Бинои ВКХ ҶТ дар Душанбе. Акс аз бойгонӣ

Вазорати умури хориҷаи ҶТ: $100 миллион ҳаҷми хисороти офати табиӣ

16
(Таҷдидшуда 15:32 21.07.2015)
Вазорати хориҷаи Тоҷикистон гуфтааст, бо таваҷҷӯҳ ба собиқаи ҳамкории ҳукумати кишвар бо созмонҳои хориҷӣ ва намояндагониҳои дипломатӣ, умедвор аст, ки ин бор ҳам онҳо барои бартараф кардани оқибати офати табиӣ кумак мерасонанд.

ДУШАНБЕ, 21 июл — Sputnik. Хисороти офати табиии рӯзҳои охир наздик ба 100 миллион доллари амрикоӣ баровард шудааст, менависад сомонаи вазорати умури хориҷии Тоҷикистон.

Оқибати офати табиӣ дар ВМКБ. 20 июли соли 2015
Предоставлено Акмалом Ватаншоевым

"Дар маҷмӯъ, дар саросари кишвар ба бахши обёрӣ, интиқоли неруи барқ, роҳҳо ва бахши иҷтимоӣ харобии зиёд расид, ки ин ин хисорот наздик ба $100 миллион баровард карда мешавад. Мутаассифона, ин офати табиӣ талафоти ҷонӣ дар пай дошт", — омадааст дар хабари сомона.

Ҳолати аз меёър бештар шудани оби рудхонаҳо дар дарёҳои Панҷ, Вахш, Зарафшон, Кофарниҳон, Исфара ва Исфана мушоҳида шудааст. Дар натиҷаи зиёд гардидани оби дарёҳо ва омадани сел сокинони навоҳии Ванҷ, Шуғнон, Ишкошим, Роштқалъа, Дарвоз ва Рушони вилояти Бадахшон, чанд навоҳии вилояти Хатлон, дар вилояти Суғд навоҳии Айниву Исфара ва ноҳияи Рашти тобеи ҷумҳурӣ зиён диданд.

Бо таваҷҷуҳ ба таҷрибаи ҳамкориҳои ҳукумати Тоҷикистон бо намояндагиҳои дипломатӣ ва созмонҳои байналмилалӣ вазорати хориҷа изҳори умедворӣ кардааст, ки созмонҳо ва намояндагиҳои дипломатӣ ин бор ҳам барои бартараф кардани авоқиби офати табиӣ кумаки худро дареғ намедоранд.

16
Барчаспҳо:
дархост, кумак, 100 миллион доллар, ҳаҷм, хисорот, офати табиӣ, вазорати корҳои хориҷӣ, Тоҷикистон
Мавзуҳо:
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

959
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

959
Барчаспҳо:
Хоруғ, фурудгоҳ, Тоҷикистон

Дар Исфара яхдони "гармӣ" пайдо шуд - навор

445
"Ниёз дошта бошед, бигиред. Тавоно бошед, гузоред!" , навишта шудааст дар шишаи он, ки Яхдони меҳрубонӣ ном дорад

ДУШАНБЕ, 28 фев – Sputnik. Дар Исфара яхдоне пайдо шуд, ки дилҳоро нарму гарм мекунад, хабар медиҳанд шоирона расонаҳои маҳаллӣ.

Бино бар иттилои манобеъ, гап дар бораи "Яхдони меҳрубонӣ" меравад, ки барои ниёзмандон ташкил шудааст.

"Яхдони меҳрубонӣ" дар маркази шаҳри Исфара ҷиҳати дастгирии оилаҳои камбизоат  гузошта шудааст.

Аз он ҳамарӯза нафарони ниёзманд метавонанд ба таври ройгон маводи озуқа дастрас намоянд.

Ин амали нек аз ҷониби кормандони филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара роҳандозӣ гардидаву яхдони мазкур маҳз дар пешорӯи ҳамин ташкилот гузошта шудааст.

Дар рӯи яхдони меҳрубонӣ, ки дохилаш пур аз анвои гуногуни маводи озуқа мебошад, навишта шудааст, ки "Ниёз дошта бошед, бигиред. Тавоно бошед, гузоред!"

Сарвари филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара Абдуваққос Фаёзов мегӯяд, ки яхдон  аз ҳисоби ташкилот ва кормандони он бо маводи хӯрока пур карда мешавад.

Лекин нафарони дигари хайрхоҳу саховатманд низ метавонанд дар доираи қудрат ва тавон бидуни ҳеҷ як мушкилӣ тавассути ин яхдон ба ашхоси ниёзманд кумаки амалӣ расонанд.

Нони бепул ба ниёзмандон: иқдоми рамазонии "Амид" дар Хуҷанд

Дар "ИМОН Интернешнл", умед бар он доранд, ки "Яхдони меҳрубонӣ" дили афроди дороро нисбат ба мушкилоти ниёзмандон нарму қалби нафарони камбизоатро ба зиндагӣ гарм месозад.

445