рӯзи 7 июл кӣ ба дунё омадааст

Соли 1746 — астрономи итолиёӣ Ҷузеппе Пиатси, ӯ нахустин сайёраи хурди  — Тсерерро кашф карда буд.

Соли 1936 — математик ва физики советӣ, профессор, академик Юрий Осипов, ӯ солҳои (1991—2013) президенти Академияи илмҳои Русия буд.

Соли 1962 — сарояндаи русиягӣ, овозхони пешини гурӯҳи "Браво" Жанна Агузарова.

Рӯзи 7 июл дар Тоҷикистон кӣ ба дунё омадааст

Мирмуъмин Абдулов (1958) – сароянда, Ҳунарпешаи шоистаи Тоҷикистон.

Турдихон Бердиева (1942 – 2008) – доктори илми филологӣ, профессор.

Неъматҷон Бобоҷонов (1939 – 1992) – доктори илми ҳуқуқ, профессор.

Назаршо Назаршоев (1954) – доктори илми таърих, профессор.

Ҳофиза Наимова (1923) – журналист, Корманди шоистаи маданияти Тоҷикистон.

Азиз Ниёзмамадов (1941 – 1995) – дирижёр, Ходими шоистаи ҳунари Тоҷикистон.

Равсаниёр Мавлуда (1968)- шоира.

Шоҳвалӣ Саидҷаъфаров (1944) – адабиётшинос, профессор.

Гулузор Тўраева (1941) – меъмор – сохтмончӣ, дорандаи Ҷойизаи давлатии ба номи Рўдакӣ.

Ҷумъақул Ҳамроев (1947)- доктори илми филологӣ, профессор.

Шокирзода Замон (1941) – нависанда.

 

Рӯзи 7 июл кӣ вафот кард

Соли 1718 — подшоҳ Алексей, писар ва меросхӯри Петри I.

Соли 1930 — нависандаи англис, офаринандаи симои Шерлак Хомс Артур Конан Дойл.

Соли 1967 — ҳунарпешаи англис, дорандаи дукаратаи "Оскар".

11
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 30 июн дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон
Грузовик с газом, архивное фото

Гази моеъ дар Тоҷикистон гарон шуд

184
ар замони шуюи корона қиммати ҳар литр сухт ҳудуди 2 сомонию 8 дирам ва қиммати ҳар литр гози моеъ низ ҳудуди 3 сомонию 8 дирам расид.

ДУШАНБЕ, 6 июл — Sputnik. Қиммати гази табии моеъ дар Тоҷикистон таи як ҳафтаи гузашта 35 дар сад афзоиш ёфт, гузориш медиҳад "Парс тудэй".

Ба гузориши мандаъ, бархе коршиносон иллати афзоиши қимматро поёни қарантина ва афзоиши тараддуди теъдоди мошинҳо эълом мекунад.

Қиммати гози табии моеъ дар ҷойгоҳҳои сухти Тоҷикистон тайи як ҳафтаи гузашта 35 дар сад афзоиш ёфт.

Дар замони шуюи корона қиммати ҳар литр сухт ҳудуди 2 сомонию 8 дирам ва қиммати ҳар литр гози моеъ низ ҳудуди 3 сомонию 8 дирам расид. 

"Вақте ки карантин сар шуд, нархи бензин тақрибан 50 дарсад коҳиш ёфт (2 сомонию 50 дирам), аммо ҳоло, ки мошинҳои зиёд дар кӯчаҳо мераванд, талабот ба сӯзишворӣ афзоиш ёфтааст" - гуфт коршиноси соҳаи энергетика Дмитрий Газафов.

Паравандаи ҷиноӣ алайҳи Юрий Долгов барои қочоқи гази моеъ аз Қирғизистон ба Тоҷикистон

У афзуд: Дар ҳоли ҳозир, сухти масрафии бештари васоили нақлия дар Тоҷикистон гази табии моеъ (LNG) ва арзонтар аз бензин аст. Соли гузашта Тоҷикистон 430 ҳазор тонна гази табии моеъ, ҳудуди 180 ҳазор тонна бензин ва ҳудуди 250 ҳазор тонна дизел ворид кард.

Тоҷикистон сухти мавриди ниёзи худро аз Русия ва Қазоқистон ворид мекунад

184