Эмомалӣ Раҳмон. Акс аз бойгонӣ

Эмомалӣ Раҳмон профессори фахрии CERIS-и Брюссел шуд

5
(Таҷдидшуда 09:40 03.07.2015)
Сомонаи президент менависад, унвони мазкур дар арафаи таҷлили Рӯзи Ваҳдати миллӣ ба Эмомалӣ Раҳмон ироа шудааст.

ДУШАНБЕ, 3 июл — Sputnik. Эмомалӣ Раҳмон, раисиҷумҳури Тоҷикистон бо қарори Шӯрои академии Маркази аврупоии тадқиқоти байналмилалӣ ва стратегӣ (CERIS) муассисаи таҳсилоти олии Иттиҳоди Аврупо, унвони фахрии профессори ин марказро гирифтааст, менависад сомонаи президент.

Сомона менависад, ин унвон ба Эмомалӣ Раҳмон "дар арафаи таҷлили Рӯзи Ваҳдати миллӣ" дода шуд.

"Маркази мазкур, ки мақарраш дар шаҳри Брюссел аст, унвони профессори фахриро бо назардошти аҳамияти байналмилалии таҷрибаи нодири сулҳи байни тоҷикон ва нақши таърихии президент Эмомалӣ Раҳмон дар ҳифзи сулҳу субот, ваҳдати миллӣ ва рушди минбаъдаи кишварамон додааст", — омадааст дар сомона.

Маркази аврупоии тадқиқоти байналмилалӣ ва стратегӣ соли 1985 бо ташаббуси профессорони донишгоҳҳо, дипломатҳо ва хизматчиёни аршади давлатӣ бо мақсади пешбурди тадқиқот ва додани маълумоти пурраи олӣ дар соҳаи сиёсат, муносибатҳои байналмилалӣ ва сиёсати рушд таъсис ёфтааст.

"Марказ ба хоҳишмандон курсҳои яксолаи магистратураро дар соҳаи "Сиёсати байналмилалӣ" ва "Сиёсати рушд" пешниҳод менамояд. Дар ҳоли ҳозир сафирон, дипломатҳои ҷавону собиқадор, намояндагони сохторҳои Иттиҳоди Аврупо, НАТО ва дигар ташкилоту созмонҳои байналхалқии муқими Аврупо донишҷӯёни он Марказ мебошанд", — шарҳ додааст сомона.

5
Барчаспҳо:
профессори фахрӣ, унвон, CERIS, Маркази аврупоии тадқиқоти байналмилалӣ ва стратегӣ, Эмомалӣ Раҳмон, Брюссел, Душанбе
Абдуваҳҳоб Искандаров, собиқ сардори милиса дар Кӯлоб ва ВМКБ

Даргузашти боз як генерал - собиқ сардори милисаи Кӯлобу Бадахшон, баъди бародараш

2383
(Таҷдидшуда 15:09 31.05.2020)
Абдулваҳҳоб Искандарзода, собиқ сардори Раёсати вазорати корҳои дохилии Тоҷикистон дар минтақаи Кӯлоб ва Вилояти Мухтори Куҳистони Бадахшон даргузашт. Ин дуюмин мусибат дар хонаводаи Искандарзодаҳо тайи ду ҳафтаи охир мебошад

ДУШАНБЕ, 31 май - Sputnik. Як манбаъ дар Раёсати ВКД – и вилояти Хатлон дар таъйиди ин хабар ба Sputnik Тоҷикистон гуфт, марҳум шаби гузашта дар манзили худ ҷон ба фонофарин таслим кардааст.

“Он кас ҳудуди як моҳ ба ин сӯ таҳти назорати табибон буданд. Як муддат дар шифохона ва сипас манзилашон табобат гирифтанд. Аммо дар бораи маризиашон маълумоте надорем”, - гуфт ин манбаъ.

Абдулваҳҳоб Искандарзода узви дуюми хонаводаашон аст, ки тайи як моҳи ахир вафот кардааст. Ду ҳафтаи қабл бародари ӯ Абдусалом Искандарзода, собиқ сардори Раёсати Бозрасии давлатии автомобилии ВКД Тоҷикистон дар гуруҳои навоҳии минтақаи Кӯлоб фавтида буд.

Бино ба иттилои маркази матбуоти Вазорати корҳои дохилии Тоҷикистон, Искандарзода Абдулваҳҳоб Мансур 25 ноябри соли 1957 таваллуд ёфта, хизмати аскариро дар Ҷумҳурии демократики Афғонистон дар сафи Нерӯҳои мусаллаҳи Иттиҳоди Шӯравӣ адо кардааст ва бо нишонҳои президуми Шӯрои олии Иттиҳоди Шӯравӣ “Ҷанговари интернатсионалисти Иттиҳоди Шӯравӣ” ва президенти Афғонистон қадрдонӣ шудааст.

 Бино ба ин манбаъ, аз 22 майи соли 1984 дар сафи милиса ба фаъолият оғоз намудааст.

“Дар раёсати шӯъбаҳои милисаи собиқ вилояти Кӯлоб дар вазифаҳои нозири шуъбаи кадрҳо Раёсати корҳои дохилӣ (РКД), нозири калони РКД, ёвари сардор ва сардори шуъбаи кадрҳо ва кор бо ҳайати шахсии РКД, сардори РКД, сардори Шӯъбаи корҳои дохилӣ ва сардори бахши минтақаӣ кор кардааст. Як замон муовини сардори Раёсати вазорати корҳои дохилӣ дар гуруҳи навоҳии минтақаи Кӯлоби вилояти Хатлон, сипас муовини сардори Раёсати ВКД дар Вилояти мухтори Кӯҳистони Бадахшон кор кардааст”, - омадааст дар баёни ҳасби ҳоли ӯ.

Абдулваҳҳоб Искандарзода 20 январи соли 2016 сардори РВКД дар Вилояти вилояти мухтори Кӯҳистони Бадахшон таъйин шуд. Рӯзи 25 августи соли 2017 аз сӯи президенти Тоҷикистон ба ӯ рутбаи генерал-майори милиса дода шуд.

Сипас 12 декабри соли 2017 аз вазифаи сардори РВКД дар вилояти мухтори Кӯҳистони Бадахшон сабукдӯш ва баъдтар муовини сардори сардори РВКД дар вилояти Хатлон таъин шуд.

 “Ӯ чанде қабл ба нафақа рафт ва зиндагии мулкиро аз сар гирифт. Ӯ дар хотираҳои мо ҳамчун як ҳамкори меҳрубон ва низомии ҳирфаиву ватандӯст боқӣ хоҳад монд”, - гуфтанд дар Раёсати ВКД – и вилояти Хатлон.

Дар ҳамин ҳол, Абдулваҳҳоб Искандарзода танҳо генерал – майоре нест, ки тайи ду моҳи ахир дар Тоҷикистон олами фониро тарк кардааст. Қаблан Абдулло Ҳабибов, собиқ муовини вазири дифоъ, Абдураҳмон Азимов, фармондеҳи собиқи нирӯҳои сарҳадии Тоҷикистон, Абдулназар Абдуласанов, собиқ муовини вазири дифоъи Тоҷикистон низ дар айни бознишастагӣ ба даъвати ҳақ пайвастанд.

2383
Электросчетчик, архивное фото

Боздошти собиқ нозири барқ: аз вазифа рафту, аммо пули сокинонро мегирифт

116
(Таҷдидшуда 14:53 31.05.2020)
Пулиси ноҳияи Ҷаббор Расулов дар пайи коркарди ахбороти оперативӣ корманди собиқи шабакаҳои барқии ҳамин ноҳия барои азхудсозии маблағи истифодабарандагони барқ боздошт кардааст

ДУШАНБЕ, 31 май — Sputnik. Бино ба гузориши Акбар Шариф, сухангӯи Раёсати Вазорати умури дохила дар Суғд дар пайи шикояти шаҳрвандон Улуғбек Бегиҷонови  41 сола барои қаллобӣ ва фиреби сокинон боздоштшудааст.

Бино ба иттилои манбаъ, Бегиҷонов собиқ назоратчии шабакаҳои барқи ҳамин ноҳия баъди аз вазифа рафтан низ маблағи истифодабарандагони барқро гирифта ба фоидаи худ сарф мекардааст.

Манбаъ мегӯяд собиқ нозири шабакаҳои барқ замони фаъолияташ маблағи сокинонро ба суратҳисоби Барқи тоҷик нагузаронида баъди аз кор рафтан низ худро назоратчии фурӯши барқ муаррифи карда даст ба мардумфиребӣ задааст.

Ӯ ҳамчунин ба боварии муштариён даромада, бо ваъдаи мусоидат кардан дар пардохти кам нисбат ба оне, ки ҳисобкунаки барқӣ ҳисоб кардааст, маблағ ба даст оварда ба фоидаи худаш сарф кардааст.

Дар навори гузориш яке аз зарардидагон гуфт, ҳисобкунаки барқияш 30 ҳазо кор кард, аммо Бегиҷонов бо ваъдаи он ки корро бо 8 ҳазор ҳал мекунад, пулро гирифту корро накард.

Номбурда,  ҳамчунин барои аз саҳни ҳавлиҳо ба берун кучонидани симчубҳо ва гирифтани иҷозатномаи соҳибкорӣ аз сокинон пул мегирифтааст.

 

Гуфта мешавад, қаблан низ дар давоми фаъолияташ ӯ ду маротиба барои азхудсозии маблағҳо суд шуда буд, аммо дубора ба ин вазифа роҳ ёфту боз корашро такрор кард.

ВУД мегӯяд, нисбат ба гумонбар парвандаи ҷиноӣ оғоз гардида аз рӯйи шикояти сокинон тафтишот идома дорад.

116
Дӯкони гӯштфурӯшӣ, акс аз бойгонӣ

Азми "Мармарӣ" барои таъмини фаровонӣ дар бозори гӯшти мурғу гов

0
(Таҷдидшуда 15:34 31.05.2020)
Эмомалӣ Раҳмон, раисиҷумҳури Тоҷикистон, ки қаблан болоравии нархи гӯштро ба афзоиши талабот рабт дод, ахиран зимни сафараш ба Хатлон барои рушди чорводорӣ ва таъмини бозори истеъмолӣ дастур дод

ДУШАНБЕ, 31 май - Sputnik. Эмомалӣ Раҳмон дар мулоқот бо фаъолони вилояти Хатлон гуфт, соли 2020 бо ҷалби сармояи ватанӣ аз ҷониби Ҷамъияти “Мармарӣ” дар ноҳияи Данғара ба истифода додани корхонаи истеҳсоли гӯшти паранда ба маблағи 153 миллион сомонӣ бо иқтидори истеҳсолии зиёда аз 5 ҳазор тонна дар як сол ба нақша гирифта шудааст.

Ӯ афзуд, ки фаъолияти корхона ба истеҳсоли маҳсулоти ивазкунандаи воридот равона гардидааст.

"Инчунин, соли ҷорӣ аз ҷониби ширкати зикршуда ташкили корхонаи истеҳсоли гӯшти чорво дар ноҳияи Ёвон барои истеҳсоли 1000 тонна гӯшти гов дар як сол ба маблағи 105 миллион сомонӣ бо 32 ҷойи кори доимӣ ва зиёда аз 70 ҷойи кори мавсимӣ дар назар дошта шудааст", - изҳор дошт Эмомалӣ Раҳмон.

Раисиҷумҳури Тоҷикистон ба мақомоти иҷроияи ҳокимияти давлатии вилоят ва шаҳру ноҳияҳои он супориш дод, ки барои рушди чорводориву парандапарварӣ, моҳипарварӣ, ташкили маҷмааҳои агросаноатӣ бо мақсади ба роҳ мондани силсилаи пурраи истеҳсол ва коркарди маҳсулоти соҳаҳои растанипарварӣ ва чорводорӣ, маҷмааҳои парандапарварӣ ва ба ин васила ҳарчи беҳтар таъмин намудани бозори истеъмолӣ тадбирҳои иловагӣ андешанд

0
Барчаспҳо:
гӯшт, Тоҷикистон