Парлумони Тоҷикистон. Акс аз бойгонӣ

МН санади андозбандии кормандони сафорати ИМА-ро имзо кард

17
(Таҷдидшуда 09:39 01.07.2015)
Қаблан кормандони маҳалии САҲА дар Тоҷикистон низ аз сӯи парлумон андозбандӣ шуда буданд.

ДУШАНБЕ, 30 июн — Sputnik. Созишнома байни Ҳукумати Тоҷикистон ва Ҳукумати Иёлоти Муттаҳидаи Амрико дар мавриди андозбандии кормандони маҳаллии Сафорати Амрико дар Душанбе аз сӯи парлумон ба тасвиб расид, менависад сомонаи парлумон.

Ин санад рӯзи сешанбеи 30 июн зимни баргузории ҷаласаи навбатии Маҷлиси Намояндагон, палатаи поёнии порлумони Тоҷикистон бо аксарияти орои вакилон қабул гардид.

Парвиз Давлатзода, муовини вазири корҳои хориҷии Тоҷикистон зимни муаррифии ин санад дар ҳузури вакилон гуфт, ки мавзӯи андозбандии кормандони маҳаллии сафорати ИМА дар Тоҷикистон муддати яку ним соли ахир мавриди музокира қарор дошт, ки дар ниҳоят натиҷаи самарбахш дод.

Ба гуфтаи ҷаноби Давлатзода, тарҳи Созишнома байни Ҳукумати Ҷумҳурии Тоҷикистон ва Ҳукумати Иёлоти Муттаҳидаи Амрико оид ба андозбандӣ намудани кормандони маҳаллии Сафорати ИМА дар Ҷумҳурии Тоҷикистон ба таърихи 29-уми апрели соли ҷорӣ аз ҷониби раиси Кумитаи андози назди Ҳукумати Ҷумҳурии Тоҷикистон Нусратулло Давлатзода ва сафири ИМА дар Тоҷикистон Сюзан Эллиотт дар шаҳри Душанбе ба имзо расид.

Маблағи андози кормандони маҳаллии сафорати ИМА дар Тоҷикистон 400 ҳазор долларро ташкил медиҳад, навиштааст "Радиои Озодӣ". Қаблан ҳамчунин созишномае миёни Ҳукумати Тоҷикистон ва САҲА барои андозбандии кормандони маҳаллии ин созмони байналмилалӣ низ имзо шуда ва аз ҷониби порлумон тасвиб шуда буд.

17
Барчаспҳо:
400 ҳазор доллар, кормандони маҳаллӣ, андозбандӣ, қонун, Сафорати Амрико дар Тоҷикистон, Парлумон, Умед Давлатзод, Амрико, Тоҷикистон
Таблетки, архивное фото

“Авифавир”: нахустин доруи зидди COVID-19 дар Русия аз суи Вазорати тандурустӣ тасдиқ шуд

204
(Таҷдидшуда 10:32 31.05.2020)
Вазорати тандурустии Русия як доруеро тасвиб кард, ки ба паҳншавии коронавирус дар бадан монеъ мешавад

ДУШАНБЕ, 31 мая — Sputnik. Вазорати тандурустии Русия аввалин доруи сохти ватании зидди коронавирусро барои истеҳсол иҷоза дод, хабар медиҳад РИА Новости.

Маводи доруворӣ бо тамғаи иҷоратии “Авифавир” аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда шудааст.

Гуфта мешавад, Авифавир нахустин доруи мустақими вирусии сохти  Русия аст, ки дар озмоишҳои клиникӣ самараи худро нишон додааст.

Дору ба паҳншавии коронавирус дар тамоми бадани инсон халал мерасонад.

Қаблан Созмони Ҷаҳонии Беҳдошт гуфта буд, ки бидуни ваксина пандемияро комилан мағлуб имкон надорад.

“Авифавир на танҳо доруи антивирусӣ алайҳи коронавирус дар Русия ба қайд гирифта шудааст, балки мумкин аст, умедворкунандатарин доруи зидди COVID-19 дар ҷаҳон бошад”,- гуфт директори генералии Фонди сармоягузории мустақими Русия (РФПИ) Кирилл Дмитриев.

Снаи 24 май, нахустурологии Вазорати тандурустӣ, академик Дмитрий Пушкар эълон карда буд, ки аввалин дору барои табобати коронавирус дар бозори Русия моҳи июн пайдо мешавад. Ба гуфтаи табиб, бо истифода аз ин дору, табобати сирояти коронавирус на зиёда аз як ҳафта тул хоҳад кашид.

Вазорати тандурустӣ аз тадриҷан кам шудани коронавирус дар Тоҷикистон хабар дод

Бино бар пояи оморҳои ахир давоми як рӯзи охир дар Русия 8952 ҳолати нави сироятёбӣ бо коронавирус ошкор шудааст. Дар маҷмӯъ, 396.575 нафар тасдиқ карда шуданд, ки аз он 4,5 ҳазор нафар фавтиданд, беш аз 167 ҳазор бемор шифо ёфтаанд.

204
Ноги и футбольный мяч

Футболи Ӯзбекистон 5 июн ба майдон бармегардад

51
Омодагӣ барои тамрину мусобиқаҳо бояд тибқи қоидаҳои санитарӣ, меъёрҳо ва стандартҳои гигиена сурат гирад.

ДУШАНБЕ, 31 мая — Sputnik. Бозиҳои чемпионати Лигаи касбии футболи Ӯзбекистон аз 5 июн оғоз меёбанд, вале бидуни тамошобинон ба хотири чораҳои зидди паҳншавии COVID-19 баргузор мешаванд.

Қарорри мазкурро Комиссияи махсуси ҷумҳуриявӣ оид ба мубориза бо коронавирус қабул кардааст.

Чемпионати футболи Ӯзбекистон рӯзи 16 март, пас аз як рӯзи дарёфти аввалин гирифтори COVID-19 дар ин кишвар, боздошта шуда буд.

"Аз 5 июн иҷозат дода мешавад, ки чемпионати Лигаи касбии футболи Ӯзбекистон бидуни тамошобинон идома дода шавад", - омадааст дар шабакаи Телеграммаи Вазорати адлия.

Бошгоҳҳои футболи касбӣ бояд машқҳоро тибқи қоидаҳои санитарӣ, меъёрҳо ва стандартҳои гигиена гузаронанд.

Ёдовар мешавем, ки Комиссияи махсуси мубориза бо коронавирус дар ҷумҳурӣ чораҳои карантиниро то 15 июн тамдид кард. Аммо аз 1 июн дар баъзе аз минтақаҳои санаторияҳо, клубҳои варзишӣ кушода, тӯйҳо ва ҷашнҳо иҷозат дода мешаванд.

Мақомоти Ӯзбекистон сар аз оғози моҳи май дар минтақаҳое, ки шуъи коронавирус дар он паст шуд чораҳои қарантиниро сустар карданд.

Ҳамчунин, сар аз 15 май кори паркҳо, музейҳо ва варзишгоҳҳо дубора барқарор шуданд.

Ӯзбекистон бинобар афзоиши COVID-19 қарантинаро шадидтар мекунад

Аз 18 май робитаҳои нақлиёти мусофирбар байни Тошканд ва минтақаҳои кишвар барқарор гардид.

Рӯзи 11 март Созмони Ҷаҳонии Беҳдошт коронавирусро пандемия эълон кард. Тибқи охирин маълумоти ТУТ, дар ҷаҳон беш аз 6 миллион ҳодисаи беморӣ ба қайд гирифта шудааст, беш аз 357 ҳазор нафар ҷон додаанд.

Дар Ӯзбекистон шумораи ҳодисаҳои ба қайд гирифташуда ба 3 546 расид. 14 бемор фавтида, 2 783 нафар шифо ёфтанд.

51

Афзоиши гирифторони коронавирус дар ҷаҳон: аз 6 миллион гузашт

0
(Таҷдидшуда 11:18 31.05.2020)
Теъдоди  умумии гирифторони маризии коронавирус дар ҷаҳон ба 6 миллиону 54 ҳазору 187 нафар арзёбӣ мекунад

ДУШАНБЕ, 31 мая — Sputnik. Ба гузориши охирини Донишгоҳи Ҷон Хопкинси Амрико сар аз оғози пандемия то кунан 368 711 нафар ҳалок ва 2 миллиону 562 ҳазору 191бемор шифо ёфтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, Амрико(1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

Аз ҳама бештар беморон дар Амрико (390 404 нафар), Бразилия (200 892), Испания (150 376), Олмон(164 829), Русия (167 469), Италия (155 633), Туркия (126 984), Эрон (116 827), Чин (78 291) ва Ҳиндустон (86 984) шифо ёфтаанд.

Ба қатори давлатҳое, ки дар онҳо теъдоди зиёди ҳолатҳои фавт ба қайд гирифта шудааст, Амрико (105 59), Британияи Кабир (38 376), Италия (33 340), Фаронса (28 77), Испания (27 125), Бразилия (28 834), Белгия (9 453), Мексика (9 779), Олмон (8 600) ва Эрон (7 734) шомил мебошанд.

Вазорати тандурустӣ аз тадриҷан кам шудани коронавирус дар Тоҷикистон хабар дод

Дар Тоҷикистон аз бурузи маризии коронавирус ба таври расмӣ 30 - юми апрел хабар доданд.

Теъдоди гирифторон ба ин маризӣ дар кишвар ба 3807 нафар расида, 1865 нафар шифо ёфтаанд. Ҳамзамон бар асари ин маризӣ дар кишвар 47 нафар ҷон бохтанд.

0