Донишҷӯён дар ҳангоми дарс. Акс аз бойгонӣ

Русия вуруди донишҷӯёни тоҷик ба қаламравашро осон кард

11
(Таҷдидшуда 13:53 24.07.2015)
Зимни нишасти сарони кишварҳои узви созмони Шангхай дар шаҳри Уфаи Русия, ки рӯзҳои 9-10 июл барпо шуд, ҷониби Тоҷикистон аз Русия хостааст, то вуруди донишҷӯёнашро ба он кишвар содда гардонад.

ДУШАНБЕ, 24 июл — Sputnik. Донишҷӯёни тоҷики донишгоҳҳои Русия, ки аз он кишвар ихроҷ шудаанд, сар аз моҳи август метавонанд бо муроҷиат ба намояндагии Хадамоти муҳоҷирати Русия дар Тоҷикистон давоми 10 рӯз дубора иҷозаи вурудро пайдо кунанд, менависад "Радиои Озодӣ".

Усмоналӣ Латифӣ, сардори раёсати муносибатҳои байналмилалӣ ва робита бо ҷомеаи вазорати меҳнат, муҳоҷират ва шуғли аҳолии Тоҷикистон дар суҳбат ба "Озодӣ" гуфтааст, дар пайи гуфтушуниди ҷониби Тоҷикистон бо Русия дар мулоқоти Созмони Ҳамкориҳои Шанхай дар шаҳри Уфа, ки рӯзҳои 9-10 июл барпо шуд, вуруди дубораи донишҷӯёни тоҷик ба қаламрави он кишвар осон гардид.

Ба қавли Латифӣ, сардори Хадамоти муҳоҷирати Русия Константин Ромодановски дастур додааст, донишҷӯёни тоҷике, ки бо сабаби риоят накардани қоидаҳои кишвараш ихроҷ шудаанд, дар давоми 10 рӯз метавонанд ба намояндагии Хадамот муроҷиат кунанд ва барои вуруди дубора посухи мусбат бигиранд.

Латифӣ афзудааст, ҷониби Тоҷикистон аз Русия хостааст, ки ҷараёни дубора гирифтани иҷозатро барои донишҷӯёни ихроҷшуда осонтар кунад.

"Мо бо Русия як созишнома дорем. Бар асоси ин созишнома, гуруҳи коршиносҳои тарафайн ташкил шуда, аризаҳои донишҷӯёнро ҷамъ карда, баъдаш баррасӣ мекарданд. Мо аз ин ҷо ҳуҷҷатҳоро ҷамъ карда баррасӣ мекардем ва ба Русия пешниҳод менамудем. Русия ду моҳи дигар меомӯхт ва баъдаш қарори дубора ворид шудани донишҷӯёнро содир мекарданд, ки хело вақт мегузашт. Имсол бошад ҳамин мӯҳлатро кам карда, ба 10 рӯз расониданд. Донишҷӯён худашон ба намояндагии Хадамоти муҳоҷирати Русия дар Тоҷикистон арзиа дода, дар муддати кӯтоҳ посух мегиранд", — гуфтааст Усмоналӣ Латифӣ.

Соли гузашта зиёда аз 200 донишҷӯи тоҷик, аз қаламравӣ Русия ихроҷ шуда, дубора иҷозаи вурудро гирифта буданд. Донишҷӯёни тоҷик ҳангоми ворид шудан ба қаламрави Русия маъмулан худро ҳамчун донишҷӯ сабт намекунанд. Ё баъзе аз онҳо тариқи Русия ба дигар кишварҳо барои таҳсил мераванд ва инро дар корти муҳоҷират зикр намекунанд ва дар сурати вайрон кардани оддитарин қоидаи он кишвар ихроҷ мешаванд.

11
Барчаспҳо:
10 рӯз, иҷозат, донишҷӯён, вуруди дубора, ихроҷ, Хадамоти муҳоҷирати Русия, Константин Ромодановский, Усмоналӣ Латифӣ, Русия
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

88
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар ба расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Ккорҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

 

88
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

1163
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

1163
Барчаспҳо:
пешниҳод, Эмомалӣ Раҳмон, муҳоҷират, Тоҷикистон