Саидмукаррам Абдулқодирзода. Акс аз бойгонӣ

Ҷаласаи Шӯрои уламо барои дақиқ кардани Иди фитр ба таъхир афтод

31
Рӯзи душанбеи 13 июл аъзои Шӯрои уламо барои муайян кардани санаи дақиқи Иди Рамазон ҷамъ меояд.

ДУШАНБЕ, 10 июл — Sputnik. Ҷаласаи Шӯрои уламои Маркази исломӣ, ягона ниҳоди дорои ҳаққи судури фатво дар Тоҷикистон, ки қарор буд он ҷо санаи Иди фитр дақиқ шавад, ба таъхир афтодааст, менависад хабаргузории "Озодагон".

Сайидмукаррам Абдулқодирзода, раиси Шӯрои уламои кишвар рӯзи 10 июл дар намози ҷумъа дар Масҷиди марказии шаҳри Душанбе гуфтааст, ҷаласаи онҳо барои дақиқ кардани Иди фитр ҳафтаи оянда баргузор хоҳад шуд.

Намози таровеҳ дар моҳи Рамазон
© Sputnik / Тарас Литвиненко

Ба таъкиди Абдулқодирзода, ин ҷаласа ба рӯзи 13 июл гузошта шудааст. Дар ҳоле ки қарор буд дирӯз, 9 июл баргузор шавад.

"Рӯзи дақиқи Иди фитрро баъд аз ҷаласаи Шӯрои уламо тавассути телевизиону радио ва расонаҳо ба самъи Шумо хоҳем расонид", — зикр кардааст ҷаноби Абдулқодирзода.

Раиси Шӯрои уламо рӯзи 7-уми июл зимни як нишасти матбуотӣ дар Душанбе гуфта буд, имсол тоҷикистониён 29 рӯз рӯза мегиранд. Ба қавли Абдулқодирзода, барои муайян кардани санаи дақиқи Иди фитр Маркази исломӣ комисияи вижа ташкил кардааст ва ҳамчунин хулосаи пажуҳишгоҳи Астрофизикаи академияи улуми Тоҷикистонро низ гирифтааст.

Тибқи изҳороти қаблии муфтӣ, Рамазон, ки имсол 18-уми июн фаро расид, 16-уми июл поён хоҳад ёфт. Дар назар аст, тоҷикистониён Иди Саиди Фитрро 17-уми июл таҷлил кунанд.

Моҳи шарифи Рамазон аз моҳҳои солшумории ҳиҷрии қамарӣ ба ҳисоб рафта, дар тақвими исломӣ баъд аз моҳи шаъбон ва қабл аз моҳи шаввол меояд. Мусулмонон дар ин моҳ рӯза гирифта, бештар ба ибодат ва қироати Қуръон машғул мешаванд.

31
Барчаспҳо:
душанбе, ҷаласа, 29 рӯз, дақиқ, Иди Рамазон, Шӯрои уламои Тоҷикистон, Саидмукаррам Абдулқодирзода, Тоҷикистон
Маҳмадҷон Ҳабибуллоев, сармураббии дастаи Регар ТадАЗ, аз чап

Маҳмадҷон Ҳабибуллоев сармураббии нави дастаи "Куктош" таъйин шуд

35
(Таҷдидшуда 12:45 07.07.2020)
Маҳмадҷон Ҳабибуллоев, мураббии муваффақ ва шинохтаи тоҷик ба вазифаи сармураббии дастаи “Куктош”-и ноҳияи Рӯдакӣ таъйин шуд

ДУШАНБЕ, 7 июл — Sputnik. Ӯ дар ин вазифа Раҳматулло Фузайловро иваз кард, хабар медиҳад сомонаи varzishtv.tj.

Ҳабибуллоеви 55-сола аз соли 2001 то 2013 дар бошгоҳи “Регар ТадАЗ” фаъолият намуда, шаш карат чемпиони Тоҷикистон (солҳои 2001, 2002, 2003, 2004, 2006, 2007, 2008), се карат барандаи Ҷоми Президенти КФО (2005, 2008, 2009) ва Ҷоми Тоҷикистон (2001, 2005, 2006) шудааст.

 Номбурда  соли 2014 дар вазифаи сармураббии “Делерон-Уротеппа”-и Истаравшан фаъолият намуда, дар соли нахуст дастаро ба зинаи сеюми ҷадвал баровард.

Ҳамчунин моҳи феврали соли 2015 як муддат тими “Равшан”-и Кӯлобро тамрин дод ва июли ҳамон сол пас аз чанд моҳи сармураббӣ шуданаш истеъфо дод.

Баъдан, худи ҳамон сол  ба вазифаи сармураббии дастаи “Ҳосилот” даъват шуда, тими мазкурро аз Лигаи якум ба Лигаи олӣ баровард, медалҳои нуқраи мусобиқаро ба даст овард.

Ӯ соли 2007 як муддат сармураббии тими миллии кишвар ва баъдан яккачини ҷавонони Тоҷикистон оид ба футбол (U-21) буд.

35
Как прошел тотальный диктант в Душанбе

Имтиҳонсупорӣ дар замони коронавирус: ММТ санаи эълони хол ва балҳоро гуфт

237
(Таҷдидшуда 12:28 07.07.2020)
Имтиҳони дохилшавӣ ба донишгоҳу донишкадаҳои Тоҷикистон дар шароити паҳншавии коронавирус бо риоя намудани як қатор тадбирҳои иловагӣ сурат гирифт

ДУШАНБЕ, 7 июл — Sputnik. Маркази миллии тестӣ аз баргузор шудани имтиҳонҳои дохилшавӣ барои довталабони соли ҷорӣ хабар дод, хабар медиҳад агентии "Ховар".

Открытие нового здания факультета политики и государственного управления Государственного университета Бохтара
© Официальная страница пресс-службы президента РТ в Facebook.

Ба иттилои манбаъ, мувофиқи ҷадвали муқарраршуда аз 1 то 7 июли соли равон дар 48 маркази имтиҳоние, ки тибқи рӯйхати тасдиқкардаи Вазорати маориф ва илми Ҷумҳурии Тоҷикистон дар заминаи муассисаҳои таълимии таҳсилоти миёнаи умумии 18 шаҳру ноҳияи ҷумҳурӣ ташкил карда шудаанд, даври асосии имтиҳонҳо баргузор гардид.

Навбатҳои тӯлонӣ дар Хуҷанд: оғози имтиҳонҳо барои таҳсил дар донишгоҳҳои Русия - акс

Манбаъ меафзояд, эълони натиҷаҳои имтиҳонҳо (хол ва балҳои бадастовардаи ҳар яке аз довталабон ва ба озмуни тақсимот роҳ ёфтан ё наёфтани онҳо) имсол 19 июл ба нақша гирифта шудааст.

"Даври асосии имтиҳон дар заминаи таҳсилоти умумӣ – қисми А барои довталабони дорои таҳсилоти миёнаи умумӣ, ибтидоӣ ва миёнаи касбӣ вобаста аз ҳар яке аз гурӯҳҳои ихтисосҳо, тибқи ҷадвали баргузории имтиҳонҳо (даври асосӣ), то 6 июл идома ёфта, довталабони дорои таҳсилоти умумии асосӣ (синфи 9-ум) имтиҳон дар заминаи таҳсилоти умумии асосӣ – қисми Б-ро дар даври асосӣ имрӯз, 7 июл месупоранд", - таъкид мешавад дар хабар.

Гуфта мешавад, дар шароити паҳншавии бемории COVID-19, даври имтиҳонсупорӣ бо риоя шудани як қатор тадбирҳои иловагӣ ба нақша гирифта шуд.

Аз ҷумла, ҳар як маркази имтиҳонӣ бо мавод ва воситаҳои зарурӣ тибқи талаботи санитарию гигиенӣ ва эпидемиологӣ таъмин карда шуд. Дар ҳар як маркази имтиҳонӣ иловатан як корманди техникӣ барои анҷом додани корҳои безараргардонӣ (дезинфексия) ҷалб гардидадааст.

Баъди артиш дохилшавӣ ба донишгоҳ осонтар мешавад: имтиёзи ММТ ба хизматкардаҳо

Гузашта аз ин, мувофиқи тартиби муқарраркардаи Ҳукумати Ҷумҳурии Тоҷикистон, барои таъмини шаффофият ва назорати раванди имтиҳонҳо дар ҳар маркази имтиҳонӣ комиссияи ҷамъиятӣ фаъолият мекунад, ки ҳайати онро мақомоти иҷроияи маҳаллии ҳокимияти давлатии шаҳр ё ноҳияе, ки дар ҳудуди он маркази имтиҳонӣ амал мекунад, муайян ва тасдиқ кардааст.

Шумораи умумии ҳайати комиссияҳои ҷамъиятии ҳамаи марказҳои имтиҳонӣ соли ҷорӣ 144 нафарро ташкил медиҳад.

237
Барчаспҳо:
имтиҳон, довталабон, ММТ, Тоҷикистон
Кран в ванной комнате, архивное фото

Таъмини деҳаи Баравун бо оби нӯшокӣ бо харҷи 1,5 миллион сомонӣ

0
(Таҷдидшуда 13:19 07.07.2020)
Мақомоти иҷроияи ҳокимияти давлатии ноҳияи Ванҷ аз таъмини деҳа Баравуни ноҳия бо оби нӯшокӣ хабар додаанд, ки арзиши лоиҳа 1,5 миллион сомониро ташкил додааст

ДУШАНБЕ, 7 июл — Sputnik.  Дар деҳаи Баравуни ҷамоати деҳоти Ҷовидони ноҳияи Ванҷ дарозтарин хати оби нӯшокӣ ба истифода дода шуд, иттилоъ дод хабаргузории “Ховар”.

Ба иттилоли манбаъ, дарозии хати оби нӯшокӣ 14 км буда, 62 нуқтаро дар бар мегирад.

Дар маросими ифтитоҳи хати оби нӯшокӣ раиси Вилояти Мухтори Кӯҳистони Бадахшон Ёдгор Файзов, раиси ноҳияи Ванҷ Ҷаббори Қосим ва намояндагони шарикони рушд иштироку сухан карданд.

“Зикр гардид, ки арзиши лоиҳавии иншоот якуним миллион сомонӣ буда, саҳми мардум дар бунёди он назаррас мебошад.  Хати оби нӯшокӣ бо усули муосир сохта шуда, барои сарфаи дурусти об ҳисобкунакҳо васл карда шудаанд”, - омадааст дар иттилоия..

Зикр шуд, иншооти мазкур дар доираи Барномаи рушди манотиқи кӯҳистон оид ба таъмини аҳолӣ бо оби ошомиданӣ дар ҳамкорӣ бо шарикони рушд мавриди истифода қарор гирифт.

0
Барчаспҳо:
об, Тоҷикистон